¹ Israel mahãdu bydoholabeny Deuxu eweduky rarydere abededyynana renymy tii Egito ribi ditadenyde. ² Ibutumy hãwãribi kaiboho aratarenyre wahoromy. Taiki ijodi aõhokymy butyynybenyke. Ibutumy oraruna, tewinytenyki. ³ Iny aõbowiwona titxi ramyhy wii riteoarinyodi juhumy? ⁴ Bedebure haloe aõborawolohamyhyo bedekyki tadotxi rahaõdi. Bede bure haloe aõbotxuu rimytanyke haluuwooki iroduo rimyohykykeki. ⁵ Nawiio aõbobotoruki releoribi tuu reake? Irodu rubuna aõboreleke iroduo rimyko hykykoki. ⁶ Jurona ruronyke deoarinamy, ixymahãdu aõboilau rubeotyhy. Ierykonamy aõbinaõ hãwãtyre resemyhyre. Deuxu weduhuky tuu riywinyrekodi? ⁷ Deuxu weduhuky aõbotarybedi johodu riteoarinyodi aõ riwinymyhyre tamyreny? ⁸ Bedebure haloe rawolohamyhyreu mobohe ruberuo myhyre Deuxu weduhuky rarybemyhyreu, mobo irybemy rarybeomyhyre. ⁹ Asdode hetoki tule Egito. Biteoarinybeny kiawesemy. Bexibutunybeny mana hawalo Samaria wesimy ryimyhyre tahe beteheny aõ obitiomy ihawaki relemyhyre tai wii rirubunymy hyrenyre.” ¹⁰ d kiamy Deuxu rarybere: —Samaria ijoi mahãdu aõ widȳȳ rieryõre òbitimy, kia ihetoreny sõwemy wasinadi rȳimyhyre ibinabina bròrbi. ¹¹ Taiki ihãwareny iòludu mahãdu idireny rirurawonyre, ritxiwire butumy tule riwyrenyre butuny iaõnareny kai heto-rbi. ¹² Deuxu rarybere: —kia leão rimywna budoeni, taita iwedu aõhewna iwainatxile rihedȳȳnymyhȳre kiakõmyaõbo sohojile. Iwysetyhyle tahe rahenykre aõtxi-aõtxi-my kia hãwadu mahadu, wiji tahe bexielehynymy kia herinawiky-ki. ¹³ Boholabeny kaa warybeò tule kaa ibinamy ararybekre wasyò, kia Jaco riokoreboho-my Deuxu ruruterehikȳ rarybere. ¹⁴ Tiubo diarȳ ibina awinykreu Isrel mahadudee kia ibina riwinyrenyre òraruki, aritxiwikre Betel xiwena heto. Butumy inaubiowa werbi kia rȳira tai tahe sotxi kia resekre. ¹⁵ Aritxiwikre kaa beòra, wyra hetona; hetowihky rȳira, kaa iwertidi rȳira marfim heto, butumy rejujukre. Diarȳ, aõni, Deuxu tuu rarybereri.]