¹ Bii wi ho vãahũ nakɛ yi le le Donbeeni bosankaniɛ na le zeeniɛ le a Yeezu *Krista a won zeeni na ũ tontaɓa yi, a ɓa zũn bii a we hen naa cĩinu. A Yeezu tonkaa ũ tonkaro na lo le waani ni-keni, a a ɓuee lii zeeni mu le ũ ton-ta na ɓa le Zãn. ² Bii a a Zãn mu man ɓuenɓuen a ma tü̃iɛ. A zũn le mu le le Donbeeni ɲi-cũa, a zũn le le a Yeezu Krista zeeniɛ mu. ³ Biɛ lee karan le Donbeeni ɲicũa na tɔ̃nna ho vãahũ na kɛ yi, naa biɛ lee ɲi hã a pa hã buo ban ɲuna mɛntĩn tĩn, le bii mu buoɓa mu wera suaraa. ⁴ Ho vãahũ mu le ĩnɛ Zãn lee tɔ̃n ho a ni ho zĩi kɔ̃hũ lora buo heɲun keretĩɛɓa kuia bii heɲun yi. Le le Donbeeni, dii wi fuuu, na wi ka buo donso dĩn yi lera na ba a ɓuen, a we mu sãamu naa miɛ, a na ho hiɛra miɛ. Le hã hakiira min buo heɲun, hĩɛ dĩn le Donbeeni bazamu kanɓoni yaho mun we mu sãamu naa miɛ, a ni ho hiɛra miɛ. ⁵ Le a Yeezu Krista, yiɛ lee mi ho tü̃iɛ le Donbeeni ɲii, yiɛ laaroyi wi, yiɛ ninyiɛni viera lo ɓa lihiiɓa tĩɛhũ, yiɛ wi ɓa bazaa ɓuenɓuen ɲuhũ wan a mun we mu sãamu naa miɛ, a ni ho hiɛra miɛ. Le alɛ wɛn a hũrun, a cãni kuara kãnianaa wiɛ wa bo-kora yi, ⁶ a wa wa le le *Donbeeni yankaroɓa nipomu na lee ta ɓan Miɛ Donbeeni tonlo. Le ho cukũ le ho panka a buo sĩ a yi fuuu hã loliɓa na ɲii miɛ yi. *Amin na! mu le ĩnɛ Zãn lee tɔ̃n ho a ni ho zĩi kɔ̃hũ lora buo heɲun keretĩɛɓa kuia bii heɲun yi. Le le Donbeeni, dii wi fuuu, na wi ka buo donso dĩn yi lera na ba a ɓuen, a we mu sãamu naa miɛ, a na ho hiɛra miɛ. Le hã hakiira min buo heɲun, hĩɛ dĩn le Donbeeni bazamu kanɓoni yaho mun we mu sãamu naa miɛ, a ni ho hiɛra miɛ. Le a Yeezu Krista, yiɛ lee mi ho tü̃iɛ le Donbeeni ɲii, yiɛ laaroyi wi, yiɛ ninyiɛni viera lo ɓa lihiiɓa tĩɛhũ, yiɛ wi ɓa bazaa ɓuenɓuen ɲuhũ wan a mun we mu sãamu naa miɛ, a ni ho hiɛra miɛ. Le alɛ wɛn a hũrun, a cãni kuara kãnianaa wiɛ wa bo-kora yi, ⁷ Mi lon! Nin yiɛ hã dĩndiiɓa yi a le a ɓuen. Ɓa niviɛ ɓuenɓuen a a mi wo, hari biɛ cu wo. Ho dĩmiɲa kãna siiɓa ɓuenɓuen a a ta hã wiɛ a buo yi. Lebũn mu a weraa. *Amin na! ⁸ A Ɲuhũso Donbeeni, dii wi fuuu, na wi ka buo donso dĩn yi liera, na bo a ɓuen, dii da mu buo