¹ Pada hari hena, Yesus luah jak mahan hik mejong di tepi danau. ² Hik, jelma lok terkumpul guk-Ia. Karena hena, Ia cakak guk perahu hik mejong, hik unyin jelma lok hena tegak ditepi danau. ³ Hik, Ia ngumungko lok hal guk tian lom perumpamaan, cawa-Ni, "Wat sai jelma penabur lapah untuk menabur, ⁴ hik waktu ia menabur, pira benih tiak di pinggir ngeraya, manuk-manuk ratong hik nganikni hantok bela. ⁵ Benih se barih tiak di jengan berbatu, se at mengandung lok tanoh, hik gancang tuoh karena at mik kereloman tanoh. ⁶ Akan tetapi, seradu matahari terbit, tanoman hena tersengat panas. Hik, karena at memiliki akar, tanoman menjadi. ⁷ Benih se barih tiak diantara semak duri, hik semak duri hena tuoh, hik menghimpitni. ⁸ Namun, benih se barih tiak ditanoh se helau hik meghasilko buah, wat se seratus kali lipat, wat se enom puluh kali lipat, hik wat se telu puluh kali lipat. ⁹ Sapa se wat cuping, gandodo ia nengis." Yesus Mengajar kantik Perumpamaan ¹⁰ Hik, murid-murid Yesus ratong hik ngulih guk-Ia, "Ngapi Niku ngumung guk tian lom perumpamaan?" ¹¹ Yesus ngejawab tian, "Guk niku radu dikaruniako untuk mengetahui rahasia Kerajaan Surga, tetapi guk tian at dikaruniako. ¹² Sebab, jelma se wat, guk ia akan diejuki hik ia akan berkelimpahan. Namun, sapa se at mik, bahkan lani se ia wat akan diakuk jak ia. ¹³ Karena henado, nyak ngumung guk tian lom perumpamaan karena ketika ngenah, tian at ngenah, hik ketika nengis, tian at nengis, juga at ngerti. ¹⁴ Mengenai tian, digenapido nubuat Yesaya se ngumung, 'Dengan penengisan, niku akan nengis, tetapi at akan pernah ngerti. Hik, dengan ngenah, niku akan ngenah, tetapi at akan memahami.' ¹⁵ Karena hati bangsa henji menebal, cuping tian sungkan untuk nengis, hik tian nutup mata tian. aman at, tentu tian pandai ngenah makai mata tian, nengis makai cuping tian, hik pandai ngerti dengan hati tian, lalu berbalik guk-Nyak hi disenangko.' ¹⁶ Akan tetapi, diberkatido matamu karena ngenah hik cupingmu karena nengis. ¹⁷ Nyak ngumungko se sebenorni guk niku bahwa lok nabi hik jelma-jelma benor se haga ngenah lani se niku enah, tetapi at ngenahni, hik haga nengis lani se niku tengis, tetapi at nengisni." Penjelasan tentang Perumpamaan Penabur ¹⁸ "Oleh karena hena, tengiskedo arti perumpamaan penabur. ¹⁹ Ketika jelma nengisko firman kerajaan hik at memahamini, si jahat ratong hik ngerampas lani se kok tertabur lom hati jelma hena, Henjido jelma se benihni tertabur di pinggir ngeraya. ²⁰ Watpu se tertabur di jengan-jengan se berbatu, henjido jelma se nengis firman hik langsung nerimani dengan sukacita, ²¹ tetapi ia at mik akar lom dirini hik bertahan rebok gawoh . Hik, ketika penindasan atau penganiayaan terjadi karena firman hena, ia langsung tiak. ²² Benih se tiak di tengah semak-semak duri jadodo jelma se nengis firman hena, kemudian kekhawatiran dunia hik tipu daya kekayaan mendesak firman hena sehingga at berbuah. ²³ Namun, jelma se benihni tertabur di tanoh se helau, henjido jelma se nengisko firman hena hik memahamini. Ianado se benor-benor berbuah hik menghasilko, wat se 100 kali lipat, wat se 60, hik wat se 30." Perumpamaan tentang Jukuk Liar hik Gandum ²⁴ Yesus menyampaiko perumpamaan se barihni guk tian, cawa-Ni, "Kerajaan Surga hena pandai diumpamako nawak jelma se menabur benih se helau di humani. ²⁵ Akan tetapi, sementara jelma pedom, musuhni ratong hik menaburko benih lalang diantara benih gandum, hik lijung. ²⁶ Ketika tanoman bertunas hik berbulir, kemudian lalang kenahan munih. ²⁷ Maka, hamba-hamba jak pemilik ladang hena ratong hik ngulih guk ia, 'Tuan, ayinni gusi menabur benih se helau di humamu? Lalu, jak dipakah ratongni lalang hena?' ²⁸ Ia cawa guk tian, 'Sai jelma kok ngelakukeni.' Lalu, hamba-hamba hena cawa guk ia, 'Apikah gusi haga hikam lijung hik ngumpulkeni?' ²⁹ Akan tetapi, tuan hena cawa, 'Ikin! Sebab, ketika niku ngumpulko lalang-lalang hena, pandai-pandai niku nyabut gandum hena barong ia. ³⁰ Gandodo kehuani tuoh barong hantok musim panen, Hik, pas waktu panen, nyak akan cawa guk para