¹ wu-nyɔ̃̀ ŋwɛ́nɛ́ ǹdə́ lò mɔ̀bɔ́ ń tá ń zhə̀l ǹdə lyì-bəlwǎlsɛ́ còrhò mó gə́ n’ê byili ní, ń tá ń zhì yə̀-bəlwàálɛ cìnə́ sɔ́má y yó, ń tá ń tó byɛ̀bɛ́ bɛ́ bə̀ n’ê tùrh Yi ni ń jòm mó. ² Wɔ́ Bə-zhɔ̌-zhe nyí rí wẽ́ ń só ń cìn ní, ń nə́ ń tɛ́rɛ́ rɛ́ cəcɛ̃ ǹdə́ nə̀nyɔ́nɔ́ ! ³ Rə̀-ná-cí nyɛ̌ ǹdə cǒ kɔ̀bɔ́ bə̀ zhele bù-nà nɛ ta, ò byǎ co yi gə yúwə́, ò n’ô ce byǎ, o vɔr rɛ́ t’â kùl gaga : kɔn tɛ̀bɛ́ ń nə́ wɛ̀rhɛ́ mɔ́ gakó n’ê zwẽ ń nyí. ⁴ Kɔn də̀ èta ǹdə́ lyì-bəlwǎlsɛ́ yé : Sə̀ nyɛ̌ ǹdə gɔ ta, zho n’ô pwà ò dwĩ̀. ⁵ Wɔ́ rə̀myɛ́ è ce bùrsí dɛ̃ yù w lyì bəlwǎlsɛ́ t’â zhì yé, èta myɛ yə̀-bəlwàálɛ́ cìnə́ myɛ t’â zhì wu cángá cìnə́ bé dwã-gùlú w wẽ́ yé. ⁶ Bə̀ Bə-zhɔ̌-zhe yě wu cángá cìnə́ bé sɔ̀má y párá, sə yə̀-bəlwàálɛ́ cìnə́ bé sɔ́má y la bə̀ yò zhìlù jàà wa.