¹ "Ikin menghakimi supaya niku at dihakimi. ² Karena dengan penghakiman se niku gunako untuk menghakimi, niku akan dihakimi, hik dengan ukuran se niku gunako untuk mengukur akan diukurko guk niku. ³ Hik, ngapi niku ngenah serpihan kayu dimata puarimu, tetapi at pandai balok se wat dimatamu diwik? ⁴ Atau, jikpa pandai niku cawa guk puarimu, 'Gando nyak ngeluahko serpihan kayu hena jak matamu,' tetapi enah, wat balok dimatamu diwik? ⁵ Hai, jelma munafik, luahkedo pai hena jak matamu, hik kemudian niku akan ngenah dengan jelas untuk ngeluahko serpihan kayu jak mata puarimu. ⁶ Ikin ngejuki barang se kudus guk kaci-kaci, ikin munih metakko mutiaramu guk hadapan babui supaya tian at ngijak-ngijak hena makai cukutni hik berbalik mencabik-cabik niku." Kiludo, Sepokido, hik Ketokdo ⁷ "Kiludo, hik hal hena akan diejukko guk niku. Sepokido, hik niku akan mangsa. Ketokdo, Hik hal hena akan dibukako bagi niku. ⁸ Sebab, setiap jelma se kilu, ia nerima, hik jelma se nyepok akan mangsa, hik bagi ia se mengetuk akan dibukako. ⁹ Atau, sapakah jak antara niku, se aman anakni kilu roti akan ngejuki batu guk anakni hena? ¹⁰ Atau, aman anakni kilu iwa, ia akan ngejuki ulay guk anakni hena, ayin? ¹¹ Jadi, aman niku se jahat pandai jikpa ngejuki anak-anakni pemberian-pemberian se helau, terlebih Bapamu di surga, Ia akan ngejuki se helau guk tian se kilu guk-Ia." Hukum se Terutama ¹² "Karena hena, unyin hal se niku haga jelma lakuko guk niku, demikiando munih niku lakuko guk tian karena henjido isi Hukum Taurat hik kitab para nabi." Ngeraya Menuju Kehidupan ¹³ "Kurukdo melalui gerbang se pelik karena balakdo gerbang hik luasdo ngeraya se menuju guk kebinasaan, hik wat lok se kuruk melalui ia. ¹⁴ Sebab, pelikdo gerbang hik sesakdo ngeraya se menuju guk kehidupan, hik cutik se negahini." Peringatan tentang Nabi-Nabi Palsu ¹⁵ "Namun, waspadado terhadap nabi-nabi palsu se ratong guk niku dengan berpakaian domba, tetapi sebenorni tian jadodo serigala-serigala se buas. ¹⁶ Jak buahnido niku akan mengenali tian. Pandaikah jelma ngumpulko buah-buah anggur jak semak-semak duri hik buah-buah ara jak tumbuh-tumbuhan berduri? ¹⁷ Demikian munih, setiap batang se helau menghasilko buah se helau. ¹⁸ Batang se helau at mungkin menghasilko buah se at helau, hik batang se at helau at mungkin menghasilko buah se helau. ¹⁹ Setiap batang se at menghasilko buah se helau akan dituwar hik diembanko guk lom apui. ²⁰ Jadi, jak buah-buahni niku akan mengenali tian. ²¹ At unyin jelma se cawa guk-Nyak, 'Tuhan, Tuhan,' akan kuruk guk lom Kerajaan Surga, melainko ia se ngelakuko kehendak Bapaku se di surga. ²² Pada hari hena, lok jelma akan cawa guk-Nyak, 'Tuhan, Tuhan, ayinkah hikam bernubuat lom gelar-Mu, hik ngusir roh-roh jahat lom gelar-Mu, hik ngelakuko lok mukjizat lom gelar-Mu?' ²³ Lalu, Nyak akan menyatako guk tian,'Nyaj at pernah mengenal niku! Enyahdo jak-Nyak, niku se ngegawiko kesalahan!"' Nengis hik Ngelakuko ²⁴ "Karena hena, unyin jelma se nengis perkataan-perkataan-Nyak henji hik ngelakukeni akan menjadi nawak jelma bijaksana se ngebangun mahanni di lambung batu. ²⁵ Lalu, debahdo terai hik ratongdo banjir, hik angin bertiup menerpa mahan hena, hik mahan hena at roboh karena didiriko di lambung batu. ²⁶ Hik, setiap jelma se nengis umungan-Nyak henji hik at ngelakukeni akan menjadi nawak jelma bugu se ngebangun mahanni dilambung pasir. ²⁷ Lalu, debahdo terai hik ratongdo banjir, hik angin bertiup menerpa mahan hewna, hik mahan hena rubuh, hik balak benor cadangni." ²⁸ Ketika Yesus radu ngumungko hal-hal henji, jelma lok terheran-heran pada pengajaran-Ni, ²⁹ karena Ia mengajar tian sebagai jelma se berkuasa, hik at nawak ahli-ahli Taurat tian.