¹ A a tonkaro mu zeeniɛ ho muhũ donso naa mi. Ho ɲumu lee na le mukɛ̃ni binbiri ɓa niviɛ yi. Mu lee ɲiika lon makãdũuhũ . Mu lee le le Donbeeni le a Piiza bazamu kanɓoni cãn, ² a vãna ho loho mu wãbeeni tĩni yi. A le vĩndiɛ na lee na le mukɛ̃ni binbiri a wi ho muhũ mu sãa mi buo ɲun yi. Le lee ha hã cua piru ɲun le lolile yi. Pĩihũ lee pĩihũ a le ha. Le man vãana le le tĩni a ho dĩmiɲa kãna niviɛ lee vaani le miten. ³ Buo donso na le Donbeeni dankaniɛ a man bĩni man kɛn ho loho mu yi. Le Donbeeni le a Piiza bazamu kanɓoni wi ho yi, a le Donbeeni tontaɓa we e ɓuaani le Donbeeni. ⁴ Ɓa a mi le Donbeeni yaho, le yeni a a tɔ̃n ɓa ɓuraa wan. ⁵ Ho ta man bĩni man hĩ. Niviɛ makuo man bĩni man kɛn fĩntãni naa wii ƙoomu yi, lebii a a Ɲuhũso Donbeeni a a de ũ ƙoomu ɓa wan. Ɓa a di le bɛɛni fuuu hã loliɓa na ɲii miɛ. ⁶ Bũn man, a a tonkaro mu bĩniɛ bii nan min : «Hã biini na fo ɲa le ho tũiɛ poni a naa yii wi. A Ɲuhũso Donbeeni le yiɛ lee de mi Hakiiri mi ɲicuafɛɛroɓa yi. Alɛ le yiɛ tonkaa ũ tonkara a a ɓuee zeeni biɛ a we hen naa cĩinu le ũ tonta wa». ⁷ A Yeezu bii : «Lon, ĩ i bĩni a ɓuen hen naa cĩinu. Yiɛ lee ta be le Donbeeni ɲicua na fuɛra ho vãahũ nakɛ yi mɛntĩn ɲuhũ sĩ». ⁸ Le Ĩnɛ Zãn a man mu buoɓa mu, a ɲa bii bii ɓuenɓuen. Bii ĩ man mu a ɲa mu vo, a ĩ lii ɓura a waani tonkaro mu ta le ĩ ɓuaani a. ⁹ Ka a mahã bii nan min : «Ebe! Yi we bũn. Ĩnɛ lee ta le Donbeeni tonlo le ũnɛ le min zaɓa le min hĩnni buosii, miɛ na le le *Donbeeni ɲicuafɛɛroɓa naa biɛ lee ta be ho vãahũ nakɛ biini yi. Le Donbeeni le dii a ũ ɓuaani». ¹⁰ A a pa bĩniɛ bii : «Hã ɲicua na fɛɛra ho vãahũ nakɛ yi a ũ yi ɓua ũdon. Mu bon, bii hã zeeniɛ wera suaraa. ¹¹ Yiɛ yi terenna, a won we we bii yi terenna. Yiɛ yi man ce le Donbeeni yaho, a won we we bii yi man ce le Donbeeni yaho. Yiɛ terenna, a won we we bii terenna. Yiɛ buo sã le Donbeeni yi, a won we we bii sĩ le Donbeeni yi». ¹² A Yeezu bĩniɛ bii : «Lon, ĩ i bĩni a ɓuen hen naa cĩinu. Biɛ wo se naa biɛ yi wa yi se le mi nikeni keni a ĩ ɓuan buo na ko naa ba a lee ni yi. ¹³ Le Ĩnɛ a ɓua mu buo ɓuenɓuen ɲuhũ, a le Ĩnɛ mun a veeni mu buo ɓuenɓuen. Ĩ le mu buo ɓuenɓuen ɲuhũ ɓuɛɛnii, a mun le mu veenii. ¹⁴ « Biɛ sɛɛra mi tĩzĩnia a hã lee ce werewere ban ɲuna sĩ. Ɓa a dan zo ho loho mu yi a zoo di le vĩndiɛ na lee na le mukɛ̃ni binbiri biɛ. ¹⁵ Ka biɛ le ɓa booni le ɓa nicĩwa, naa biɛ lee we ho hãfenlo le ho bafenlo le ũ siiɓa, le ɓa niɓueɓa, le ɓa wãnhãɓa, naa biɛ wa hã sabie, ban ɓuenɓuen a a kɛn ho ƙũuhũ. ¹⁶ «Ĩnɛ Yeezu le ũ tonkaa ĩ tonkaro na lo le waani a a ɓuee zeeni mu buoɓa mu buo le miɛ keretĩɛɓa mi kura yi. Ĩ le a biɛ *Daviide manmanin, ĩ ka liɛ ta tĩɛ mabiire na lee ɲiika». ¹⁷ Le Donbeeni Hakiiri la a hãfĩɛ paaniɛ lee bii le: «Ɓuen». Biɛ ɓuenɓuen ɲa bi bii a ban mun bii le: «Ɓuen». Biɛ le ɲuhãni da, a ban ɓuen. Biɛ wi a ɓa ɲu mu ɲumu na lee na le mukɛ̃ni binbiri a ɓa ɓuee ɲu mu naa kãaman. ¹⁸ Miɛ ɓuenɓuen na lee ɲi le Donbeeni ɲicua na fuɛra ho vãahũ nakɛ yi a Ĩnɛ Zãn lee mi biikɛ naa soobiɛ a a ni yi: Hen ka nive bo buo ho vãahũ mu ɲicua na fɛɛra wan, a le Donbeeni a we a mu bosũman na buo bii ho vãahũ mu yi a a yi manso. ¹⁹ Ka yiɛ mɛn mun lera buo donso ho vãahũ mu ɲicua na fuɛra yi, a le Donbeeni a a len manso nii le vĩndiɛ na lee ni le mukɛ̃ni binbiri buo diiniɛ, le ho loho mu zoro yi, naa bii mu zeeniɛ naa ho vãahũ mu yi. ²⁰ A yiɛ na zeeniɛ bii bii ho vãahũ nakɛ yi bii lee bii biikɛ : «Hen naa cĩinu ka ĩ bĩni a ɓuen lee kɛ̃nkɛ̃n». «*Amin na! Ɲuhũso Yeezu, ɓuen!» ²¹ Le a Ɲuhũso Yeezu we mi sãamu le ɓa ɓuenɓuen.