1
ای زَأکأنْ، خودتانِ پئر و مارِ جَه اِطاعت بوکونید، چون کارِ دوروست هَنه، خدا شیمی اِختیارَ اوشَأنِ دس بیسپُرده دَأره.
2
اولین حُکم جی «دَه فرمان» کی وَعده مرَه همراه بو اَن بو: «خودتِ پئر و مارَ اِحترام بنن»، و اونِ وَعده هم اَن بو؛
3
«تا سعادتمند بیبی و تی عُمر زمینِ دورون دراز بیبه»
4
و ای پئر و مارانْ، شیمی زأکأنَ ناراحت و عصبانی نوکونید، بلکی مُحبتِ اَمرَه خدا کلامِ جَه، اوشَأنَ نصیحت بوکونید.
غلامان و اَربابانِ روابط
5
ای غلامان، شیمی زمینی اَربابانَ ترس و اِحترامِ اَمرَه، و جی تَه دیل اِطاعت بوکونید، جوری کی اِنگار مسیحِ جَه اِطاعت کودَأن درید.
6
شیمی اِطاعت اَنِ وَسی نیبه کی چون شیمی مُراقبد، و یا کسانی مَأنستَأن کی خَأید خودشیرینی بوکوند و انسانِ دیلَ بدس بأورد، بلکی مسیحِ خادمینِ مَأنستَأن، جی تَه دیل خدا اِراده یَ بجا بأورید.
7
شور و شوقِ اَمرَه خدمت بوکونید جوری کی خیال بوکون خداوندَ خدمت کودَأن درید نه اِنسانَ،
8
چون دَأنید هر کس کی اَعمالِ دوروست اَنجام دِهه خداوند اونِ پاداشَ اونَ فَأده، چی غلام بیبه چی آزاد.
9
و شومَأن ای اَربابان، خودتانِ غلامان و زیردستانِ اَمرَه هَطو رفتار بوکونید، اوشَأنَ تهدید نوکونید، جی خاطر نوبورید کی شومَأنم غُلامید، و اونی کی آسمانِ میَأن ایسَه، هم شیمی اَربابه و هم اوشَأنِ اَرباب، اونْ تبعیضی قائِل نیبه و کسی جَه طرفداری هم نوکونه.
جنگِ روحانی اَسلحه
10
خلاصه ای برَأران، خَأیم خداوندِ اِتحادِ اَمرَه اونِ قُوت و تواناییِ عظیمِ جَه نیرو بیگیرید و قدرتمند بیبید.
11
خدا اسلحۀ کاملَ دوکونید، تا بتَأنید اِبلیسِ حیله یانِ جولو مقاومت بوکونید.
12
چون اَمَأن اِنسانِ مرَه جنگ نوکودَأن دَریم، بلکی اَمَأن بر علیه قدرتان، ریاستان، نیروهایی کی اَ دونیایِ تاریکِ دورون حکومت کوند، و لشکری جی نیروهایِ شیطانی کی آسمانِ دورون ایسَد جنگ کودَأن دریم.
13
پس خدا اسلحۀ کاملَ دوکونید تا روزِ شرارتِ رِه، بتَأنید مقاومت بوکونید و همه کارانَ
14
پس اُستوار بِئسید و راستی کمربندَ مُحکم شیمی کمرَ دوَدید و عدالتِ زِرِه یَ دوکونید،
15
و انجیلِ سلامتی کفشَ دوکونید و آماده بیبید تا همه جا بیشید و انجیلِ پیغامَ اِعلام بوکونید.
16
علاوه بر اَشَأن، ایمانِ سپرَ اوسَأنید تا بتَأنید اونِ اَمرَه شیطانِ همۀ آتشینِ تیرانَ خاموشَ کونید.
17
نجاتِ کُلاهخودَ شیمی سرِ رو بنید و روحِ شمشیرَ، یعنی خدا کلامَ به دس بیگیرید.
18
همیشه و همه وخت مُطابقِ روح القدسِ اِراده دوعا و التماس بوکونید، هَنه وَسی بیدار
19
مرِه هم دوعا بوکونید، تا هر زمان دَهَن بازَه کونم، قدرتِ بیان مرَه عَطا بیبه و بتَأنم اِنجیلِ رازَ شجاعتِ اَمرَه اِعلام بوکونم.
20
اِنجیلی کی اونِ سَفیرم، هر چن سفیری کی زنجیرِ دورون ایسَه! دوعا بوکونید کی بتَأنم حتی زندانِ دورونم شجاعتِ اَمرَه اون طوری کی شایسته یه دربارۀ مسیح گب بزنم.
خاتمه
21
اَن وَسی کی می حال و اَحوالِ جَه باخبر بیبید و بدَأنید چی کودَأن درم، تیخیکوس، می عزیزِ برأر و خداوندِ وفادارِه خادمْ، همه چیَه شمرَه گویه.
22
من هَنه وَسی اونَ شیمی ورجَه اوسه کونم تا اَمی حالِ و اَحوالِ جَه خبردارَ بید، و اونْ شمرَه تشویق بوکونه و شومَأنم دیلگرم بیبید.
23
دوعا کونم کی خدایِ پئر، و اَمی خداوند عیسی مسیح، شومَأن می عزیزِ برأرأنَ آرامشُ مُحبتِ با ایمان عَطا بوکونه.
24
خدا فیض همۀ اوشَأنی اَمرَه بیبه کی اَمی خداوند عیسی مسیحَ محبتی تومامَ نوبوستنی مرَه دوست دَأرد، آمین.