¹ Ketika Yesus debah jak bukit hena, kerumunan jelma lok ngesoki-Ia. ² Hik, enah, sai jelma sakik kusta ratong guk-Ia, hik sujud dihadapan-Ni, hik cawa,"Tuan, aman niku haga, Niku pandai menahirko nyak." ³ Hik, Yesus mengulurko culuk-Ni serta menjamahni, cawa-Ni, "Nyak haga, tahirdo." saat hena juga, ditahirkedo kusta jelma hena. ⁴ Hik, Yesus cawa guk-Ia, "Perhatikedo, ikin niku menceritako lani-lani guk sai jelmapun, tetapi lijungdo, perhatikedo dirimu guk imam, hik persembahkedo persembahan se diperintahko Musa sebagai kesaksian untuk tian. " Sai jelma Pelayan Perwira Romawi Disenangko ⁵ Ketika Yesus guk Kapernaum, sai jelma perwira ratong guk-Ia, memohon guk-Ia, ⁶ hik cawa, "Tuan, hambaku lagi terbaring lumpuh di mahan, menderita benor." ⁷ Hik, Yesus cawa guk-Ia, "Nyak haga ratong hik nyenangko ia." ⁸ Akan tetapi, perwira hena ngejawab hik cawa, "Tuan, nyak at layak untuk Gusi kuruk guk bah hatokku, tetapi cawakedo sepatah kata gawoh hik hambaku akan disembuhko. ⁹ Sebab, nyak juga jadodo jelma se wat dibah kekuasaan, kantik tentara-tentara dibahku. Hik, nyak cawa guk sai,'lijungdo,' ia pun lijung, hik guk se barih, 'Ratongdo,' hik ia pun ratong, hik guk hambaku, 'Lakukedo henji,' hik ia pun ngelakukeni." ¹⁰ Ketika Yesus nengis hal henji, Ia kagum hik cawa guk jelma-jelma se ngesoki-Ia, "Nyak ngumungko se sebenorni guk niku, Nyak kung negahhi iman sebalak henji diantara jelma Israel. ¹¹ Nyak ngumungko guk niku bahwa lok se akan ratong jak timur hik barat, hik mejong mengan kantik Abraham, ishak hik Yakub lom kerajaan Surga, ¹² tetapi sanak-sanak kerajaan hena akan di umbanko guk lom kemanoman se paling manom. Di disan akan wat ratapan hik kertak ipon." ¹³ Hik, Yesus cawa guk perwira hena, "lijungdo, gandodo terjadi guk niku nawak se niku percayai." Hik, pada saat hena juga, hambani disenangko. Umak Mertua Petrus hik Jelma Lok Disenangko ¹⁴ Ketika Yesus hantok dimahan Petrus, Ia ngenah umak mertua Petrus lagi terbaring hik mehandok. ¹⁵ Lalu, Yesus ngejamah culuk bai-bai hena hik panasni lebon. Kemudian, ia miah hik ngelayani Yesus. ¹⁶ Ketika menjelang dibingi, tian ngusung guk-Ia lok jelma se kerasukan roh jahat, hik Ia ngusir roh-roh hena dengan sai kata, hik nyenangko unyin jelma se sakik, ¹⁷ supaya tergenapido lani se dicawako oleh Nabi Yesaya: "Ianado se ngakuk kelemahan-kelemahan ram hik menanggung penyakik-penyakik ram." Menjadi pengikut Yesus ¹⁸ Ganta, ketika Yesus ngenah jelma lok disekeliling-Ia, Ia ngejuki perintah untuk bertolak guk seberang. ¹⁹ Kemudian, sai jelma ahli Taurat ratong hik cawa guk-Ia,"Guru, nyak akan ngesoki-Gusi guk dipapun GUsi lijung." ²⁰ Hik, Yesus cawa guk ia," Para rubah wat liang hik manuk-manuk dilangit wat sarang-sarang. Akan tetapi, Anak manusia atmik jengan untuk ngepikko hulu-Ni." ²¹ Sai jak para murid cawa guk-Ia, "Tuhan, izinkodo nyak untuk mena lapah hik nguburko bakku." ²² Akan tetapi, Yesus cawa guk ia, "Sokdo Nyak, hik agando jelma mati menguburko jelma mati tian diwik." Yesus Meredako Badai ²³ Hik, ketika Yesus cakak guk perahu, murid-murid-Ni ngesoki Ia. ²⁴ Hik, enahdo, terjadi badai balak didanau sehingga perahu hena tertutup ombak. Akan tetapi, Yesus pedom. ²⁵ Hik, murid-murid ngeratongi Yesus hik ngurah-Ia, cawani,"Tuhan, selamatko hikam! Ram lagi binasa!" ²⁶ Hik, Ia cawa guk tian," Ngapi kuti rabai, hai kuti se kurang beriman?" Lalu, Ia tegak hik menghardik agin kantik danau hena, hik menjadi tenang benor. ²⁷ Maka, jelma-jelma hena terheran-heran hik cawa, "Jelma maca jikpa henji, bahkan angin hik danau pun nuruti-Ia?" Hua Jelma Gadara Kerasukan Roh Jahat ²⁸ Kerika Yesus tiba di seberang danau, di daerah jelma Gandara, hua jelma se kerasukan roh jahat negahi-Ia. Tian luah jak kuburan dengan ganas benor sehingga atmik jelma se pandai ngeliui ngeraya hena. ²⁹ Hik, enahdo, tian mengkering, cawani," Lani urusan antara Niku kantik hikam, hai Anak Allah? Apikah Niku ratong untuk menyiksa hikam sebelum waktuni?" ³⁰ Hik, agak jawoh jak tian wat segerombolan babui balak se lagi nyepok kanian. ³¹ Setan-setan hena kilu guk-Ia hik cawa,"Aman Niku haga ngusir hikam pindah guk lom rombongan babui hena." ³² Hik, Yesus cawa guk tian, "Lijungdo!" Lalu, tian luah hik kuruk guk lom babui-babui hena. Kemudian, unyin rombongan babui hena pun terjun jak tebing danau hik mati lom wai. ³³ Jelma-jelma se mengembalako rombongan babui hena melariko diri, hik kuruk guk lom kota, hik nyeritako unyinni, termasuk lani se terjadi kantik jelma-jelma se dirasuk iblis hena. ³⁴ Hik, enahdo, unyin kota luah untuk tegah kantik Yesus. Ketika tian ngenah Yesus, tian kilu guk-Ia untuk ninggalko wilayah tian.