¹ A kirut Yudayaki gwe ko nan ’bulit? Kode ’bulit na tawero a nyo? ² Iŋkoi, lepeŋat gwon ko ’bulit a duma i ŋo liŋ. A kokwe Ŋun a yinikin Yudayaki i wuju na kulyaesi kanyit. ³ A kirut gwe ada ko kulye kase ’bayin lo yiyiniki i ’debba na kulyaesi kanyit? Ko ŋina kwe a Ŋun mo gwe ’bayin a lo yiyiniki i koŋdya na ŋo nagon nye a jam kune le? ⁴ ’Diri ti gwon sona! Ŋun ’beron yeŋon a lo to ’diri, ma ’di ŋutu liŋ a ’burönök, gwoso na wurörikin na adi, Do Ŋun mo kurwe a loke ko do jajambu, do mo ’bu ’buŋu ko do a ’dunöki putet. ⁵ Ama ko toron nikaŋ kwekiŋdya adi Ŋun ’duŋgö putet rigwo, a yi kulyani ada? Yi kulya adi Ŋun ti ’duŋgo putet gwogwo kogwon a riŋga yi na le? (Nan ŋilo jambu gwoso nagon ŋuto jajambi na.) ⁶ ’Diri ti gwon sona. Ko Ŋun ’bayin a lo rigwo a lepeŋ kodyö jujukin ’durigö kulya ti na kak le? ⁷ Ama ko gwon nio a ’burönit a jakiŋdya Ŋun bulet a duma kogwon a kwekiŋdya adi lepeŋ a lo to ’diri, a ko nyo nagon nan köti nyuŋ ’duŋoki a katoronyanit? ⁸ A ko sona ko nyo yi ti koŋdya kulya narok anyen ŋo na ’but pupukun? Iŋkoi, kulye Ŋutu a pökiŋdyö nan kana adi nan todiŋdyö adi ti ŋutu koŋdi kulya narok anyen ŋo na ’but pupukun. A na ’but ko ködyö kapöök gwoso kilo a ’duŋöki kulya narok. ⁹ Nyena gwon ada? Yi Yudayaki ŋona a lwöŋ ŋutu ti kulye jurön le? ’Bayin sona kwöŋ; kogwon nan dika aje jambu adi ŋutu liŋ Yudayaki ko Giriki gwon i riŋit na toron. ¹⁰ Kogwon a wurö adi, Lele ŋuto ’bayin logon a lo rigwo ma ’di geleŋ to. ¹¹ Lele ŋuto ’bayin logon kukurun kulya logon ga ’yu Ŋun. ¹² ŋutu liŋ a girara a swöt, soŋinana lepeŋat aje köŋu a gwe ’bak ’bulit; a lele gwe ’bayin lo koŋdya ’bura ma ’di geleŋ to. ¹³ Gworolo kase gwon gwoso dili nuket nagon a ko yikö, a se jambi kulya ’burönö ko ŋedepa kase. A wiri lo munuö gwoŋ korokokan gwe kase i ŋedepa. ¹⁴ Kutusen kase a jore ko lömisi se ko kulya na pötwör. ¹⁵ Mokosi kase a lowulekak i ’buköddu na rima, ¹⁶ a köŋu ko tukaŋu gwe a kikolin kase. ¹⁷ Lepeŋat ti den kiko lo taliŋ, ¹⁸ a lepeŋat tine yeye kugga Ŋun. ¹⁹ Yi a den adi ŋo liŋ nagon kilo Saresi a tuk kine a ti ŋutu lo ’debba kilo Saresi kulo, anyen ŋuto gwon ’bayin logon ’buruddu mugun kaŋo anyen ŋutu liŋ ti kak ’bukuluŋ gwon i putet lo non. ²⁰ Kogwon ŋuto ’bayin logon a tetenaki a lo rigwo ko ŋun i komor kogwon ’debba na Saresi, kilo Saesi tuŋ tiŋdu ŋuto i deŋdya adi nye a katoronyanit. ²¹ Ama soŋinana Ŋun aje kweja ko nye tiŋdu ŋuto i gwon a lo rigwo ada kanyit i komor, ama ’bayin i koŋdya na Saresi. Kilo Saresi ti Mose se ko ŋo liŋ na wur nebijin kune a tokoŋu adi kine kulya a gwak. ²² Kweja adi Ŋun a tiŋdu ŋutu i gwon a lo rigwo kanyit i komor kogwon yubbö nase na Yesu Kristo. Kine kulya a ti ŋutu liŋ tuka ’de ’bayin kwöŋ, ²³ kogwon ŋutu liŋ a toroŋdya, lepeŋat a karakin kiden a gwe a ko kek ŋo nakwekwelen nagon ŋun ’de ’deggi na. ²⁴ Lepeŋ a ’dogga ŋutu ’bak ropet ko ’busan nanyit na nyaŋu anyen se gwon a lo rigwo kanyit i komor, kogwon daket nagon Kristo Yesu a dakuŋdye yi a yi gwe a lui na. ²⁵ Ŋun a kweja lepeŋ anyen rima kanyit lalaju toronjin ti ŋutu lo yubbö nye kulo. Ŋun a koŋdya sona anyen kwekiŋdya adi nye a lo rigwo. kogwon i diŋitan ti ’beron nye a teŋgu mugun a gwe a ko riŋga toronjin. ²⁶ iŋkoi, lepeŋ koŋdya sona anyen kwekiŋdya i na diŋit na adi nye ko mugun nanyit a lo rigwo, a nye tiŋdi ŋuto logon yuyuŋ Yesu Kristo lo i gwon a lo rigwo kanyit i komor. ²⁷ a kirut yi bu ’ye ’börik ada? Nene ŋo ’bayin nagon yi bu ’ye ’börik. Ko nyo yi ti bu ’ya ’börik? Koyi a ’debba Saresi a yi bu ’ye ’börik, ama koyi a yubbö a yi tine bu ’ya ’börik. ²⁸ Nyena i ’dutet na kulya yi a den adi ŋuto a tetenaki a lo rigwo ko ŋuro i komor kogwon yubbö ka ’de, ti gwon i ŋo nagon kilo Saresi a tuggö adi ŋutu ködyö kökon se kune. ²⁹ Ŋun ŋona a Ŋun lo Yudayaki ka ’de le? Lepeŋ köti ’bayin a Ŋun lo ŋutu ti kulye jurön le? Iŋkoi, lepeŋ köti a lo kulye ŋutu. ³⁰ Kogwon Ŋun geleŋ, lepeŋ ti kökoroja mugun. Lepeŋ mo titikin ŋutu lo tawero kulo i gwon a lo rigwo kanyit i komor kogwon yupet nase, köti nye mo titikin ŋutu logon a ko tawero kulo i gwon a lo rigwo kogwon yupet nase. ³¹ Yi ŋona aje paju kilo Saresi adi ’bak ’bulit kogwon yi deŋdya yupet tuŋ le? ’Bayin sona kwöŋ. Yi kölumbö a togwi ’dikiŋdya kilo Saresi go adi gwiŋ.