koussoube-marc-lee_1ch_text

Kǝ̀kàl-fwɛ̀lɛ̀ 4

¹ Zhəda byǎ bɛ́ yàl: Pɛrɛɛsɛ ǹdə́ Esərɔ̃ ǹdə́ Kərəmyi ǹdə́ Uuri e súlí Shɔbaal. ² Shɔbaal byǐ Erəyaya lùl Yayaatɛ. Yayaatɛ zɛ̃̀ n lù Awuməyi ǹdə́ Laadɛ: wɔ́ Sɔrəya jìsí nàmbala bɛ́. ³ Nyǐ Uuri byǎ bɛ́ yilə né: Etam da mɔ́ ǹdə́ Zhəzərɛyɛl ǹdə́ Yəshəma e súlí Yədəbaashɛ; bə̀ nəkɔ́ mɔ́ yà ń yíl Asələləponi. ⁴ E súlí Gədɔɔrɛ da Pənɔwɛl ǹdə́ Ushə da Ezɛɛrɛ. Bə̀myɛ́ mɔ́ èta mɔ́ y'à wɔ́ Bɛtələyɛm da Efərata byì-cɛ Uuri byǎ. ⁵ Təkɔwa da Ashəwuuri jú kana bə̀lyè: Ela ǹdə́ Naara. ⁶ Naara lùl byǎ bə̀na n pɔ̃: Awəzam ǹdə́ Efɛɛrɛ ǹdə́ Təməni e súlí Aashətəri. ⁷ Ela lùl byǎ bə̀tɔ̀ n pɔ̃: Sərɛɛtɛ ǹdə́ Sɔwaarɛ e súlí Etənã. ⁸ Kɔɔsɛ lùl Anuubi ǹdə́ Sɔbəba e súlí Arum byǐ Aarəwəə jìsí. ⁹ Bə̀ y'à n'ê nyàm Yabɛɛshɛ du ń da-byǎ bɛ́; ń ná yà ń co ń yil bə̀ Yabɛɛshɛ ń mə́ ń wə̀lə̀: «À nwɛ̀nɛ̀ ń lul rí yi ní.» ¹⁰ Yabɛɛshɛ byẽ̀ n ce Esərayɛl Yi rí ni n wɔ̀: «Ǹ gə cĩ́ bwəl à yó zhə̀n ga, sə́ nyǐ ǹ m'ǎ súlí à tənà yá, ǹ m'ǎ cèlè ǹ jɛ̃̀ y à yó ń mə́ yìlì ni, sə ǹ m'ǎ súlí ń pə́ lwɛlɛ à nyí ni ń ce kwã nɛ́ mùnì ga à bə̀k'a yə̀ nɔ̀nɔ̀ wẽ́ yé.» Sə Yi pyìrh kɔn rɛ́ tɛ̀bɛ́ ń yà ń lwə̀l mo mó. ¹¹ Shəwaa da-byǐ Kəluubi lùl Meyiiri, Meyiiri zɛ̃̀ n lù Eshətɔ̃, ¹² Eshətɔ̃ lùl Bɛtɛ-Erafa ǹdə́ Pasəya e súlí Təyəna, Naashɛ cɔ w da mɔ́. Wɔ́ bə̀myɛ́ bə̀ wɔ́ Erəka cɔ w lyì bí. ¹³ Kənaazɛ byǎ bɛ́ yàl: Otənyɛl ǹdə́ Səraya. Otənyɛl byǐ mú yàl: Ataatɛ. ¹⁴ Məwonotəyi lùl Ofəra, Sərəya zɛ̃̀ n lù Yɔwaabɛ, lyì bí byɛ̀bɛ́ bə̀ n'ê twĩ̀ jɛ̀rh tumə né jɛ̀rh tumə né cìnə́ jə́ y w mó nàmbal mɔ́. ¹⁵ Yəfũne byǐ Kalɛɛbɛ lùl byǎ bə̀tɔ̀: Yəru ǹdə́ Ela e súlí Naam. Ela ń lùl Kənaazɛ. ¹⁶ Yəyalɛlɛl byǎ bɛ́ yàl: Zhiifu ǹdə́ Zhəfa ǹdə́ Tirəyə e súlí Asarɛl. ¹⁷ Ezəra byǎ bɛ́ yàl: Yətɛɛrɛ ǹdə́ Mərɛɛdɛ ǹdə́ Efɛɛrɛ e súlí Yalɔ̃. Mərɛɛdɛ jú Ezhibti pyɔ̌ mɔ́ bə̀kɔ́ mə̀dù, ń yà ń yíl Byəca; Byəca lùl Myərəyam ǹdə́ Shəmməyi e súlí Yəshəba, Eshətəmɔwa da mɔ́ n pɔ̃. Mərɛɛdɛ yà ń jú kɛ̃ dõ, ń yà ń wɔ́ Zhəda lyì bə̀kɔ́; ¹⁸ kɛ̃ mɔ́ ńmyɛ̌ mɔ́ lùl Yərɛɛdɛ, Gədɔɔrɛ da mɔ́ ǹdə́ Ebɛɛrɛ, Soko da mɔ́ e súlí Yəkəshɛl, Zanwa da mɔ́ n pɔ̃. ¹⁹ Oja jú Naam nəkɔ́; bə̀ byǎ bɛ́ yàl Gərəmyiiti lyì bí, wɔ́ bə̀myɛ́ bə̀ jòm Kəyilə né mó, e súlí Maakaatɛ lyì bí bə̀ jòm Eshətəmɔwa nɛ́ mɔ́. ²⁰ Shəmɔ̃ byǎ bɛ́ yàl: Amənɔ̃ ǹdə́ Erəna ǹdə́ Bɛn-Anã e súlí Cəlɔ̃. Yəsheyi byǎ bɛ́ yàl: Zɔwɛɛtɛ ǹdə́ Zɔwɛɛtɛ byǐ mú. ²¹ Zhəda byǐ Shəla byǎ bɛ́ yàl: Erɛ, Ləka da mɔ́ ǹdə́ Lada, Marəsha da mɔ́ e súlí dwí rí jìsí sə̀ n'ê swɛ̃̀ lɛ̃̌ y kɛ̀bɛ́ è càn gã̀-jɛ̀sɛ́ Bɛtɛ-Ashəbəya nɛ́ mɔ́, ²² ǹdə́ Yocim ǹdə́ Kɔzəba lyì bí ǹdə́ Yɔwaashɛ ǹdə́ Saraafɛ, bə̀ zwẽ Mɔwaabɛ bə cìní éfòró bə kwɛ̃̀ bə bə̀ Bɛtələyɛm mɔ́, ywẽ̀ né nə̀myɛ́ mɔ́ wɔ́ ywẽ̀ nándwə́lə́. ²³ Bə̀ y'à wɔ́ dɔ-mɔrna; bə̀ y'à ŋwɛ́nɛ́ Nətəyim ǹdə́ Gədəra nɛ́a, ǹdə́ pyɔ̌ mɔ́, bə̀ n'ê twĩ̀ bə̀ pɛ mɔ. ²⁴ Shəmənyɔ̃ byǎ bɛ́ yàl: Nəmwɛl ǹdə́ Yamɛ̃ ǹdə́ Yəriibi ǹdə́ Zəra e súlí Shəwuuli; ²⁵ Shəwuuli lùl Shəlum, Shəlum zɛ̃̀ n lù Myəbəsam, Myəbəsam zɛ̃̀ n lù Myəshəma. ²⁶ Myəshəma zɛ̃̀ n lù Ammwɛl, Ammwɛl zɛ̃̀ n lù Zəkuuri, Zəkuuri zɛ̃̀ n lù Shəmeyi. ²⁷ Shəmeyi lùl bala-byǎ shí ǹdə́ bwə̀ldù ǹdə́ kana-byǎ bwə̀ldù; sə ń da-byǎ bɛ́ yə̀ byǎ nánzhɔ̌ lùl yé. ²⁸ Bə̀ jòm Bɛɛr-Shəba ǹdə́ Mɔlada ǹdə́ Asaar-Shəwal, ²⁹ ǹdə́ Byəla ǹdə́ Esɛm ǹdə́ Tɔlaadɛ, ³⁰ ǹdə́ Bətɔwɛl ǹdə́ Orəma ǹdə́ Shəkəlaagɛ, ³¹ ǹdə́ Bɛtɛ-Marəkabɔɔtɛ ǹdə́ Asaar-Susim ǹdə́ Bɛtɛ-Byiri e súlí Shəərəyim ní kɔn m'e yí Dəvyidi pyɛ̀lɛ̀ rɛ́ jú mú yi rí. ³² Bə̀ jòm cɛmɛ nə̀nu dwã wẽ́: Etam ǹdə́ Eyɛ̃-Erəmmɔ̃ ǹdə́ Tɔkɛ̃ ǹdə́ Ashã ³³ e súlí cɛmɛ nɛ́ nyɛ̀bɛ́ nə̀ kə́kɛ́lɛ́ nɛ mɔ́ nɛ́, kɔn m'e yí Balaatɛ. Wɔ́ cɛmɛ nɛ́ nyɛ̀bɛ́ bə̀ jòm nə̀ wẽ́ mó yilə né, e súlí bə̀ cìcì nàmbala bɛ́ bə̀ pú pú dwã nɛ mɔ́ yilə né. ³⁴ Məshɔbaabɛ ǹdə́ Yaməlɛɛkɛ ǹdə́ Amasəya byǐ Yɔsha ³⁵ ǹdə́ Zuwəə ǹdə́ Yɔshəbya byǐ Yəwu, Yɔshəbya cìcì mú wɔ́ Səraya byǐ, ³⁶ Asəyɛl nɔ̃̌ ǹdə́ Elyowenəyi ǹdə́ Yakɔba ǹdə́ Yəshwaya ǹdə́ Asaya ǹdə́ Ajɛl ǹdə́ Yəsəmyɛl,36 ǹdə́ Bənaya ǹdə́ Shəfeyi byǐ ³⁷ Zəza, Alɔ̃ nɔ̃̌ wá. Alɔ̃ cìcì mú wɔ́ Yədaya byǐ, Shəməri nɔ̃̌, Shəmaya nàn-jòlò, ³⁸ bə̀ dwə́ né tú nə bə̀ nə jǐrh nánzhəzhɔ̌ ³⁹ ce nə làà tɛ̃́ kɔn m'e yí Gədɔɔrɛ cɔ w bwə̀rə̀ y ne e súlí pyə̀-gɔ́rɔ́ w yi-púrhí y səta bə̀ la m'e pyà gɔ jàà bə̀ pyììsí yilə. ⁴⁰ Bə̀ nɔ gɔ nánzhəzhɔ̌ ò y'à súlí ò càn myɛ jààsɛ, tənà è pyě è la e j'à y'à zhe yə̀-zùlə́ wẽ́, Sham nɛ̀mɛ́ nɛ́ gə́ y'à jě mə̀gã̌ shãã ga mɔ́. ⁴¹ Dwə́ né yé né cìnə́ bé byɛ̀bɛ́ bə̀ gàl èta mɔ́ tú tənà y èmyɛ́ mɔ́ wẽ́ Zhəda pyɔ̌ Ezəcaasɛ yi ní bə cɔ̀ kwə̀ə́rhé ǹdə́ shòò jààsɛ́ Sham nɛ̀mɛ́ nɛ́ y'à wɔ sə wẽ́ mó, bə zɛ̃̀ bə gu cɔ w lyì bí lyə́m lyə́m, bə jé tɛ̃́ kɔn m'e yí zà. Rə̀myɛ́ kwã, bə zɛ̃̀ bə jòm bə̀ jàà y wa, bə̀ gɔ-lyɔ̀ y'à ŋwɛ́nɛ́ gàà bə̀ vwàmá nɛ́ námpɔ́lsɛ́ yilə. ⁴² Shəmənyɔ̃ byǎ bɛ́ jàlà zhə̀l Səyiiri pyɔ̀ w yó: nunə zwã̌-ànu, Yəsheyi byǎ Pəlaca ǹdə́ Nəyarəya ǹdə́ Erəfaya e súlí Uzhəə yàl bə̀ yó-cìnə́. ⁴³ Bə gu Amalɛɛkɛ lyì bí bə̀ y'à dùr bə lú bə vò gàà mɔ́, bə zɛ̃̀ bə̀ jě gàà kɔn m'e yí zà.