¹ A sa mun ɲinu, e pa da ari le apa yan bran, na yen daa bɛku na ba. ² Apa ɲinu ni wo ni apa pian a na bri epa cun Filip, na ce na dapɔn Vamara kɔrɔgɔ epa bɛlɛ epa ɲamɔ o jɔn ɲɔmɔ la apa na, hali mun wo la la tari yoyan a na da epa bali. ³ Legere tari te epa jɔn na won ma, jiri na ni nanbaran pɔyi te won ba, ⁴ Naa Vamara ɲinu ni wo ni o cana o da jɔn ɲɔmɔ la karifɔ epa san, nayilena epa nde jɔn. Epa ta de jɔn e ɲɔmi e sa la la na ba, foo Vamara, naa n sun epa bɛlɛ bi la na. ⁵ Apa ɲinu ni wo epa yen jɔn bɔrɔmɔ ɲamu lenwere ba. Epa e da la na lema n dere wasa ba, Vamara ke na sɛrɛ ya. ⁶ Epa ye co kuiri lo pɔyi yan ba, apa yan wala lo buru yan. Na lakala wo, epa lema ke kirisa ton bio la, epa tari gulɔ e kuiri na co yan apa yan. ⁷ Naa ce epa da lo sabarina apa sɛrɛ,dama bi ɲi ci do o bosan mara ɲa le ɲɔ. ⁸ Ka na dan ma, epa tari n de apa kanu o kɔrɔnɛ, nayilena epa tari ka varɔ nɛy Vamara jɔn ɲɔmɔ la apa na, hali e kunmara yala mun, nayilena apa ɲɔma epa na o kɔrɔnɛ. ⁹ E ɲi bio, apa haciri yen epa wali la na ni e piɛnɛna si la, ni wo epa da wali yala na ni wɛntan bɛn, yele epa ba da lo pɔyi zingilana o jɔn epa Vamara jɔn ɲɔmɔ ɲama la won apa na. ¹⁰ Apa ni Vamara ke apa sɛrɛ na, ni wo epa veri ko ko porun, epa ke cɛnsɔ, legere tari te epa sa lanaca la mun ya ba.