¹ Ganta, seradu Sabat, saat menjelang fajar, pada hari pertama minggu hena, Maria Magdalena hik Maria se barih lijung untuk ngenah kuburan hena. ² Hik, enah, terjadido gempa bumi se balak karena malaikat Tuhan debah jak surga, ratong hik menggulingko batu hena, kemudian mejong di lambungni. ³ Pudakni bagaikan kilat hik pulunganni handak bagaikan salju. ⁴ karena rasa rabai terhadapni, tian se menjaga hena tergoncang hik menjadi nawak jelma-jelma mati. ⁵ Hik, malaikat tersebut cawa guk bai-bai hena, "ikin rabai karena nyak pandai aman niku nyepoki Yesus se radu disalibko. ⁶ Ia at mik didija karena Ia kok bangkit nawak se dicawako-Ni. Mari, enahdo jengan Ia berbaring. ⁷ Gancangdo lijung nyawako murid-murid-Ni bahwa Ia radu bangkit jak antara jelma mati, hik enah, Ia menaimu guk Galilea. Di disan, niku akan ngenah Ia. Perhatikedo, nyak radu ngumungkeni guk niku." ⁸ Hik, tian gancang-gancang meninggalko kuburan hena dengan kerabaian hik sukacita balak; hik lijung untuk memberitako hena guk murid-murid-Ni. ⁹ Hik, enah, Yesus negahi tian hik cawa, "Salam!" Lalu, tian ratong guk Yesus, ngating cukut-Ni, hik menyembah-Ni. ¹⁰ Kemudian, Yesus cawa guk tian, "Ikin rabai; lijung hik cawakedo puari-puari-Ku untuk lijung guk Galilea, hik di disan, tian akan ngenah Nyak." Para Penjaga Kubur Dibayar untuk Berbohong ¹¹ Sementara tian lijung, pira penjaga lijung guk kota hik memberitahuko imam-imam kepala tentang unyin hal se kok terjadi. Hik, ketika tian dikumpulko barong para tua-tua. Seradu berunding, lalu tian ngejukko lok duit guk para penjaga hena, ¹³ hik cawa, "Cawakedo, 'Murid-murid Yesus ratong guk manom hari hik mencuri-Ni saat hikam pedom.' ¹⁴ Hik, aman hal henji ketengisan oleh gubernur, hikam akan menyakinkeni hik ngeguaimu at cemas." ¹⁵ Maka, tian nerima duit hena hik ngelakuko nawak se kok diajarko guk tian; hik perkataan hena masih tersebar di antara jelma Yahudi hantok hari henji. Amanah Agung Yesus ¹⁶ Kemudian, kesebelas murid lijung guk Galilea, guk bukit se kok ditunjukko Yesus guk tian. ¹⁷ Ketika tian ngenah-Ni, tian menyembah-Ni. Akan tetapi, beberapa ragu-ragu. ¹⁸ Lalu, Yesus ratong hik cawa guk tian, "Segala kuasa kok diejukko guk-Nyak, di surga maupun di bumi. ¹⁹ Karena hena, lijungdo hik muridkedo unyin bangsa, baptiskedo tian lom gelar Bapa, hik Anak, hik Roh Kudus, ²⁰ Ajarkedo tian untuk menaati unyin se Nyak perintahko guk niku; hik enahdo, Nyak selalu barong niku, bahkan hantok guk akhir zaman."