¹ A sa mun ɲinu, e ɲibio, epa da wali le apa yan bran, na yen daa bɛku na ba. ² Apa ɲinu ni wo ni apa pian ana bri epa cun Filipe, naa ce na dapɔn, Vamara kɔrɔgɔ epa bɛlɛ epa ɲɔmɔ o jɔn ɲɔmɔ la apa na, hali na mu wo la la tari yoyan ana da epa bali. ³ Legere tari te epa jɔn na won ma, jiri na ni nanbaran pɔyi te won ba, ⁴ Naa Vamara ɲinu ni wo o cana o da jɔn ɲɔma la karifɔ epa san, nayilena epa n de jɔn. Epa ta de jɔn ɲɔmi e sa la la na ba, foo Vamara, naa n sun epa bɛlɛ bi la na. ⁵ Apa ɲinu ni wo epa yen jɔn bɔrɔmɔ ɲamu lenwere ba. Epa e da la na lema n dere wasa ba, Vamara ke na sɛrɛ ya. ⁶ Epa ye co kuiri lo pɔyi yan ba. Na lakala wo, epa lema ke kirisa ton bio la,epa tari gulɔ e kuiri na co yan apa yan. ⁷ Naa ce a epa da lo sabarina apa sɛrɛ, dama bi ɲi ci do o bosan mara ɲa le ɲɔ. ⁸ Ka na dan ma, epa tari n de apa kanu o kɔrɔnɛ, nayilena epa tari ka varɔ e nɛy Vamara jɔn ɲɔmɔ la apa na, hali kun mura yala mu, nayilena apa ma ɲɔma epa na kɔrɔnɛ. ⁹ E ɲibio, apa haciri yen epa wali la na ni e piɛnmɛ na si la, ni wo epa da wali yalana ni wɛn tan bɛn, yele epa ba da lo pɔyi zingila na o jɔn epa Vamara jɔn ɲama la won apa na. ¹⁰ Apa ni Vamara ke epa sɛrɛ na, ni wo epa veri ko ko porun, epa ke cɛnsɔ, legere tari te epa san lanaca la mun ya ba. ¹¹ Apa ɲinu mu ni wo epa tama apa ten ten ya dama ɲina yen bi la ɲa le ɲɔ. ¹² Epa da apa waju e suru apa bɛlɛ bio. Epa da apa banba napa veri ba murɔ Vamara sa tan, na len komi apa na o co o paya la won na ni o lenbe la won. ¹³ Naa ce epa n de Vamǝra mawali lenwere o kɔrɔnɛ, ni wo epa ɲamu Vamara jɔn na apa na lenwere la, apa ce a zara o yan, e mɔn dama Vamara jɔn. Apa yen na da jati dama lo jɔn ma. Canmu wa Vamara jɔn so so. Ni de lanacala po won, ¹⁴ E ɲinabio, Vamara karan ja lema yen kirisa Yezu san Jude jamana la won, apa da naya lisa cala na, naa ce Juifu yala da bran lanacala pɛn ɲa le ɲɔ, apa sa juyala mun pian apa na yɔrɔ. ¹⁵ Naa Juifu yala gua Eci Yezu, a na gu ton bio la mun ana cungunu epa mu dan ana piɛn epa. Naa yen ɲɔma Vamara na ba, na ke la lakala lo gɔsɔ. ¹⁶ Ana n de e na bali o ɲamu Vamara jɔn kirisi jɔn na ju bore la na. Ana ciri dari a na magɔsɔ la bɛn lenwere mun, Naa Vamara bɛlɛ fɛnra ma yala ɲi pusɔrɔ zara a na bɛn. ¹⁷ E ɲibi, epa kanri e lurɔ apa san were jinjɛɲi apa sa tan, naa ce epa yen kanri e lura apa san bɛlɛbi na ba. Apa nari lege yen epa san, fo epa de e seko la lakala da epa ja lurɔ apa nɔ. ¹⁸ Epa tari yoyan e jugu epa yanbran, mɛ Poli sumu o na ka bisa ten da ma, naa ce suntani de e na bali na san. ¹⁹ Wele ke epa jigi na ni epa bɛlɛ ɲɔma sababu na ni ɲɔɔ san zala na? Naa ke apa loci satan o kuiri were ba wa? ²⁰ Anhan, apa keepa ɲɔ san zala na ni epa bɛlɛ ɲɔma sababu na.