¹ Wo woyɛ wu kasebagi, jimuu cosa ja wo ɲɛrine kagi na cesa wo tombe pɛn Klɛ korine ɲunŋo ge. Ani wora fɛre fie ti kafie ɲuge la, deto kan wo klɛ korine ɲugtan ge, naalise kasiyɛge fiebi wa na wo le nige. ² Yesu wa wuyɛ kan na kori sige la, na siige ku foo nasa da nawu guuŋe, nalise pembe pize wu ɲahila Klɛ fanhifɛre la ge, wowo ɲahye sahi wure wuri wuwa wo daaŋe nosanre na ti takɔge. Wa tin Klɛ fanhfɛre kone ɲuŋo wu sulice la. ³ kana wa ɲanige kuu wuyɛ ye tisiri wone la ge, Liri la yeba kaana lamu yahi li fanhe ta ye ɲuŋo wɛ, ye suŋu ba ye cere bigayi ⁴ Yoye muu yezi koni di fanhe ta kasebagi ɲuŋo ge, ye sanhi kamu se foo lisa no kuu kaa layi. ⁵ Yeri fuye a wɔ nagotibi wo ladire de la? Tira jo: naja, maba lise kafoŋe wo ladire layi, wuba ma ladini ma cere ba bugayi, ⁶ ɲanha tisaŋe kaa ke dan Kafoŋe ge wuri fuŋe waba ladini. wuba tisaŋe wemu se wu san ge, waba wuri funŋe mu ɲahe gba ⁷ Ye ble wo ɲoŋe kunuŋnun ge ɲanige a noni ye la. Klɛ a ba ye co ba wu nagoo ɲii. San wusin wuwa wu toŋe a wu ladini wɛ. ⁸ Klɛ a ba wu nagobi ponɛ ladini, wubaze wa ye ladini wɛ, lira li siye yewa wu nagoo ble bleyi, foo kakure wo nagoo. ⁹ Wo ba wo cere pure wo se viebi wi i pe ze ba wo ladini na kerigi mu fiiye nga wo ze ba pe pɛlɛ. Liri la do, wo yaa wori woyɛ muu tirige Klɛ ɲehitaan wori munane wogɔbane ta, ¹⁰ Wo ceri pure tii ba wo ladini tɛrine wo sisiri bileyɛ na piyɛ siɛre muu. nga klɛ ba wo ladini wo ɲonge worine la, koni wori wu cenbe ta, ¹¹ Tɛrine wo ba klɛ ladire taa ge liri tɛ na ba ze fungdang tɛrɛ foo tɛripili nga bipe tiri tage, peri ba liɲa na lose kaa lo le fɛribe na fundange kan pere ge. ¹² Liri la, cenye yo kuge ye yi yirige, ani toye ye jɛlɛ ge yeri yi ya ye yeriŋe. ¹³ Ye ɲari kone wojinne ɲuŋo, koni toyi nigin nigin feebi yi ba gagi wɛ, nga yi gboguli yi yere. ¹⁴ Fundage kita yeri tisire muu sonhumo ani torigane wojene li ɲa ye la, nalise liri baa tagaa, wa mu a ba ja kafoŋe ɲayi. ¹⁵ Ye ja yeyɛ la, wamu ba kadugi kan klɛ wo fɛrimbe wɛ. Wamu ba dɛrɛ ba mujo sige wobege ka ke siin fori kola ɲogi wɛ foo na tisire bile yɛ wurugi nayigi Klɛ kone ɲuŋo. ¹⁶ Wamu baze ye sonhimo tinohimbe sefo di kpɛge tɔ mujo kana Ezawu a wu lɛge pɛrɛ yali la wu conŋe ge. ¹⁷ Yeli cen na liri kadugo awu tɛrɛ ba li saa di lɛgifiyɛre dubaŋe sa tofoŋe ga wa wu tayi. Wa toriganne la mu tayi lole se ja wu tagi di dubaŋe tayi ge, ali nata wuze guuli. ^{18 19 20 21} Ye gbari ɲange la ge la waa ja cege tahi wɛ, sinayi ɲange na nage wogbohe kize wage, na siige na fara kafiyɛ gbohe la. !! Tɛrine Isirayɛli a june la logo foo la fanhitɔ pe la ge, a pe sa najo na pe ba nunŋu le june yahi lije peri ɲiwegi wɛ. !! Nali se kodorigi cekan pee ge, peze sa ja ce layi; we mu ba gbɔn ɲange la ge, hali kimize yapɔrigɔ ko yaa ki wa na kideye ki gbo. !! Yɛriye yo siye musa la ge, yi fanhe ɲɛheŋe cee foo wa jo: ne jɛlɛ saare cee. ²² Ga yere gbara siɲɔ ɲage la na gbara Klɛ wojeɲe tatinyɛge mu la, na zeruzalɛmu mu wa Klɛ fanhifɛre la ge na wu mɛliye. ²³ Sen siili wo maye yiwa Klɛ fanhifɛre tage ge, ye gbara peri la. Ye gbara Klɛ la wuri wa tisire mu wo kitiŋe koon na fundage na kaŋene ɲuŋo. ²⁴ Ye gbara Yesu la wuri a ɲɔge kan woo vomu la ge, na wuyɛ sisambe wo mahijo kanela Abɛli wuba wo ge. ²⁵ Liri la ye wele yeyɛ yiri ! we wa yu na yee ge yeba kaduye le wun wɛ ye nuri wu ɲoo la. bimu pe lise pe logo pe logoveyi ɲoo wa ge wuri wa mu ɲanha ɲiŋeyi. Liri la we wo kayune le yiri klɛ fanhifɛre la ge na yu woo ge, woba ze wo li logoyi, wosa ɲaɲinge tayi. ²⁶ Wu kayune a tiye na ɲinge cunŋo, ga nimi wa wu ɲɔge kan wo:" Ne baa nuŋ ɲinge yɛ cunŋ wa dɛ, ga ɲinge fara fugbanŋe la yi muu yesa junŋi" ²⁷ Kayogi a nuŋɔ li sɛlɛ na yɛriye muu ye siba nuŋa junŋu du biin. Wo juŋu baaye yɛ di din. !! ²⁸ LIri la, foo wo li yaa wo cɛn, na fanhinfɛre wogɔbare wosa da. wo kiri cɛnge lɔ wora lasi Klɛ, lo le bɛ wun ge. Na penmbe na wu ɲahi saare. !! ²⁹ Wo licen na Klɛŋe wa woo ge, nage ki wa geke yɛriye sorigi ge.