¹ Deuxu weduhuky rarybere: — Moabi mahãdu soemy oraruna riwinyrenyre soetyhyreki Diary aõhykymy arisynyrenykre. Edom Iòlò umy di risinyrenyre, riwosinyrenyre tuhyky helotyramy relere. ² taiki tahe Moabi hãwã ariworonykre, iheotyle Queriote tyhyna risokre rahukre. Wou ioharumy rohonykre, soldadu mahãdu rirajuarenykre wiuna ruronykre, tahe ijoi rexihukre. ³ Moabi Iòlò tule wedu mahãdu iludu arihukre. Diary wedu rarybereri. ⁴ Deuxu weduhuky rarybere: — Juda hãwã mahãdu oraruna riwinyrenyre, soetyhyreki diary aõhykymy arisynyrenykre. Tiiboho wa*Lei deramy rekoarenyre tule warybe konamy rekoarenyre.deuxu deosa riwowydynymyhyrenyre tahyynareny mahãdu wesemy ⁵ Taiki tahe Juda hawaariworonykre, iheotyle Jerusalẽ tyhyna risokre. ⁶ Deuxu weduhuky rarybere: Israel hãwãmahãdu oraruna riwinyrenyre soetyhyreki diary aõhykymy aresynyrenykre. Iny obiti wetxu rohonymyhyrenyre tumy tewe riowyke ihokore iny iaõkodi. Tule, tawa wyo riowynyke ihokore. ⁷ Iherenymy reamyhyre riobinany myhyrenyre, iaõko mahãdu tule ribony myhyrenyre iny ityhynaihoko. Tyby tariore wana hawyy wedena dee otaõtamy reamyhyre rejana woki, tai tahe ixyruna riwahiny myhyrenyre wanimy. ⁸ Aõtxile xiwena obitio bireki tiiboho roruku myhyrenyre tyy owymy rawahimyhyre tyre, Deuxu witxira xiwena rawahi myhyre rirysy myhyrenyre.mona riwyrenykremy nieru wasina ribi rimymyhyrenyre-di riwymy hyrenyre. ⁹ Kai boho ohotireny aõborusare amoheu mahadu-ò rewinyre ribi? irurutere diary rehure habu mahãdu rarierarie oworu wesena kie tyhylemy rehurenyre. ¹⁰ Diary heka anatadenyde egito ribi, quarenta wyramy adireny ratarukire bedebure tyaki suu ahawarenymy rewahinyre .amoheu mahãdu horo. ¹¹ Ariorerenyo retare rybedi ijohodu rarekremy ijo tasy nazireu my. Kiawesemy aõbokynyhe rewinyre. ¹² Kai boho mona nazireu mahadu-ò biwahiny benykre rybedi ijohodu lau warybemy rybe bitoenybenykre. ¹³ Kiaremyhe! Atyrereny soemy oraru aritidikre, ureny bimytanybenykre, mainidi itxyyna wesemy rawoodyynykre. ¹⁴ Mobo tarurumy reamyhyre tiu rahenyotyhy, irurutere mahadu, iruru rexihukre, ibrebutere rohedyyotyhy. ¹⁵ Habu xiwahate wyhymy debonadu tiu rotarenoytyhy, tiu irurenyotyhy, tule mobo tatimy hedumahadu, awaru tyre ludu mahadu. ¹⁶ Itxuu soldado tebure mahãdu dorile tamyawadi rehurenykre tasy rihenykre. Diary weduky rarybereri.