penabur, "Pertamo-tamo, kumpulkodo lalang-lalang hena hik karukko lom berkas-berkas untuk di sundut. Namun, kumpulkedo gandumni guk lom lambungku. ""' Kerajaan Allah nawak Biji Sesawi hik Ragi ³¹ Kemudian Yesus nyeritako perumpamaan se barih guk tian, cawa-Ni, "Kerajaan Surga hena nawak biji sesawi se diakuk hulun hik ditaburko diladangni. ³² Biji hena jadodo se terenik jak unyin jenis benih, tetapi pas tuoh, ia lebih balak jak unyin jenis sayuran, bahkan jadi batang sehingga manuk-manuk di langit ratong hik bersarang dicababg-cabangni." ³³ Kemudian Yesus nyeritako sebuah perumpamaan se barih guk tian, "Kerajaan Surga hena nawak ragi, se oleh sai jelma bai diakuk hik dikurukko guk lom adonan tepung terigu seelok telu sukat hantok unyin adonan hena tercampur ragi. ³⁴ Unyin hal henji Yesus umungko guk jelma lok lom perumpamaanm-perumpamaan, hik Ia at ngumung guk tian tampa perumpamaan. ³⁵ Dengan jukna, tergenapido lani se disampaiko melalui nabi, "Nyak akan ngebuka bangukku lom perumpamaan-perumpamaan, Nyak akan ngucapko hal se tersembunyi sejak dunia dijadiko." Perumpamaan tentang Jukuk Liar di Huma ³⁶ Kemudian, Yesus ninggalko lok jelma lok hena lalu kuruk guk mahan. Hik, murid-murid-Ni ratong guk-Ia hik cawa, "Jelaskodo guk hikam perumpamaan tentang lalang-lalang di huma." ³⁷ Hik, jawab-Ni, "Jelma se menabur benih se helau jadodo Anak Manusia, ³⁸ hik huma hena jadodo dunia henji. Benih se helau jadodo anank-anak Kerajaan, hik lhuma jadodo anak-anak si jahat, ³⁹ hik musuh se menaburni jadodo Iblis, hik musim panen jadodo akhir zaman, hik para penuai hena jadodo para malaikat. ⁴⁰ Jadi, gohgoh nawak lalang se dikumpulko hik di sundut lom apui, juknado se akan terjadi pada akhir zaman. ⁴¹ Anak Manusia akan mengutus para malaikat-NI, hik tian akan mengumpulko unyin batu sandungan kantik jelma-jelma se ngelakuko kejahatan jak kerajaan-Ni, ⁴² hik akan ngebetakkoni guk lom tungku apui. Di jengan hena akan wat tangisan hik kertak ipon. ⁴³ Kemudian, jelma-jelma se benor akan bersinar nawak matahari lom Kerajaan Bapa tian. Sapa se wat cuping, gandodo ia nengis." Kerajaan Surga nawak Harta Terpendam hik Mutiara ⁴⁴ Kerajaan Surga jadodo harta se terpendam di huma, se ditegahhi jelma, lalu disegokko lagi, Hik, karena sukacitani, ia lijung, ngejual unyin se di uwatini, hik beli huma hena. ⁴⁵ Sekali lagi, Kerajaan Surga jadodo nawak sai jelma pedangang se nyepoki mutiara se helau. ⁴⁶ Ketika ia tegah sai mutiara se bernilai langgar, ia lijung hik ngejual unyin se ia wat, lalu beli mutiara hena." Kerajaan Surga nawak jala se Penuh Iwa ⁴⁷ "Demikian munih, Kerajaan Surga jadodo nawak jala se ditebarko guk lom laut, hik ngumpulko berbagai jenis iwa. ⁴⁸ Ketika jala hena penuh, tian nyeretni guk pantai hik mejong, lalu ngumpulko iwa-iwa se helau guk lom keranjang-keranjang balak, tetapi ngumbanko se at helau. ⁴⁹ Jadi, henado se akan terjadi pada akhir zaman. Para malaikat akan luah hik memisahko se jahat jak jelma-jelma benor, ⁵⁰ hik ngebetakko jelma-jelma jahat hena guk lom tungku apui. Di jengan hena akan wat ratapan hik kertak ipon. ⁵¹ Radukah niku ngerti akan unyin henji?" Tian cawa guk-Ia, "Yu." ⁵² Hik, Yesus cawa guk tian, "Karena hena, setiap ahli Taurat se kok menjadi murid Kerajaan Surga, ia nawak tuan mahan se ngeluahko harta se bahyu hik se uni jak kekayaanni." Yesus Ditolak di kota Asal-Ni ⁵³ Ketika Yesus kok ngeraduko perumpamaan-perumpamaan hena, Ia lijung jak disan. ⁵⁴ Hik, ketika Ia hantok di kota asal-Ni, Ia ngajar di sinagoge-sinagoge tian sehingga takjub hik cawa, "Jak dipa Jelma henji ngedacokko kebijaksanaan hik mukjizat-mukjizat henji? ⁵⁵ Ayinni Ia henji anak tukang kayu? Ayinni umak-Ni disebut Maria, hik puari-puari-Ni jadodo Yakobus, Yusuf, Simon, hik Yudas? ⁵⁶ Ayinni puari-puari-Ni se bai wat diantara ram? Lalu, jak dipa Jelma henji ngedacokko unyin hal henji?" ⁵⁷ Hik, tian tersinggung oleh-Ia. Namun, Yesus cawa guk tian, "Sai nabi ayinni at dihormati, kecuali di jengan asalni hik di mahanni diwik." ⁵⁸ Hik, Ia at ngelakuko mukjizat didisan karena keatpercayaan tian.