¹ Dəvyidi nwə̃́ə̃́. À n’â zǔl mó ǹdə́ à wu gakó, à n’â nún mú Yi yé né. ² À n’â wùlì tɛ̃́ ǹ jì y wẽ́, à n’â zǔl ǹ yil ré, ǹ wu-bɔ̀nɔ̀ w ǹdə́ zhə̀n rɛ́ yilə, bə̀ ǹ yil ré du wə, ǹ gə́ pyìrh ǹ nyə́ né mó yilə. ³ À gə́ byẽ̀ mó dɛ̃, ǹ zwẽ à lwə̌l mó rə̀ yù wə̀, ǹ zɔ à wu ni, ń ce à wu zə jàn. ⁴ Ǎ, Bə-zhɔ-zhe ! Pyǎ bɛ́ cɛ yó mó gakó m’a zǔl mó, ǹdə́ bə̀ gə tú bə̀ nyɛ̀ɛ̀ zɔ̀má nɛ́ ǹ nə́ ǹ púr ǹ nyú w mú ; ⁵ bə̀ m’a nún bə cèrhé Bə-zhɔ-zhe sɔ́msɛ́, bə̀ Bə-zhɔ-zhe zùwə́ y nyɛ̌ nánfɔ̀lɔ̀. ⁶ Bə-zhɔ̌-zhe ŋwɛ́nɛ́ dɛ̃̌dɛ̃̌ : sə ń yírhə́ nə cìn-lwəl cìnə bé, sə ń zhǐ yé né gaga ń yě cìn-byilu cìnə́ bé párá. ⁷ À gə tú à ŋwɛ́nɛ́ zwini wẽ́ yi ní, ǹ nə́ ǹ pɛ nɛ nyǔ, ǹ nə́ ǹ zhẽ̌ ǹ jɛ̃̀ à zwə̀ bé lyimə né yó, ń zə ǹ jə̀-jĩ́ y ń mə́ zwẽ ne. ⁸ Bə-zhɔ-zhe nə́ ń twĩ̀ àmyɛ́ yilə, ǹ wu-bɔ̀nɔ̀ ŋwɛ́nɛ́ twéé twéé gaga, ǹ bə̀ká yẽ̌ ǹ jɛ̃̀ tumə né ne yé !