koussoube-marc-lee_1ch_text

Kǝ̀kàl-fwɛ̀lɛ̀ 7

¹ Yəsakaarɛ lùl byǎ bə̀na: Tɔla ǹdə́ Puvə ǹdə́ Yəshuubi e súlí Shəmərɔ̃. ² Tɔla byǎ bɛ́ yàl: Uzhi ǹdə́ Erəfaya ǹdə́ Yərəyɛl ǹdə́ Yəməyi ǹdə́ Yəbəsam e súlí Shəmuwəə. Bə̀ y'à wɔ́ Tɔla dwə́ né yó-cìnə́, kàndar, bə̀ y'à wɔ́ nunə mɔ̀ɔ̀rhɛ̀ shí-èlyè ǹdə́ rə̀lyè ǹdə́ zɔ̃̌-nyə̀ldù (22 600) Dəvyidi yi ní. ³ Uzhi byǐ mú yàl: Yəzəraya; Yəzəraya byǎ bɛ́ yàl: Myəkayəə ǹdə́ Obaja ǹdə́ Zuwəə e súlí Yəsha, bə̀ yàl nunə bə̀nu, bə̀ gakó yàl dwə́ yó-cìnə́. ⁴ Bə̀ y'à n'ê nyǐ búlə́ búlnə kùkùlə̀ nə̀ lyì bí y'à wɔ́ nunə mɔ̀ɔ̀rhɛ̀ shə́-ètɔ ǹdə́ tə̀ldù (36 000) mó yò, kɔn tó dwã ǹdə bə̀ gə́ tə̀l dwə́ dwə́ né; kana bɛ́ ǹdə́ bə̀sɔ́ná bɛ́ y'à já dɛ̃́dɛ̃́. ⁵ Bə̀ da-byǎ bɛ́, Yəsakaarɛ jìsí lyì bí dwã bɛ́ gakó, y'à wɔ́ nunə mɔ̀ɔ̀rhɛ̀ shə́-lyɛlɛ ǹdə́ tàlpyɛ̀ (87 000), bə̀ wɔ́ kàndar ǹdə gál mɔ́ gə́ byili ní. Bɛ̃zhamɛ ǹdə́ Nəfətəlyi byǎ bɛ́ ⁶ Bɛ̃zhamɛ lùl byǎ bə̀tɔ̀: Bəla ǹdə́ Bəkɛɛrɛ e súlí Yəjayɛl. ⁷ Bəla byǎ bɛ́ yàl: Esəbɔ̃ ǹdə́ Uzhi ǹdə́ Uzhəə ǹdə́ Yərəyəmɔɔtɛ e súlí Yəri, dwə́ yé né cìnə́, kàndar, gál mɔ́ y'à byili bə̀ bə̀ zhe byǎ mɔ̀ɔ̀rhɛ̀ shí-èlyè ǹdə́ rə̀lyè ǹdə́ nunə shə́-ètɔ̀ ǹdə́ bə̀na (22 034). ⁸ Bəkɛɛrɛ byǎ bɛ́ yàl: Zəməra ǹdə́ Yɔwaashɛ ǹdə́ Elyəzɛɛrɛ ǹdə́ Elyowenəyi ǹdə́ Oməri ǹdə́ Yərəmɔɔtɛ ǹdə́ Abya ǹdə́ Anatɔɔtɛ e súlí Aləmɛɛtɛ. Bə̀myɛ́ mɔ́ èta mɔ́ gakó wɔ́ Bəkɛɛrɛ byǎ bɛ́. ⁹ Gál mɔ́ bə̀ gàl dwə́ né yó-cìnə́ bə̀myɛ́ mɔ́ byǎ bɛ́ mɔ́ y'à byili bə̀ bə̀ wɔ́: kàndar mɔ̀ɔ̀rhɛ̀ shí-èlyè ǹdə́ nunə zwã̌-èlyè(20 200). ¹⁰ Yəjayɛl byǐ mú yàl: Byəlyã; Byəlyã byǎ bɛ́ yàl: Yəwuushi ǹdə́ Bɛ̃zhamɛ ǹdə́ Ewuudi ǹdə́ Kənaana ǹdə́ Zətã ǹdə́ Tərəshiisi e súlí Ayəshaarɛ. ¹¹ Wɔ́ Yəjayɛl byǎ bɛ́ ga èta, dwə́ yó-cìnə́ bé: kàndar