¹ Wo tgo ra, Krista tɔɔrɔ ra piisgo raa, wo kama aa fran r'a yɛɛ labɛn ni ŋaniɲan ɲuman ken wee; bari mgɔ woo mgɔ tɔɔrɔ ra a piisko ra, jrumun ti wo tgi ma kun. ² We r'a to wo tgiramgɔ man kan ka ɲranmaya kun ,k'i ɲibɔ diyɛn mgɔw fɛ, ŋa a ka kan kaɲranmaya Yaa Masa sgo ra a shi shɔ biɛ. ³ Bari waati yan tɛmen na k'aa to diyɛn mgɔw sago kɛri ra: kakaruya kwow, lgera kwow, dɔɔshɔya wo, duni kuntanw, biɛkanya kwow, josɔn na kwo kuntanw. ⁴ N'aa ma sɔn ka jɛn n'aa ye wo kwow ra, aa ren wo je kabakwo damatɛmɛni ye, aa ren'aa tgɔ shɛn. ⁵ Ŋa, miin labɛnni,mu ka kiti tgɛ ɲramanw ni shuw kan, wo n'i yra'aa ra. ⁶ We ra to kibaro juman fwɔ ra shuw fran fɛ, yaako, ari ta to kiti tgɛnin m'aa kan k'aa to ɲranmanya ra, aa ra ɲranmanya ɲii na nafwɔ Yaa Masa. ⁷ Fɛn biɛ laban srɔnɲa na. Wora, aa hakri sgi, k'aa ka myiiriyaw damakaɲa, k'aa to Yaa Masa dare ra. ⁸ ka tɛmɛn wo kwwow biɛ kan, aa ŋɔn kanun kwosɛbɛ, katgu kanuya wee jrumun shaanman datgu. ⁹ Aa ŋɔn ladun, ŋgrunŋrun kaa sɔɔ a ra. ¹⁰ Na fwɔ aa biɛ kenken mi ka ɲinninfɛn sɔɔ timinshi, aa ŋɔn makwo ɲa nɛɛ, Aa wo kɛ nafwɔ Yaa Masa ka ɲinnifɛn shifa shaanma mrabgaɲuman nuw . ¹¹ ni miin ka fwɔ k'ii wanjuri kɛ, a ra a kɛ ka kaɲan ni Yaa Masa ka kabakwow fwɔ tgo wee; Yaa Masa fgan miin j'i miin maa, wo ra bara kɛ ka kaɲan ni wee, yaako nɔrɔ ra da Yaa Masa kan kwow biɛ raYesu Krista baaka ra. Nɔrɔ ni shebkaya min we ta ye bada bada! Amiina. ¹² N'bareman kanunniw, aa mi kɔɔbori gbrɛn miin shɛtgɛ ra, aa kaa wo fɛɛ nafwɔ aa mi kabakwo fyɛn shɛtgɛ ra, miin shi m'aa sɔɔ ka je. ¹³ Aa yriraja, katgu aa ɲija sɔɔ Krista ka tɔɔrɔw ra, yaako a ka nɔrɔɔ ka fii yra sgan mi na, wo ra kɛ yriraja ni ɲunshɔnja ye kwosɛbɛ aa fɛ. ¹⁴ N'aa ka nɛn Krista tgɔɔ kanman, aa mi dubadin ye, Katgu nɔɔrɔɔ Ŋi miin mi Yaa Masa Ɲi wee, wo sgini m'aa kan. ¹⁵ Ŋa, mgɔshi kaa tɔɔrɔ a a shɛma k'a mi sun ye, wamaa kwodgu kɛra, wamaa dgodgoni kwo kɛra, ¹⁶ ŋaa, nin miin ka tɔɔrɔ nawɔ danabga, wo kaa muun wora , a raa baaka da Yaa Masa ye ni a tgɔ wee. ¹⁷ Katgu kiti damlan sgan shera Yaa Masa ka mgɔw ma. Ayiwa, ni kiti ka kan ka damlan an ne ma, miinuw ti Yaa Masa ka kibaro Juman bato, wu taa na kɛ dishi? Nafwɔ kitabu ra fwɔ timinshi ¹⁸ ko: «Ni mgɔ teeniw krishi ka gbrɛn, mgɔ ŋɔnninw ni jrumukɛraw taa na kɛ dii?» ¹⁹ Wee kaman, miinuw mi tɔɔrɔ ra ka kaɲan ni Yaa Masa sago wee, wu r'a ɲii karifa an danbga Yaa Masa Kantgii ma, ka to ɲuman kɛɛ ra.