¹ Nyenagon do ŋilo ŋuto ma ’di do a ŋa, ko do a ’duŋökin lele ŋuto arabat do ’bak kulya nagon do renyuŋdye mugun kaŋo. Kogwon i ’duŋökiŋdyo inot na lepeŋ do ’duŋökiŋdyö mugun arabat, kogwon do logon a ka ’duŋonit lo koti kökon ŋo nagon do a jam adi a narok kine. ² Kode do ŋona bubulö ruggö adi, Yi deden adi Ŋun a lo rigwo i ’duŋgo na putet lo ŋutu logon koŋdya ŋo gwoso kine kulo. ³ Do ŋilo ŋuto, do ’duŋokiŋdyo ŋutu arabat logon koŋdya ŋo gwoso kine kulo, kölumbö do ko mugun inot kökon se. Do yeyeju adi do ŋona mo rwörwöddu putet lo Dun le? ⁴ Kode do lauŋdya tukwörien na ’busan nanyit, ko na wi ’yö na kulya se ko na ŋoŋga taliŋ le? Do ti den adi ’busan na Ŋun ’de ’dekan jikuŋdyö do i löpuggö na töili le? ⁵ Ama do a miŋe ti ’bon löpuggo töili. Nyenagon do a ’delakiŋdya mugun riŋet a duma i lor lo woran na Ŋun logon nye mo kweji ’duŋgo nanyit na rigwo lu. ⁶ Kogwon Ŋun mo roropakindya ŋutu liŋ gwoso i konesi kase. ⁷ Kweja adi, Ŋun mo titikin ru na yeŋ nyin i ŋutu logon yeŋon koŋdya ’bura i ga ’yu na minyo, ko bulet, se ko ru na ti bulö köŋu, ⁸ ama nye mo ’bu ’bukökin woran se ko ŋoma nanyit i ŋutu logon tulyöŋgu ’borik, a renyani kulya ’diri a ruŋge kulya narok kilo. ⁹ Ŋutu liŋ logon koŋdya arabat kilo mo sasanya ko totomie; a kokwe Yudayaki lo sasanya a koti gwe a Giriki. ¹⁰ Ama ŋutu liŋ logon koŋdya ’bura kilo mo wuju minyo ko bulet se ko taliŋ; a kokwe Yudayaki lo wuju minyo a koti gwe a Giriki. ¹¹ Kogwon Ŋun ’bayin a kanyunyumonit. ¹² Ŋutu liŋ logon toroŋdya a ko den Saresi ti Mose kulo, lepeŋat mo kakaŋu ti den kilo Saresi; a ŋutu liŋ logon toroŋdya a den kilo Saresi kulo, lepeŋ a mo ’duŋoki putesi gwoso i kilo Saresi. ¹³ Kogwon ŋutu gwon a lo rigwo ko Ŋun i komor ti gwon i yiŋga na kilo Saresi ka ’de ama i koŋdya na se. ¹⁴ Lwaka ’bak Saresi ti Mose, ama ko lepeŋat kökon ko ’dekesi kase ŋo nagon kilo Saresi ’de ’deggi kune, lepeŋat ko ’börik kase gwon ko saresi kase ma ’di nagon se ’bak Saresi ti Mose. ¹⁵ kogwon lepeŋat a kwekiŋdya adi ŋo nagon kilo Saresi ’de ’deggi kune a wuröki kase i töilyet. A töilyet kase denesi ti kulya na ’but ko narok koti lo tokoŋ adi kine kulya a gwak, kogwon yeyeesi kase ti töilyet na pökiŋdyö se kode na gaju se. ¹⁶ Loŋe Lo ’but logon nan tokujö nye lo, tuggö adi kine kulya mo gwon sona i lor logon Ŋun mo lilija lwönö ti töilyet ti Ŋutu ko Kristo Yesu i mugun lu. ¹⁷ Ama do, do luŋgu mugun a Yudayakityo, a do toggi mugun ko Saresi ti Mose, a do bu ’ye mugun adi do a lo Ŋun. ¹⁸ Do a den ŋo nagon Ŋun ’de ’dekan adi do kökon kune, kogwon do aje diniki i kilo Saresi i deŋdya na kulya na ’but ko narok. ¹⁹ Do a yinikin mugun adi do a kanyömönit lo mo ’dokeno, ko a parara na ŋutu logon gwon i mudwe kilo, ²⁰ ko a katodinonit lo ŋutu lu ’boŋ, ko a katojumunit lo lupudiet. Do koti a yinikin adi ŋo liŋ ti deŋdya na ’but se ko ti kulya ’diri kata i kilo Saresi. ²¹ A ko sona, do lo todiŋdyo kulye Ŋutu, a ko nyo nagon do ti todiŋdyo mugun? Do lo tokujö adi, An do ko koko ’ya, ama do kölumbö ko mugun inot koko ’ya le? ²² Do lo kulya adi, An do ko lubbö, ama do kölumbö lulubbo le? Do maman nyomuejin, ama do kölumbö ryaryaggu kadijik kase le? ²³ Do yuŋggu mugun kogwon Saresi ti Ŋun, ama do jakiŋdya Ŋun yu na kwe i ’beleŋo na saresi kanyit le? ²⁴ Kogwon gwoso na wurörikin kulya ti Ŋun kune adi, Karin ti Ŋun a lawe i kiden na Ŋutu ti jurön kogwon kulya kasu ta Yudayaki. ²⁵ Tawero ’diri gwon ko ’bulit ko do ’de ’dep kilo Saresi, ama ko do ’be ’beleŋ se a tawero inot gwe gwoso nagon do a ko tawero. ²⁶ Nyena ko nuto logon a ko tawero ’de ’dep jujuwesi ti kilo Saresi, Ŋun ŋona ti ken lepeŋ a lo tawero ma ’di nagon nye a ko tawero le? ²⁷ Nyenagon do ŋuto logon a tawero, a gwe ko Saresi a wuröki kak, ama do kölumbö a ’beleŋ kilo Saresi lo, ŋuto logon a ko tawero i mugun, ama kölumbö ’de ’dep Saresi lo, lepeŋ mo ’du ’duŋokin kulya kunök arabat. ²⁸ Kogwon Yudayakityo gwak ti gwon i ŋo na memeta kana, köti tawero nagon a gwak ti gwon i ŋo nagon a konaki i mugun na kaŋo. ²⁹ Ama Yudayakityo gwak a ŋuto logon a Yudayakityo kanyit i mugun lukata, kweja adi nye a tawero i toili. Kine kulya a kita na Mulökötyo Loke ’bayin a kita na Saresi lo wuro. Ŋuto gwoso ŋilo, Ŋun lo pupurja lepeŋ ’bayin a ŋutu.