¹ Haya bisaso, mɛ ɲi bio, a ɲɔma a bɛlɛ E ci san. A guan na ma la a baba apa na, naa ko kɔrɔ mɛ san ma o ji gulɔ a da apa banba. ² A suma a sa ya va yala san, a suma a sa ya magɔsɔ dari cala san, ³ naa ce epa ke jiri bra ci sɔbɛ ya, epa lema n ceri co vamara bɛn o se Nisenu pan won, e ganra a se kirisa yezu san, naa ce epa ta n de e jigi la e yara nama la bɛn ma. ⁴ Hali na mu wo jigi nɔ yen mɛ yan yara nama maya la won. Ni lo len n de tasi ni jigi nɔ yen o yan yara nama ma yala won, o yen mɛ yan o kɔrɔ o ɲi na bɛn. ⁵ Jiri lura mɛ san mɛ lura da lena wura. Mɛ ke Israyɛli ju darɛ na, Bɛnzamɛn ju ya. Mɛ ke Hɛburu se ya. ⁶ Sariya nɔ sa ya, mɛ ke fariziɛn ya. Bɛlɛ lomi sa ya, mɛ tari pɛnri karan ja yala. cɛn sa len nɛy sariya la won, legere nɔ to mɛ san na jɛn ya ba. ⁷ Naa mɛ ta n nɛy tɔnɔ ma lemasan, mɛ sumu naya na bɔnɔ na kirisa san. ⁸ Can mu dɛ, mɛ n de so yii so lakala niy bɔnɛ na so nafa mumurɔ yilenà, yezu kirisa mɛ ci ɲina la kɔni. o wa yilena mɛ da bɔnɔ yii la lakala won a da na `lakala jati ni wasari na, yele mɛ na kirisa, ⁹ na ni mɛ na o wa san. Mɛ se cɛnsa le nɛy sariya la won, ka na ba, fo cɛnsa le nɛy lanaya la won kirisa san. Na cɛnsa la lurɛ vamara yan, o lanaya la pan won. ¹⁰ Mɛ kuiri le yan, naa ni so na, a ɲini kirisa na ni o sa kɔara pan la mɛ turɔ a tele o pɛmɛn ma la won o da no yɔrɔ na o cɛmɛ ma won, ¹¹ yele cogo wo cogo mɛ mu gulɔ a sa kɔrɔ o lurɔ cɔ yala sɛrɛ. ¹² o ye da dama mɛ nɔ a zɔɔ ba, wala ni mɛ ɲi ko posɔrɔ. Naa mɛ sue o dapɔn, yele mɛ da banba a nɔ, naa ce kirisa muan mɛ o zɔa. ¹³ E ɲi bio, mɛ tan do o jati ni mɛ mɔ a zɔa ba, naa mɛ n de so ma biten so. Mɛ n bri a yiri mɛ dapɔn yii yala san, a bri a mɔtɛ a sa cila yii yala san. ¹⁴ Mɛ sue ya o yi na suan dana naa san, yele mɛ na naa sesɔrɔ jala la, na ke vamara komere la o lurɔ vɔn na yezu kirisa san. ¹⁵ Apa lema ɲi pusɔrɔ kunmara na, e lakala da tasi bɛn. Ni tasi buru yen apa dari won, vamara ji na mu bɔrɔ apa na. ¹⁶ Cogo wo cogo epa yii wo yii danle san, epa vari o mɔni na na. ¹⁷ E ɲi bio, apa lakala mɛ ɲi lisa cana. Epa bɔrɔ o sa apa na . lema n veri o mɛni naya, a sumɛ naya na. ¹⁸ Mɛ ɲama apa na ma jaani, mɛ ziciri ji jugu bɛ bisaso, ni la jaani jina ko ni bɔri ni wo ni nariya ke kirisa zɔga a na piyɔ duru la bɛn. ¹⁹ Ana zɔa ke ɲɛnɛmɛ ya. Ana po ko na va zira nɔ wa. Ana ganra a na sa ana ci nɔ na. Ana n de n tasi so diɲɛ maya so ma na, ²⁰ Epa kɔni epa ɲina ja yen vɔn na. Epa n de e kirisi ci lo ci yezu kirisa e bani na o lurɔ bran ²¹ o je epa cusa yara nama lamisi o da yara nama len be ci ɲimisa ci bɔɲɔ si la o mɛni ni o pan wali dari sa na, o gulɔ o mɔru yii lakala o se na o pan le yan.