¹ Mu Titi, ta tisili yɛrigi ma zahŋi na kaliŋɛ wo jeŋe. ² Li jo nɔglebi na pe se sɛri tisile, bi mu pe yahi fugɔnye wo jenye fiye ge, na cege tataŋe wojenge, na klɛ wo kadange, na kerigi guŋe. ³ Liri kanna mari li jo celebi wo ɲarigannɛ li sahi na tisiire klɛ kabanuga na pe sun ba ze simbe bululi wɛ. Peri pe tisili tanna kaceŋgi zeŋe. ⁴ Lirila cee pe wa pe sanŋ lɛyi ge peri pe taagi pe cɛn pe pe namabi na pe nagobi kaa tan peye. ⁵ Pe se cee sɛri wulo, bi mu wo funŋgonye ye tigatiŋ ge, na bi pe sɛre si pe sinɲe kasegi la, na bi wo zɔmbi pe ɲo ge, pe ba peyɛ tirige na san pe namabi ge,koni tisili ba klɛ kayunɛ lawu wɛ. ⁶ Liri kanna nunŋni, mari naɲili yɛri naperi pe se sɛri tisile ⁷ kerigi mu la. Mari tannibe wojembe siye pe la, ma ba pe kala mari ma funŋge finŋe na ɲatoge. ⁸ Ma kayune li se kayu tisaa si jɛn le mu kalaahi ge, koni wo pinli ba woju ta wo layi, lirikanna peri zige. ⁹ Mari bululi yɛri na pera ya pe peyɛ tirige pe san, peri payɛ ka tan pe ɲuŋfebi kerige mu la, pe ba pe ɲɔge su wɛ. ¹⁰ Pe sun ba pe yolo kannɛ la mu lahi. Paa pe tisiire ɲɔbone sɛlɛ pela tɛrigi mu la. Liri kanna pesida wo pohivoŋe klɛ kaane pɛlɛ ¹¹ ɲahan, klɛ wu cembe siye tafage Adama nagobi pona si jɛn pohi wuri wo fanŋe cege la ge. ¹² Wuri wa li sɛlɛ wo la na wo zagi klɛ la, na wori li see ge koŋge wo mudanbibe la. Liri kana, na wo yahi niɲan wo koŋge la wo cɛn wo woyɛ co, wora ɲari kaɲɛne ɲuŋgon klɛ ɲahi tanŋ. ¹³ Na wo yahi fudange cabile wo zigiŋa, liri wa fanŋe pone foŋe klɛ, wo pohivoŋe Yesu krisita wo yirimbe canɲine ge. ¹⁴ Wuri bile wa wuyɛ kan wori maŋga, na wori ɲuŋe wu kanɔhiye ponɛla na wori se wu tisile fɔŋe wa bi mu layi ge, na wori se tisile bi mu pe yɛri na yahi kacenŋi zeŋe maŋga ge ¹⁵ Mu ya ma tisili kala, mara pe yɛrigi, mara pe piŋge yu pee na ɲuŋfɛre kanne, ma ba mayɛ yahi tisa wu fanhre san ma layi