¹ Davi matuarimy rareu heka iriòre Salomaõ risỹnyre Isaeli iòlòmy. ² Ibutu Isaeli mahãdu wedumy ributunyre, Deuxu rybedumy mahãdu, levi mahãdu tule. ³ Levi mahãdu heka idi rariarenyre heka 38 mili hãbu sõwemy. ⁴ Tai 38 mili ribi heka Davi 4mili ritare Deuxu templo heka riwinyrenykremy. 6 mili heka rityyrytinykremy tule aõ rotỹỹnykeki raòbitinykremy. ⁵ 4 mili tahe ijòtòbòna-di itxeredumy risỹnyrenyre tule Deuxumy reàlànykremy itoanareny-di, kia Davi iólòle toana riwinykremy juhu riteònyre Deuxu heto-ki wiuna ijõdikemy. ⁶ Levi mahãdu heka isỹmahãdureny wese heka Davi ritxuare heka inataõmy Jesõ ilabierenymy, Koaté ilabierenymy, Merari ilabierenymy. ⁷ Jesõ heka iriòrereny inatximy: Ladã, Simei. ⁸ Ladã heka iriòrereny inataõmy: Jeieli, Setã, Joeli. ⁹ Tii boho heka Ladã riokoremy. (Simei iriòrereny inataõmy: Selomité, Hasieli, Harã.) ¹⁰ Simei heka iriòrereny inaubiòwamy: Jaaté, Sisa, Jeusú, Beriasi, ¹¹ Kia iriòdelareny ribi heka iriòredỹỹbò-ò rirytinyre. Jeusú, Beriasi iriokorereny sõwe aõkõ tai dori sohoji mahãdumy raryberenyre. ¹² Koaté heka inaubiòwamy: Âraõ, Isá, Heborõ, Usieli. ¹³ Ãraõ, irióre dela heka iriòrereny: Araõ, Moisesi. Ãraõ irioko riòrereny rihitxinyrenyre Deuxu heto-o idi raõmysỹdỹỹnykremy, xiwena riwahinykremy, xiwena lỹrena risõkremy Deuxumy reàlàrenykremy, Inynyrỹ deòdumy, Deuxunimy reàlànyrenykremy Isaeli mahãdu Deuxu-ò riteòsinykremy, tamyreny reixitòenykremy. ¹⁴ Ihỹre heka Moisesi Deuxu deòdu riòremy heka idi rariarenyre, levi mahãduy-ki wahe. ¹⁵ Moisesi riòre inataõmy: Jesõ, Eliesé. ¹⁶ Jesõ riòre wedu heka Sebueli rare. ¹⁷ Eliesé iriòre sohojile rare, Heabiasi, tii sõwe iriokore riórereny rare. ¹⁸ Koaté riòre helỹỹna tahe Selomité inire, tii isỹmahãdureny wedumy. ¹⁹ Koaté riòre inataõnamy Heborõ, iriòrerenymy inaubiòwamy: Jeriasi, Amaria. Jaasieli, Jekameaõ. ²⁰ Koaté riòre inaubiòwa, Usieli tii iriòre inatximy: Mika, Isiasi. ²¹ Merari iriòre inatximy: mali, Musi. Mali, iriòre inatximy: Eliasá, Kisi. ²² Eliasá rurureu heka iriòre hãbu ijõõre, iriòrereny heka Kisi riòrereny wana raòdònyrenyre iseriòre woludu mahãdu wana raòdònyrenyre. ²³ Merari riòre ihelỹỹna heka Musi inataõ iriòrereny:Mali, Edé, Jerimoté. ²⁴ Kaa mahãdu heka Levi riokore riorerenyre, tamahãdu tamahãdureny, iwedunirenymy. Tii boho heka 20 beòra ribi idi rirytinyre kia ibeòrarenymy. Tii boho heka Templo Deuxu heto aõmysỹdỹỹdumy roire. ²⁵ Davi rarybere: Inynyrỹ, Isaeli Deuxu heka tamahãdureny-ò ywina diwahinymyhỹde, Kaki Jerusalẽ hãwã-ki rasỹnymyhỹke tiemy. ²⁶ Tai dori Levi mahãdu, idi raixãnyõtyhy kia Deuxu heto iaõna õnareny idi raixãnyõtyhy, Deuxu heto rilaweõtyhy ixyby. ²⁷ Tai dori iwese Davi rybe ònanamy rarybere wesemy tahe Levi mahãdu 20 beòramy roireu heka Deuxu templo-ò ralòmyroire wahe. ²⁸ Inyõ Levi mahãdumy heka Araõ riokoremy roire heka templowo-ò ralòmy xiwena wahidỹỹdumy riwiòhenanykremy, tule iwo-ki idi riywinyrenykremy, ibutu idi ywidỹỹmy roimyhỹrenyre. Ibutu idi òbitinamy idi raõmysỹdỹỹkremy Deuxu-ò. ²⁹ Tulesỹ paõ Deuxu-ò riteòsinykremy, xiwena hinamy, paõ iuriuriõdimy, xiwena heramy roire tule, tiriku adỹỹ wana xiwenamy riwahinykremy heka tule xiwena iutxienamy rierykemy, ³⁰ Tule iaõmysỹdỹỹnareny rare, ruu-dil, txioromy Deuxumy reàlàrenykremy ³¹ Sabadu txumy heka xiwenamy risõrenyreu, ahãdu bedeu worana bedehesi, ijõ tule worana bedehesiu heka mahãdu mahãdumy iaõmysỹdỹỹnarenymy roimyhỹre dori. Tii bho tuhyymy Deuxumy reálàrenykremy. ³² Tii boho heka Deuxu tyy heto heka idi aõmysỹdỹỹdurenymy roire, isỹmahãdureny wióhedỹỹmy Araõ riokorereny wiòhedỹỹmy idi reàlàrenykremy Templowo-ò.