¹ Eglizi cɛmgɔba miinuw m'aa shɛma, ne wu jeraja, ne mi aa shi cɛmgɔba ree, ne Krista ka tɔɔrɔw dɔn a ni k'aa shɛrɛya, a ni a ka nɔɔrɔ miin na na jra, ne n'in ɲija sɔɔ woraa fran. ² Wo kaman ne r'a jeja ko : Yaa Masa ka sgakru miin karifa ra aa ma, aajanto wu ra. Aa kaa wo kɛ ni waajibiya ye, ŋaa, aa kɛ ni janjeya ye ka kǝɲan ni Yaa Masa sago wee.Aa kaa wo kɛ tɔɔn dgu kwo ra, ŋa aa kɛ ni ŋaniya ɲuman ye. ³ miinuw karifa ra aa ma, aa kaa fgan dgi aa kan, ŋaa aa kɛ ɲayribgaɲumanw ye sga kruw shɛma. ⁴ Nin sgaŋɛnkuntgii ka n'i yɛɛ yra sganmiina, aa na ⁵ Wo tgo kenw na, kanmiiw naa koo cɛmgɔbaw ye, ka ŋɔn makwo ɲa ni yɛɛ madginiya ye; bari kitabu ko; « Yaa Masa kunshɛbaw kɛɛ, ka nɛɛman kɛ mgɔ madgininw ye. » ⁶ Wee kaman, aa yɛɛ madgi Yaa Masa boo baakaman kɔɔ, yaako a r'a kɔɔta waati bɛnnin na. ⁷ A'a ka haminankwow biɛ da a kan, katgu aye r'i janto aa ra. ⁸ Aa janto aa yɛra, bari dgu shitaani ri dɛn-dɛn nafwɔ yaa kɔngɔshɔ, ee she ka miin sɔɔ ka ɲimin, a min we yara ra. ⁹ Aa fgan jɔ a fɛ k'aa sinsin danaya ra, k'a dɔn ko aa bareman miinuw mi diɲɛn kɔɔna, a tɔɔro kenw mi wu biɛ kan. ¹⁰ Aa tɔɔrɔnin kwɔ waati dɔɔnin, nɛɛma biɛ tgi Yaa Masa ,miin 'aa krii a ka nɔɔrɔ banbii kaman Krita ra, wo yɛɛkun n'a dapa, k'a sabati, k'a baaka boɲa, a nin k'a sinsin. ¹¹ She min Aye ye bada bada. Amina! ¹² Nee Silvɛn jate bareman kantgi ree. We r'a to ne re sɛbɛri ɲi ce aa fɛ, k'a tɛmɛn wo fɛ. Ne r'a jeraja a ni ka a shɛntgiya ko nee miin sɛbɛɛ ka ce aa ma, wo mi Yaa-Masa ka nɛɛma lakika wee ye. Aa ka'a dgɔbɔ wo ra. ¹³ Babilɔni eglizi miin ɲanatɔnmɔn na nafwɔ aaye, wo ka fwori m'aa ye. Ne dicɛ Marka biɛ r'a fwo. ¹⁴ Aa ŋon fwo ni kanuya ye. Aaye miinuw mi Krista ra, hɛrɛ ra to aa fɛ.