¹ We kɔsɔ ne paul, Krista Yesu ka kasolamgɔ wo aa ye shiya kpɛɛw kɔsɔ, ² baara min karifara ne man Yaa masa ka nɛɛma kwo ra aa kɔsɔ, aa man wo mɛn kɛ ? ³ Yaa masa ra ka gundo dɔniya yira ne ra, e na fwɔ ne ra sɛbɛ sisa ni koma dama jɔɔ ye. ⁴ Aa ka wo kran, aa na a je wo ra ko nee Krista ka gundo faamun . ⁵ Wo gundo tin ma dɔn waati tɛmɛnnin mgɔw fɛ, nga Yaa masa wo yira sisa a ka cedin senumaw ni a ka ceraw ra Ɲin senuma fɛ . ⁶ Wo gundo fɛɛ ɲi ye, ko kibaro juman baaka ra, shiya kpɛɛw ni yahutuw mi cɛntangɔnw ni piikoo keen ye, ani jɛngɔnw Yaa masa ka layidu ra, ee wo mi ta krista Yesu ra. ⁷ Ne kɛra wo kibaro juman baarakɛra ye ka kanɲan ni Yaa masa ka nɛɛma ɲini we min jira ne man a ka shebgaya baarakɛ tgo fɛ. ⁸ Ne miin ka dgɔ ka tɛmɛn Yaa masa ka mgɔ senuman shɔw biɛ kan, ni nɛɛma jira ne ma ka Krista ka nafootgiya dama dɔnbii kibaro juman fwɔ shiya kpɛɛw fɛ ⁹ .Wo gundo min tin dgon mi fɛɛn biɛ dabga Yaa masa fɛ kabini gare gare, a ko ko ne ra wo baara kɛ tgo bɔ kɛɛn kan , ¹⁰ Yaako Yaa masa ka hakritgiya tgo caanman na yira sisa kuntgiyaw ni shebgayaw ra sankoo jaw ra eglisi. ¹¹ Ee wo min kɛ ka kanɲan ni a ka badaa kwo latgɛniw ye , ee wo min kɛ Krista Yesu aan mantgi ra . ¹² Yesu le ra aan dgi sgini we she ka aan kpaa Yaa masa ra ni yara kpeya we Yesu dananya baaka ra . ¹³ We kɔsɔ ne ra daare ko tɔɔrɔ minnu she ne ma aa kɔsɔ, wuu kaa aa dgi tgɛ, bari wuu min aa nɔɔrɔ le ye . ¹⁴ We kɔsɔ ne ni mandgi fa Yaa masa ɲan kɔɔ, ¹⁵ wo min tgɔ dara dinbayaw biɛ kan, sankoora taw ni dgukoo kan taw. ¹⁶ Ne r'a dare ko aa kɔɔna mgɔ baaka ra boɲan ni shebgaya we Ɲi senuma fɛ ka kanɲan ni a nɔɔrɔ dama dɔbii we, ¹⁷ ko krista ra sgi aa dosow ra dananya baaka ra, yaako aa dri dunnin ni aa bamanni kanuya ra, ¹⁸ aa ni Yaa masa ka mgɔ senumanwbiɛ ra she ka wo pɛɛ ni a jinɲan ni a jɔ jinɲan ni a junɲan dɔn ngɔn fɛ. ¹⁹ Aa krista ka kanunya fran dɔn, wo mi ka bun ka tɛmɛn dɔnniya dama biɛ kan, yaako aren ka fa Yaa masa ka dapani biɛ ra. ²⁰ Ayiwa min she ka fɛn biɛ kɛ ka tɛmɛn aan ka dareli ni aan ka myirili biɛ kan kwosɛbɛ, ka kanɲan ni a ka shebgaya baarakɛ tgo we an kɔɔna, ²¹ nɔɔrɔ la da we kan eglisi ra ani krista Yesu la sgan biɛ, badaa badaa. Amiina.