¹ Ne poli wuwa, klɛ wo basiŋɛ na se yesu wo tʋdʋmŋe, n'a yiri di ba klɛ wo tisili wozɔnrili tagi. Pe ce pe taa klɛ la na kaɲɛne cɛn, le losa dan klɛ ge. ² Cege tatahge ki wa pe tapohge ki wa kaɲɛnɛ fooŋe ge klɛ wa wu ɲɔge kan fo konge ze sanhzeyi. ³ A wu mudan terine siye wu kayune fanhe la . Wo pohvoŋe klɛ wuwo baare le na cee. ⁴ Ne we sɛbɛŋe torogo titi tagi, wuru wuwa ne sanŋe bilebile ge dage niginŋe fanhe la geɡe nɔɔhi wo wa ge.Woto klɛ na wo pohivoŋe yesu krisita wu yirimbe na ɲaɲige kan ma. ⁵ Le ɲuŋtan ne ma yahi kɛrɛti mahmbe ge, liriliwa ma krisita wo tisili wo kerigi sɔnri, na ɲuŋfeyi tienŋe kanhye niginiginŋe mun la tisili ɲuŋo, na sahi na mawo yɛriŋe. ⁶ Peri ɲuŋfeebaa ya pe se tigireba tisile, na ceeniginigi fiye. Pe nagoh ya pe se tisili pe daa pela, pe mepihɛhe ba yiri pe ɲarigane kunnuŋi, walima pe ɲuganrige kunnuŋi wɛ. ⁷ Krisita wo tisili ɲuŋfeyi pe wa ye ɲahabadorili ge,pe ya pe se fiɲɛgi ba. Peba peyɛ porigi tisili layi, peba ze zongwɔmɔ tisile wɛ, pe sun ba ze simbe bulili wɛ, pe sun ba ze ɲatanhŋe vee wɛ, pe sun ba naŋanre si ladaŋe nɔni wɛ. ⁸ wurifunŋaa ya wa nabuhi yala wajoni, kaceŋgi ka dan wun, fugɔnye wojeye foo, na ze sɛri tisa, na ze fɔŋgiba, na jɛni wuya. ⁹ Klɛ wo kayune la daaŋe wa ge, pe tiin liriɲuŋo, lele sahi na wo kaliŋe ge. Lirila, paa jin tisili yɛri na kaliŋe wojeŋe, bi pe pe kaali ge, pe peri wo tapinye siye pe la. ¹⁰ sin ɲɛŋmɛ wa naŋi pe pewɛ tirige na sanhi pe tiin kayubegi jovehi na tisili piinvehi. Pe woɲɛŋmɛ wa zifuli, bi pe daa krisita la ge. ¹¹ Mu ya mari pe ɲahi kon pe ba yuwɛ. Pohi jin tiihi na pe nagohi ɲuye kanri na pe kaliŋe wo biŋe, we pe daa zii ladabine nɔŋi ge. ¹² Kɛrɛti kanŋwoŋe wuŋe wa, wu ze pe tuŋduŋe ge wire wu ze le kayune joo.Kɛrɛti kanŋge siin kafire ɲɛŋi, pe ɲaŋhaa tanhi ba sigikari ɲi. pe lɛra tono pe kasanŋe munra pe. ¹³ Le kayuna si kaɲɛne, lirela mu ya ma liwahi pe la,koni peri daage wojenge ta. ¹⁴ Mari li jo pe na pe ba peyɛ po zifuli wo miniye layi nuŋeye, na tisili pe lise kaɲɛne la ge,peba zon periwo wojune layi. ¹⁵ Tisili pe fiŋe klɛ ɲila ge, yɛriye mu ye fiŋe peri mu, gatisili pe li se klɛ la ge, pere, yɛriye muha fiŋe pere wɛ, baliwaye pe fuŋgɔnye na pe zombi mu pe wo. ¹⁶ Pe peyɛ yahi klɛ ciinveyi, ga pe kasegi lisɛlɛ na pe sɔn klɛ layi