koussoube-marc-lee_1ch_text

Kǝ̀kàl-fwɛ̀lɛ̀ 9

¹ Bə̀ gàl Esərayɛl lyì byǎ bɛ́ gakó, bə kɛ̃ bə̀ yilə né Esərayɛl pyǎ bɛ́ sɛ́bɛ́ rɛ́ wẽ́. Bə̀ pwà Zhəda lyì bí bə m'e vò yómə́-jè Babyəlɔnɛ nɛ́ bə̀ gə́ yə̀ nà èdù yó zhì ǹdə́ Yi mú yilə. ² Byɛ̀bɛ́ bə̀ yàl nã́yə́ə́ bé bə k'a kwɛ̃̀ bə bə̀ bə̀ cəl-tənà y ǹdə́ bə̀ cɛmɛ nɛ́ wẽ́ mó yàl Esərayɛl lyì byǎ bɛ́ ǹdə́ vwĩ̀-zwə́lnə* bé ǹdə́ Levyi dwí rí lyì bí e súlí Yi jì y tùntùnnə bé sanna bɛ́. ³ Zhəda byǎ bɛ́ ǹdə́ Bɛ̃zhamɛ byǎ bɛ́ ǹdə́ Efərəyim byǎ bɛ́ e súlí Manasɛ byǎ bɛ́ jàlà tú bə b'e jòm Zhərəzalɛm nɛ́. ⁴ Zhəda kwálá y lò mó yàl Ammyəwuudi byǐ Utəyi. Ammyəwuudi cìcì mú yà ń wɔ́ Oməri byǐ, Yəməri nɔ̃̌, Bəni nàn-jòlò, Pɛrɛɛsɛ jì y lò. ⁵ Shəla byǎ bɛ́ wẽ́, è yàl: Asaya, ń yà ń wɔ́ byì-cɛ yá, ǹdə́ ń byǎ bɛ́; ⁶ Zəra byǎ bɛ́ wẽ́, è yàl: Yəwɛl. Zhəda kwálá lyì bí byɛ̀bɛ́ bə̀ tú bə b'e jòm Zhərəzalɛm nɛ́ mɔ́ y'à wɔ́: nunə zɔ̃̌-nyə̀ldù ǹdə́ shə́-nə̀bɔ́. ⁷ Bɛ̃zhamɛ byǎ bɛ́ wẽ́, è yàl: Məshəlam byǐ Səlu, Odavya nɔ̃̌, Asənəwa nàn-jòlò wə́. ⁸ Yərɔwam byǐ Yəbənɛya; Uzhi byǐ Ela, Məciiri nɔ̃̌ wá; Shəfaca byǐ Məshəlam, Erəwəə nɔ̃̌, Yəbənya nàn-jòlò wə́. ⁹ Lyì bí bə̀myɛ́ gakó y'à wɔ́ bə̀ dwə́ né yó-cìnə́. Bɛ̃zhamɛ kwálá lyì bí byɛ̀bɛ́ bə̀ tú bə jòm Zhərəzalɛm nɛ́ mɔ́ y'à wɔ́ nunə zɔ̃̌-nə̀bɔ́ ǹdə́ shí-ènu ǹdə́ bwə̀ldù. ¹⁰ Vwĩ̀-zwə́lnə bé wẽ́ è yàl: Yədaya ǹdə́ Yəwəyəriibi ǹdə́ Yaakɛ̃ e súlí ¹¹ Yələcəyə byǐ Azarəya. Yələcəyə zɛ̃̀ ń wɔ́ Məshəlam byǐ, Məshəlam zɛ̃̀ ń wɔ́ Sadɔɔkɛ byǐ, Sadɔɔkɛ zɛ̃̀ ń wɔ́ Mərayɔɔtɛ byǐ, Mərayɔɔtɛ zɛ̃̀ ń wɔ́ Ayətuubi byǐ, Yi jì y yé né cə́bal mɔ́; ¹² ǹdə́ Yərɔwam byǐ Adaya. Yərɔwam zɛ̃̀ ń wɔ́ Pəshuuri byǐ, Pəshuuri zɛ̃̀ ń wɔ́ Maləca byǐ; ǹdə́ Ajɛl byǐ Məsəyi, Ajɛl zɛ̃̀ ń wɔ́ Yazəra byǐ, Yazəra zɛ̃̀ ń wɔ́ Məshəlam byǐ, Məshəlam zɛ̃̀ ń wɔ́ Məshələmyiiti byǐ, Məshələmyiiti zɛ̃̀ ń wɔ́ Yəmmɛɛrɛ byǐ. ¹³ Bə̀ gə mù dwã nɛ ǹdə́ bə̀ da-byǎ bɛ́, dwə́ né yó-cìnə́ bé, bə̀ y'à wɔ́ nunə mɔ̀rhɔ̀ ǹdə́ zɔ̃̌-nyàlpyɛ̀ ǹdə́ shə́-shə̀ldù, lyì bə̀ y'à wɔ́ kàndar Yi jì y tum rí tũ̌ yilə. ¹⁴ Levyi dwí rí lyì bí wẽ́ è yàl: Ashuubi byǐ Shəmaya, Ashuubi zɛ̃̀ ń wɔ́ Azərəkam byǐ, Azərəkam zɛ̃̀ ń wɔ́ Ashabya byǐ, Mərəri byǎ bɛ́ wẽ́; ¹⁵ e súlí Bakəbakaarɛ ǹdə́ Erɛɛshɛ ǹdə́ Galaalɛ ǹdə́ Myəka byǐ Matanya, Myəka wɔ́ Zəkəri byǐ, Zəkəri zɛ̃̀ ń wɔ́ Asaafɛ byǐ; ¹⁶ ǹdə́ Shəmaya byǐ Obaja, Shəmaya wɔ́ Galaalɛ byǐ, Galaalɛ zɛ̃̀ ń wɔ́ Yədutũ byǐ, e súlí Bərəca, Asa byǐ ǹdə́ Eləkana nɔ̃̌ wá, ń yà ń jě Nətɔfa cə-bwǎlsɛ́ wẽ́. ¹⁷ Bwə̀rsé dɛ̀nna bɛ́ yàl: Shəlum ǹdə́ Akuubi ǹdə́ Taləmɔn ǹdə́ Ayəmã e súlí bə̀ da-byǎ bɛ́. Shəlum yà ń wɔ́ bə̀ yó-cə́bal. ¹⁸ Ǹdə́ zà gwẽ̌, wɔ́ bə̀myɛ́ bə̀ wɔ́ Levyi dwí rí zulə́ jààsɛ́ bwə̀rsé dɛ̀nna, bə̀ n'ê zhì pyɔ̌ bwə̀rə̀ y wə, yi-púrhí sõ. ¹⁹ Kore byǐ Shəlum, Abyasaafɛ nɔ̃̌, Kore nàn-jòlò wə́, ǹdə́ Kore dwí rí lyì bí dwã bɛ́, y'à n'ê dɛ̃̀ Yi kòrhó w étwí-ènyí rí ni, ǹdə bə̀ nàmbala bɛ́ gə́ y'à n'ê dɛ̃̀ Cinu Yi zulə́ jàà y bwə̀rə̀ y nɛ nɛ́. ²⁰ Eləyazaarɛ byǐ Pyənaasɛ, yà ń yàl bə̀ yó-cə́bal shãã ga; Cinu Yi yà ń ŋwɛ́nɛ́ ǹdə́ mɔ. ²¹ Məshələmya byǐ Zəkəri myɛ yà ń wɔ́ Yi kòrhó w étwí-ènyí rí dɛ̀nna bɛ́ mə̀dù. ²² Lyì bí byɛ̀bɛ́ gakó bə̀ y'à cír bə̀ wɔ́ étwí-ènyə́ né dɛ̀nna bɛ́ mɔ́ y'à wɔ́ nunə zwã̌-èlyè ǹdə́ shí ǹdə́ bə̀lyè. Bə̀ y'à gàl bɛ bə̀ cə-bwǎlsɛ́ wa. Wɔ́ Dəvyidi ǹdə́ nyì-zwennə Saməwəə bə̀ co be tum rí rə̀myɛ́ mɔ́ wẽ́ twéé twéé yilə. ²³ Bə̀ y'à vùr bə̀myɛ́ ǹdə́ bə̀ byǎ bɛ́ bə̀ n'ê dɛ̃̀ Cinu Yi jì y ni, è n'ê yǎl e wɔ̀ kòrhó w jì y étwí-ènyə́ né ne. ²⁴ Étwí-ènyə́ né dɛ̀nna bɛ́ y'à ŋwɛ́nɛ́ jì y yésé gakó wə: è yi-púrhí sõ, è yi-zùr sõ, è jə̀-gwã̀ sõ ǹdə́ è jə̀-jĩ́ sõ. ²⁵ Bə̀ da-byǎ bɛ́ bə̀ y'à wɔ bə̀ cə-bwǎlsɛ́ wẽ́ mó y'à mə̌ sə bə̀ n'ê swə̌r bə̀ twí bə̀ sɛ̃ bɛ dwã nyàlpyɛ̀ wẽ́; ²⁶ sə étwí-ènyə́ né dɛ̀nna bɛ́ bə̀na y bə̀ wɔ́ yó-cìnə́ mó, y'à j'â ŋwɛ́nɛ́ gàà twéé twéé. Wɔ́ Levyi dwí rí lyì bí bə̀ y'à vùr bə̀ n'ê nyǐ Yi jì jǐnsí ǹdə́ è nə̀cɛ̀ndɛ́ jì y yò. ²⁷ Bə̀ y'à n'ê zwɛ̃̀ Yi jì y yala nɛ, bə̀ bə̀ y'à vùr bi mùnì bə dɛ̃̀ ya, sə bə pul è bwə̀ə̀lé nəkɔkɔ́lɛ́ gakó. ²⁸ Bə̀ y'à vùr