¹ A donso nan le kãamini na ɓa lee maaza le mu buo min , a a bii naa min: «Vaa maaza le *Donbeeni zĩbeeni, a maaza ho *ãnsãn cĩinii diɛ. Ɓa niviɛ na wi le Donbeeni zĩbeeni mu yi a lee ɓuaani le, a ũ mi a zũn ɲii. ² Ka le zĩbeeni mu man lüi a ũ yi maaza. Hon diɛ nan biɛ yi zũ le Donbeeni yi, Ɓa a yonka ho loho na buo sã le Donbeeni yi hã pĩina ɓuara ɲun naa buo ɲun yi. ³ a a bera pãnpãn le ũ kuden. Bii a a bera kɛsii, a ho viiho namakaro sã ɲa ho bɛkɛmu heɲun. ⁴ Bii hon viiho so namakaa ƙĩina, a ĩ wi a ĩ tɔ̃n bii ho namakaro mu buo, a ĩ ɲa tãmu donso sã le waani a mu bii : «Ho viiho mu namakaro man ɲicua a ũ ɓua ũdon. Yi tua mu». ⁵ A a tonkaro na a ĩ man a a dĩn mu yamu ɲumu le ho ta wan, a hooniɛ ũ nintĩɛni nii da le waani, ⁶ a a baaniɛ ũten le le Donbeeni, dii wi bĩn fuuu hã loliɓa na ɲii miɛ yi, na lera le waani naa bii wi ho yi ɓuenɓuen, le ho ta naa bii wi ho yi ɓuenɓuen, le mu yamu ɲumu, naa bii wi mu yi ɓuenɓuen. A bii : «Mu wãa man bĩni man miɛ. ⁷ Nan zon na a heɲun nii tonkara a wĩ mi bũaani yi, bũn zon ka le Donbeeni buo na le la le ũ i we na sa yi a a we a ɲii i ti, naa bii le manaa mu nan mi tontaɓa na le le ɲicuafɛɛroɓa yi». ⁸ A mu tãmu na a ĩ la ɲa sã le waani a tĩn bĩniɛ bii biikɛ nan min : «Vaa fe ho vãahũ na a tonkaro na dĩn mu yamu ɲumu le ho ta wan ɓuan». ⁹ A ĩ mɛn vaa ɓo a yi, a fiira a le a ni ho vãnza mu min. A a bii nan min: «Nin hiɛ, wãa fe ho la. Ho lii we hɛn ũ piiho yi hari ka ho la ka le ũ tuo ũ ɲii yi». ¹⁰ A ĩ fo ho vãnza mu a la. Ho yen ɓoɓo le ũ tuo buo. Bii ĩ la ho vo, a ho wo mu bohɛɛniɛ ĩ piiho yi. ¹¹ A ɓa bii biikɛ nan min : «Fo ko ũ pa bĩni bue bii le Donbeeni le ũ i we le ho dĩmiɲa kãna niviɛ le ũ siiɓa cɛrɛɛ, hari ɓa bii biini le biini , le ɓa bazaɓa cɛrɛɛ». ¹² A ɓa ɲa mu tãmu na lo le waani yi a mu le bii nan ban le : Mi ɓuee yuo hen!». A ɓa lee yuora le waani le dindiire yi ka ɓa zukuza lee mi ɓa. ¹³ Ho pãnkeni mu yi a bũn ho ta dikonna le ũ panka, a fu ho loho sankanan cua piru nii. Niviɛ na hurũn mu yi lee muaasie heɲun. Biɛ fera yi hurũn ban zãnkaa, a ɓa ɓuaaniɛ le Donbeeni na wi le waani. ¹⁴ Ho cua ɲun nii yereke ƙĩina, a hen naa cĩinu ka ho cua tĩn nii i ɓuen. ¹⁵ A a heɲun nii tonkaro wã le bũaani, a tãmu cɛrɛɛ bii pãnpãn le waani : «Wa Ɲuhũso Donbeeni naa *yiɛ a a man lera a ho dĩmiɲa bɛɛni bii mahã wãa sã yi binbiri, a le Donbeeni a a di le bɛɛni fuuu hã loliɓa na ɲii miɛ yi». ¹⁶ A ɓa nikĩɛ ɓoni naa numa nan na kãna mi bazamu kanɓoni wan le Donbeeni yaho lii ɓura a ɓa lee ɓuaani le Donbeeni ¹⁷ ka ɓa a bii : «Ɲuhũso Donbeeni, ũnɛ na da mu buo ɓuenɓuen, na wi fuuu a wi ka buo donso dĩn yi lera, wa lee de ũ baraka, lebii a ũ panka na ɲii miɛ le hon fo la le ũ bɛɛni. ¹⁸ Ho dĩmiɲa kãna niviɛ tĩɛ cã fon, ɛɛ ka ũnɛ le yiɛ tĩni wãa lee cĩ ɓa yi. Ho pãahũ dãn a ũ fĩ le citii biɛ hurũn ɓuenɓuen wan. Ho pãahũ dãn ni a ũ saani ũ tontaɓa na le ũ ɲicuafɛɛroɓa , naa biɛ bio sã fon yi, ban na lee kanbi fo, biɛ buo ɲuhũ wi naa biɛ buo ɲuhũ miɛ. Ho pãahũ dãn a ũ yaa biɛ lee yaa ho dĩmiɲa niviɛ. » ¹⁹ Bii ɓa bii vo, a le *Donbeeni zĩbeeni na wi le waani ɲii hɛra. A le paanii ɓonkoni diɛ lee mi. A ho viiho ɲiikaa a namakaa. Ho ta dikonna le ũ panka a ho viiho ɓobiɛ to cɛrɛɛ.