ɓuenɓuen a lee bii: «Le ĩnɛ a ɓũa mu buo ɓuenɓuen ɲuhũ, a le ĩnɛ mun a veeni mu buo ɓuenɓuen. » ⁹ Ĩnɛ le a Zãn na le min za wa paanilo le a Yeezu buo yi. Ĩ naa miɛ paaniɛ le Donbeeni bazamu yi, a liɛra min le o beera naa bii mi lee hĩnaa mi tĩɛ yi naa miɛ. Le ĩnɛ ɓa hĩɛ wiira a ɓuan zoo diɛ ho kɔ̃hũ na wi mu ɲumu tĩɛhũ, hiɛ ɓa le Patimɔɔsi yi. Ɓa zoo diɛ mi bĩn le bii ĩ buera le Donbeeni biini a zeeniɛ ho tü̃iɛ na a Yeezu ma. ¹⁰ A Ɲuhũso wizenbiri zon, a le Donbeeni Hakiiri panka kɛra ĩ wan, a ĩ ɲa tãmu donso sã pãnpãn le ũ bũaani tãmu ĩ man. ¹¹ A mu tãmu mu bii naa mi: «Bii fo lee mi a ũ tɔ̃n ho vãahũ yi ni hã lora buo heɲun nakɛ keretĩɛɓa kura buo heɲun yi: Ho Efɛɛze, ho Simin na, ho Pɛɛkaamu, ho Tiatiire, ho Saade, ho Filadɛlifii, le ho Lawodisee». ¹² Bii ĩ ɲa mu tãmu mu sã, a ĩ yereman le ĩ cii lon yiɛ biira naa mi, a ĩ cii man fĩntã-cũaaɓa buo heɲun na wo le ho sãnu . ¹³ A a donso le ũ nive a zoo wi hã tĩɛhũ. Manso zã ho baka toni, a can ũten le le nin-keni na tã le ho sãnu . ¹⁴ A ɲun-vɛ̃ni ka pũiapũia le ũ yense. A yii ka le ũ dɔ̃hũ diɛre, ¹⁵ a zeri lee ɲiika kũiakũia le ũ tɔ̃ɲɔ̃n na ɓa pa a wiikaa. A tãmu sã lee ɲi le ũ ɲun-beeni vãnalo. ¹⁶ Hã maabiɛ buo heɲun a a ɓuan le ũ nintĩɛni. Ho ca-toni yara ɲunso na ɲia wi a lee le a ɲii yi. A yaho ka cɛ̃ncɛ̃n lon wisehadɔ̃hũ. ¹⁷ Biɛ ĩ man wo ka, a ĩ luwa a ta dia, a yi man kankan lon nive na hũrun. A a lii bo mi nintĩɛni ĩ wan a a biɛ : «Yi zãn wa. Le ĩnɛ a ɓũa mu bio ɓuenɓuen ɲuhũ, a le ĩnɛ mun cii veeni mu bio ɓuenɓuen. ¹⁸ Ĩnɛ le yiɛ le mukãni binbiri wi cãn. Ĩ la hũrun, a le ũ na wãa wi le mukãni yi fɛɛɛ hã loliɓa na ɲii miɛ yi. Mu hũmũ a ĩ panka wi wan, a ho nihãnbo lora ĩ panka mun wi wan. ¹⁹ Awa, a bii fo lee mi, bii wi naa bii ɓuee we mu man, bũn ɓuenɓuen a ũ tɔ̃n. ²⁰ Ka mu le hã maabiɛ bii heɲun na a ĩ ɓuan le ĩ nintĩɛni, le hã fĩntãcũaaɓa buo heɲun na wo le ho sãnu , bũn ɓan kũara a ĩ i zeeni naa fo: Hã maabiɛ buo heɲun hãn buo lee zeeni le Donbeeni tonkaroɓa na lee pa ɓa keretĩɛɓa kura buo heɲun yi buo. Ka hã fĩntãcũaaɓa buo heɲun, hãn buo ɓɛn lee zeeni ɓa keretĩɛɓa kura buo heɲun buo.»