¹ Na na mɛ ɲi bio lema ma ɲɔ mɛ na a piyɛ E ci san, apa na lege ye mɛ san fo kɔrɔnɛ. E ɲɔma yala, apa ke mɛ bɛlɛ ɲɔma sababu wa na ni mɛ ɲɔ zuga banfula na. ² Mɛ zeri Evodi na ni sɛntisɛ mɛ n zeri na mu a pora da ni biten na Eci san. ³ Wan mu, mɛ wali darɛ ɲɔ kole ten ci, mɛ ji wan zeri ni wo ni da na kan la jɔmɛ. Naya lema ke mɛ jɔmɛ ci jɔn ɲɔmɔ la won, na ni kelema na ni mɛ wali dari ɲɔ yaa tɔ la. naya lakala yile ko gɔn sayɔya kitabu la won. ⁴ A ɲɔma a bɛlɛ E ci san lenwere mɛ ye jugu bɛn sema, a ɲɔma a bɛlɛ. ⁵ La lakala ɲinu na ka bɛlɛ bi ka zuro. E yen e jele yan. ⁶ Apa haciri ba gɔgɔ ni pɔyi na, naa ce yii wo yii lema yen apa san, apa kuiri naa vamara yan ni va zira ni va zira murɛ na ni mawali na. ⁷ Ni na n da, vamara hɛrɛ la le koeri la la lakala tasi la bɛn, na ji apa bɛlɛ bi napa tasi zɛn kirisa yezu na. ⁸ Naa lakala dan, e ɲi bio, ma lema ke cɛn, yii lema mɔni ni co na, yii lema ke cɛnsɔ, yii lema ko poron, yii le ɲɔ, yii lema yile canna lurɔ, yii lema canna, yii le canna ni yile bra na, apa da tasi na maya la lakala na. ⁹ A da ma lema karan a nɔ, n nɔgɔ ana sa na le mɛ yan, a da naya. Ni na ni da, ma cana ci vamara ji jnɛ apa yan. ¹⁰ Mɛ bɛlɛ ɲɔma Eci san fo kɔrɔnɛ a nɔ bisaso ni apa sumu mɛ sɛrɛ sema. Na lakala won, apa tari ni sumu mɛ sɛrɛ, naa apa yen mɔna na won ma. ¹¹ Na ɲama kun te mɛ yan ma mɛ guemina yilna ba, na yilena mɛ n da le wo le na, mɛ cɛnsa na la bri ana pɛrɛ. ¹² Ni pantanya yen mɛ san, mɛ ɲini na sa .Ni mɛ ni da yii ci na, mɛ ɲini na mu sa. Yii wo yii na, le wo le, n va wo, n tamu ɲisimɛ na wo n da yii ci na wo, n ga wo, mɛ da deri na lakala na. ¹³ Mɛ gula da ma lakala kirisa pan won, o wa ni nɛy pan mɛ na. ¹⁴ Na lakala wo, apa da ma cana a da mɛ jɔɛmɛ mɛ pɛmɛ yala won. ¹⁵ Apa Filipinala apisa mu ɲinu ni wo ni mɛ lura Maseduane zere la won lenwere la, jɔn ɲɔmɔ la ɲi muan were la, karan ja lema da mɛ cina na pɛ yii na ni nari na, na ke apisa mini yan. ¹⁶ Hali o jɔn mɛ Tesalonike, apa baba mɛ ma verimi yii dari mɛ na bisa ɲii. ¹⁷ o te dama mɛ ni kuiri tele yiidari yan ma, naa ce mɛ kuiri apa lanaya bi la yan, na da ziɔn o da zati apa na. ¹⁸ Mɛ na mɛ ma verimi yii yala lakala, na da ziɔn o bɔmɔ mɛ mako yii la. Mɛ Va, ben na apa babu yii le mɛ na Epafrati lon, mɛ na naa lakala. Na da pɛ yii suma ɲɔmɔ mɔ na vamara yan, o ɲɔ na. ¹⁹ Mɛ vamara ja apa ma lakala vari o mɔnɔ o se yii ciri ya lenbe ci na kirisa yezu san. ²⁰ E ɲina vamara mawali le zoere ba le zoere ba Amina! ²¹ A vamara ma la lakala ten ten mawali kirisa yezu yilena. E cina lema yen mɛ yan te, naya lakala da apa fo ²² Vamara la sa tɔsɔ la lakala n da ana fo, dama lema lakala yen Rɔmɛ Pa bala guso won. ²³ E ci yezu kirisa pɛ yii jinɛ a mu yan.