bə̀ jàlà bə̀ n'ê nyǐ Yi còrhó w wẽ̀ ré yò, bə̀ y'à n'ê gàl rɛ bə̀ gə tú bə̀ la rɛ vǔr ráá bə̀ gə tú bə̀ la rɛ càrh rə̀ jàà nɛ́ yi ní. ²⁹ Bə̀ y'à cír bə̀ dwã bə̀ n'ê nyǐ nə̀zhẽ̌ né, kɔn du nə̀zhẽ̌ nyɛ̀bɛ́ bə̀ y'à pɔ Yi ni mú, ǹdə́ mún mú ǹdə́ də̀vɛ̃́ y ǹdə́ nwə̃̌ y ǹdə́ ãsã́a y e súlí wẽ̀ rǝ̀ lwẽ́ nã́nyǝ̀nyɛ̀lɛ́ mɔ́ yò. ³⁰ Sə wɔ́ vwĩ̀-zwə́lnə bé byǎ bɛ́ bə̀ y'à n'ê tɛnɛ wẽ̀ ré tɛ̀bɛ́ rə̀ lwé ré y'à wɔ́ nã́nyə̀nyɛ̀lɛ́ mɔ́, bə zɛ̃̀ bə súlí bə gùlí ri dwã nɛ. ³¹ Levyi dwí rí lyì bí wẽ́, wɔ́ Kore dwí rí lò Shəlum byì-cɛ Matəca, ń yà ń já ń nə́ ń nyǐ ŋwǎmsɛ́ ju yò twéé twéé. ³² Kəyaatɛ byǎ bɛ́ da-byǎ bɛ́ jàlà y'à n'ê nyǐ búrú w kɔ̀bɔ́ bə̀ n'ê pɛ Yi ni shìrhə́ dɛ̃ rɛ́ yù w mú mǎ mɔ́ yò. ³³ Levyi dwí rí yó-cìnə́ bé bə̀ y'à wɔ́ núnnə mó y'à j'â ŋwɛ́nɛ́ Yi jì y jǐnsi wẽ́, bə̀ y'à k'ê t'â twĩ̀ tum dõ yé, bə̀ cəcɛ̃ ǹdə́ nə̀nyɔ́nɔ́ ga bə̀ y'à wɔ bə̀ tum rí yó. ³⁴ Wɔ́ Levyi dwí rí yó-cìnə́ bé èta kɔn tó dwã ǹdə́ bə̀ nàmbala bɛ́ yilə né bə̀ gàl mɔ́. Bə̀ y'à jě Zhərəzalɛm nɛ́. ³⁵ Yəyəə, Gabaɔ̃ da mɔ́, yà ń jě Gabaɔ̃ nɛ́, ń kɛ̃ mɔ́ yà ń yíl Maaka, ³⁶ ń byì-cɛ y y'à yíl Abədɔ̃, ń byǎ bɛ́ dwã bɛ́ y'à wɔ́: Suuri ǹdə́ Ciishi ǹdə́ Baalɛ ǹdə́ Nɛɛrɛ ǹdə́ Nadaabɛ, ³⁷ ǹdə́ Gədɔɔrɛ ǹdə́ Ayəyɔ ǹdə́ Zəkɛɛrɛ e súlí Myəkəlɔɔtɛ. 38 Wɔ́ Myəkəlɔɔtɛ ń lùl Shəməya. Bə̀myɛ y'à jě Zhərəzalɛm nɛ́ ǹdə bə̀ da-byǎ bɛ́ ta. ³⁸ Wɔ́ Myəkəlɔɔtɛ ń lùl Shəməya. Bə̀myɛ y'à jě Zhərəzalɛm nɛ́ ǹdə bə̀ da-byǎ bɛ́ ta. ³⁹ Wɔ́ Nɛɛrɛ ń lùl Ciishi; Ciishi zɛ̃̀ n lù Səyuuli; Səyuuli zɛ̃̀ n lù Zhɔnatã ǹdə́ Mələcəshəwa ǹdə́ Abyənadaabɛ e súlí Yəshəbɔshɛɛtɛ. ⁴⁰ Zhɔnatã byǐ mú yàl Mərəbaal. Mərəbaal zɛ̃̀ n lù Myəka. ⁴¹ Myəka byǎ bɛ́ yàl Pyətɔ̃ ǹdə́ Məlɛɛkɛ ǹdə́ Tarəya. ⁴² Aazɛ lùl Yara; Yara zɛ̃̀ n lù Aləmɛɛtɛ ǹdə́ Azəmavɛɛtɛ e súlí Zəməri; Zəməri zɛ̃̀ n lù Mɔsa; ⁴³ Mɔsa zɛ̃̀ n lù Byənəya, Byənəya zɛ̃̀ n lù Erafa, Erafa zɛ̃̀ n lù Elasa, Elasa zɛ̃̀ n lù Asəə. ⁴⁴ Asəə lùl byǎ bwə̀ldù, sə nyǐ bə̀ yilə né: Azərəkam ǹdə́ Bokəru ǹdə́ Yəsəmayəə ǹdə́ Shəyarəya ǹdə́ Obaja e súlí Anã.