mɔ̀ɔ̀rhɛ shí ǹdə́ tàlpyɛ̀ ǹdə́ nunə zã̌-àlyè (17 200), bə̀ wɔ́ shə̀dɛ́ɛ́sɛ, bə̀ wɔ̌ búlə́ bə̀ m'a bú. ¹² Shupyim ǹdə́ Upyim y'à wɔ́ Yiiri byǎ; Ushim, yà ń wɔ́ Ayɛɛrɛ byǐ. ¹³ Nəfətəlyi byǎ bɛ́ yàl: Yashəə ǹdə́ Guni ǹdə́ Yəsɛɛrɛ e súlí Shəlum; Nəfətəlyi ná yà ń yíl Byəla. Manasɛ byǎ bɛ́ bə̀ wɔ Zhɔrdɛ̃ bwǐ y yi-zùr sõ mó ¹⁴ Manasɛ byǎ bɛ́ yàl: Asərəyəə ǹdə́ Məciiri, ń kɛ̃-dõ mó, Siri lyì bə̀kɔ́ mɔ́ lùl n pɔ̃ mɔ́. Məciiri yàl Galaadɛ da. ¹⁵ Məciiri kwè kana n pə Upyim ǹdə́ Shupyim ne. Ń nəkɔ́ mɔ́ yà ń yíl Maaka. Ń bala-byǎ bə̀lyè nyǎn mɔ́ yàl Səlɔfaadɛ, sə Səlɔfaadɛ wɔ́ kana-byǎ dúdú ń lùlə̀. ¹⁶ Məciiri kɛ̃ Maaka, lù byǐ, n ce ń yil bə̀ Pərɛɛshɛ; Pərɛɛshɛ ná-byǐ mú yil ré yàl Shərɛɛshɛ. Shərɛɛshɛ byǎ bɛ́ yàl Uləm ǹdə́ Erəkɛm. ¹⁷ Uləm byǐ mú yàl: Bədã. Wɔ́ Məciiri byǐ Galaadɛ, Manasɛ nɔ̃̌ wá, byǎ bɛ́ yilə né èta. ¹⁸ Ń nəkɔ́ Ammɔlɛkɛɛtɛ lùl Yəshəwɔɔdɛ ǹdə́ Abyəzɛɛrɛ e súlí Mala. ¹⁹ Shəmyəda byǎ bɛ́ yàl Ayã ǹdə́ Shəkɛm ǹdə́ Lyici e súlí Anyam. Efərəyim byǎ bɛ́ ²⁰ Efərəyim byǐ mú yàl: Shətəla; Shətəla zɛ̃̀ n lù Bərɛɛdɛ. Bərɛɛdɛ zɛ̃̀ n lù Taatɛ, Taatɛ zɛ̃̀ n lù Elada, Elada zɛ̃̀ n lù Taatɛ, ²¹ Taatɛ zɛ̃̀ n lù Zabaadɛ, Zabaadɛ zɛ̃̀ n lù Shətəla. Ezɛɛrɛ ǹdə́ Elaadɛ, Efərəyim byǎ bɛ́ dwã, pyà Gaatɛ tənà y lyì bí vwàmá nɛ́ zõ, sə Gaatɛ lyì bí gu bi. ²² Bə̀ da Efərəyim yàl wu-zhùlù nánfɔ̀lɔ̀ wẽ́ dwã nánzhəzhɔ̌, sə ń da-byǎ bɛ́ y'à tú bə zə ń wu ni. ²³ Rə̀myɛ́ kwã nɛ́, n zù ǹdə́ ń kɛ̃ mɔ́; ń kɛ̃ mɔ́ kwè pǔ n lù byǐ. N ce ń yil bə̀ Bərəya, bə̀ ń kɛ̃ mɔ́ yà ń mɛ̃ ǹdə́ mɔ ń zúzúnú w yi ní. ²⁴ Efərəyim lùl bə̀kɔ́ n súlí, Shəra, wɔ́ ńmyɛ̌ ń lù Bɛtɛ-Orɔ̃, Tɛ̃́-sõ cɔ w ǹdə́ Dɛ̃̌-sõ cɔ w e súlí Uzən-Shəra. ²⁵ Bərəya lùl Erəfa, Erəfa zɛ̃̀ n lù Erəshɛɛfɛ, Erəshɛɛfɛ zɛ̃̀ n lù Təla, Təla zɛ̃̀ n lù Taan, ²⁶ Taan zɛ̃̀ n lù Ladã, Ladã zɛ̃̀ n lù Ammyəwuudi, Ammyəwuudi zɛ̃̀ n lù Elyəshama, ²⁷ Elyəshama zɛ̃̀ n lù Nuuni, Nuuni zɛ̃̀ n lù Zhozwe. ²⁸ Tənà y kɛ̀bɛ́ bə̀ pɔ Efərəyim lyì bí ni mùnì ga bə jòm mó y'à wɔ́ Bətɛl cɔ w ǹd'ô gə́ cǐ má nyí rí ǹdə́ Naarã, yi-púrhí sõ ǹdə́ Gəzɛɛrɛ cɔ wá, yi-zùr sõ, ǹd'ô gə́ cǐ má nyí rí, Shəshɛm cɔ w ǹd'ô gə́ cǐ má nyí rí, kɔn m'e yí Aya cɔ w ǹd'ô gə́ cǐ má nyí rí. ²⁹ Manasɛ byǎ bɛ́ bə̀ y'à cǐ Bɛtɛ-Shəyã cɔ w ǹd'ô gə́ cǐ má nyí rí, Taanaakɛ cɔ w ǹd'ô gə́ cǐ má nyí rí, Məjido cɔ w ǹd'ô gə́ cǐ má nyí rí, Dɔɔrɛ cɔ w ǹd'ô gə́ cǐ má nyí rí. Wɔ́ cɛmɛ nɛ́ nə̀myɛ́ mɔ́ wẽ́ Esərayɛl byǐ Zhozefu byǎ bɛ́ y'à jě né. ³⁰ Asɛɛrɛ byǎ bɛ́ yàl: Yəməna ǹdə́ Yəshəva ǹdə́ Yəshəvyi ǹdə́ Bərəya e súlí bə̀ nəkɔ́ Səra. ³¹ Bərəya byǎ bɛ́ yàl: Ebɛɛrɛ ǹdə́ Maləcəə. Wɔ́ Maləcəə ń yàl Byərəzəyiiti da mɔ́. ³² Ebɛɛrɛ lùl Yafəlɛɛtɛ ǹdə́ Shɔmɛɛrɛ ǹdə́ Otam e súlí bə̀ nəkɔ́ Shəwa. ³³ Yafəlɛɛtɛ byǎ bɛ́ yàl: Pasaakɛ ǹdə́ Byəmal e súlí Asəvaatɛ. ³⁴ Ń da-byǐ Shəmɛɛrɛ byǎ bɛ́ yàl: Ayi ǹdə́ Erɔga ǹdə́ Uba e súlí Aram. ³⁵ Ń da-byǐ Otam byǎ bɛ́ yàl: Sɔfa ǹdə́ Yəməna ǹdə́ Shəlɛɛshɛ e súlí Amal. ³⁶ Sɔfa byǎ bɛ́ yàl: Səwa ǹdə́ Arənəfɛɛrɛ ǹdə́ Shəwal ǹdə́ Bəri ǹdə́ Yəməra, ³⁷ ǹdə́ Bəsɛɛrɛ ǹdə́ Oode ǹdə́ Shamma ǹdə́ Shələsha ǹdə́ Yətərã e súlí Bɛɛra. ³⁸ Yətərã byǎ bɛ́ yàl: Yəfũne ǹdə́ Pyəshəpa e súlí Era. ³⁹ Ula byǎ bɛ́ yàl: Ara ǹdə́ Anəyəə e súlí Erəsha. ⁴⁰ Bə̀myɛ́ byɛ̀bɛ́ èta mɔ́ gakó y'à wɔ́ Asɛɛrɛ byǎ, dwə́ yó-cìnə́, bə̀ y'à yě kɔn du bə̀ dwã bɛ́ gakó, bə̀ y'à wɔ́ kàndar, yó-cìnə́ bə̀ yě bə̀ tum. Bə̀ byǎ bɛ́ bə̀ gàl bə̀ y'à wɔ́ shə̀dɛ́ɛ́sɛ, bə̀ wɔ̌ búlə́ bə̀ m'a bú mú, y'à yú nunə mɔ̀ɔ̀rhɛ̀ shí-èlyè ǹdə́ tə̀ldù (26 000).