¹ Na lakala dan e ɲibio, a ziri va epa na na, ma le ji ce E ci la jɔn na san se o wa o yan o ganra dama ni o de apa sɛrɛ ɲa len ɲɔrɔ, ² Na ni yele e zɔw ma gɔsɔ cɛn sɔ bali cala san, ben yilena la lakala dere lanaya ba. ³ Naa E ci ke kole ten ci ya, na de apa banba o bri ana suntani san ⁴ epa ce apa male won, epa ke poromu na san E ci la san ni apa je na da , ni apa je tamu de na ma. ⁵ E ci cɛnsɔ apa bɛlɛ bi vamara kanuya ni kirisa muɲuni la san. ⁶ E ɲibio, epa ni ɲimi so so na apa na o poromu E ci yezu kirisa yilena ni wo ni ɲibio lema n veri peritiparata won, naa na te veri o mɔni ni epa leleli na ba, a ba da bɔ a na san ma. ⁷ Apa ka kan a kukusu epa dan ɲa le ɲɔ, apa sia ɲini na, ben yilena epa yen veri apa sɛrɛ piriki paraka won ma. ⁸ Epa yen jiri yii ji lo pɔyi pɔn beku, na ce epa de wali yala ce wɛn bɛ, ben yilena epa ba da lo pɔyi deni na ba. ⁹ Na kɔ ɲɔ ni cɛn te epa yan ma, na yilena epa yo yan e bɔrɔ ma sa apa na yele a kukusu epa dan ¹⁰ O jɔn epa apa yan, epa ɲama so apa na o kɔrɔgɔ ni wo: Ni darɛ siɛnra o da wali ba, na ci mɔ baa jiri yii ji ba fiyew. ¹¹ Epa nɔgɔ ni dari yen apa sɛrɛ won lema ni veri perkiparaka won. A na dere wali fiyeu, a na ciri a ɲe ma lakala won. ¹² Lema yen na ma la won kɔni, epa ji ɲamɔ naya na o kɔrɔgɔ Eci yezu kirisa yilena, ni na da bara cin cana a na gamu a na sa. ¹³ Apa kɔni ɲibio, apa ba piɛn ma cana dari na ba. ¹⁴ Epa ni nɛy karan len apa na so vari so won, ni dari yen siɛn na tan ba, apa yɔrɔga na, apa ni na ci ba pilimi ma pɔyi san, ma le je ce o da ci. ¹⁵ Naa lakala da a bɔ o mɔ a gɔsɔ na ba, naa a da o leli dama e ɲi bi dari. ¹⁶ Hɛrɛ ci vamara na se nɛ hɛrɛ a na na were lakala ma lakala na. E ci tamu apa lakala yan. ¹⁷ Mɛ Poli se nɛy gɔn apa mawali vari. Mɛ ni gɔnru bɛ; naa ke tɔmoso mɛ vari gɔn lakala bɛn. ¹⁸ E ci yezu kirisa o pɛ jina mu yan.