¹ A ɲibio, E ci yezu kirisa koli yilena na ni e da zamisa o yan, epa ni ziri a na, ² ni wo apa ba sisigiri fɔn fɔn ba zuga a na yiri ton bio jɔn wala ton bia jɔn ɲama yan ni wo ni E ci were la ye o zɔw, dama vari, ba no ɲama ni wo ni mɛ baba ana na. ³ A ba siɛn lo pɔyi lege a na ba ma pɔyi na, na yilena na were ja yi ni pura ye da vamara ce na bɛn madere ba, na ni na lo gɔsɔ la yen o se bɔrɔ dere ba, na ɲɛnɛmɛ bi la kɔni. ⁴ Yii wo yii ni komi ni vamara, yii wo yii ni ziri, o ji weri cirɛ a na san o ganra o se a na san, fo o jin tan vamara zira ja murɔ won o bɔrɔ o se ni o wa ke vamara ⁵ Apa yiri te o ma ni wo, o jɔn mɛ apa yan, mɛ ɲama na apa na wa? ⁶ Yile go bisaso, male ce o dɔ ose bɔrɔ sani were ji yi, a sa a ɲinu. ⁷ Na cɛn sa bali fomu ninde bara hali zɛ, naa ce len n gɔ sema, na jo guu fo o wa o bri ⁸ Na were lo gɔsɔ jo se bɔrɔ, na were E ci yezu kirisa ji na wulu ni o se len wamɛ na o bri ni o se bɔra ɲɛmɛ sɔ na. ⁹ Na lo gɔsɔ la ji ko o mɛnɛ o se ni suntana wali dari cogo na ni kaba dari wali sifa janni na na ni tomoso ni ma murɔ lema ke manciran. ¹⁰ Na ni cɛnsa baliya legere lakala mu, zolon bio ɲɛnɛmɛ la yilena, ben na a na ye siɛn cɛn tan ma ana dɔ kanu ma, na len ja na da kirisi ba. ¹¹ Na yilena vamara n je legere ci murɔ babu ana na fo ana sɛn manciran tan, Na yilena lema yen siɛn cɛn tan ma, ¹² naa ce cɛnsa baliya ɲɔma ana na, ciri n ji cirɛ naya lakala bɛn. ¹³ A ɲibio, E ci ma ɲɔmaca, ke kani e da vamara mawali lenwere apa yilena. ben yilena vamara tɔsa apa sa kirisa yilena fo fɔnfɔn, vamara kumara jiri bra pan la yilena na ni apa lanaya la yilena cɛn won. ¹⁴ Vamara komu apa na kirisa yilena epa jɔn ɲɔmɔ la yilena, yele apa na E ci yezu kirisa lanbe na. ¹⁵ Haya e ɲibio, a ɲɛ sɔ tamu. Apa na lele jɔn lema epa jɔn na pan won wala epa vari la pan won, a mɔn na cin cana. ¹⁶ E ci yezu kiprisa se na ni e ɲina vamara le da apa kanu o nɛ bɛlɛ zura le zoere ba na ni jigi cana apa na o pɛ yii la yilena, ¹⁷ na zuru apa bɛlɛ o kɔrɔgɔ apa pan ma cana dari lakala na na ni jɔn cana ɲama lakala na.