¹ Nan Paulo ’dupiet lo Kristo Yesu. Ŋun a luŋ nan a luyökie ko a gelun nan anyen tokujo Loŋe Lo ’but. ² Ŋun koju a laŋa ŋilo Loŋe Lo ’but ko nebijin kanyit i kutusen, gwoso i kulya ti Ŋun na wuwurö kune. ³ Loŋe Lo ’but gwon i kulya ti Ŋuro lonyit Yesu Kristo Matat likaŋ. Ŋilo Ŋuro lonyit gwoso na gwoŋdi nye a Ŋuto na, lepeŋ a yuŋwe a nyakwari lo Dawidi; ⁴ ama i gwon nanyit ko toili loke, lepeŋ a kweya ko riŋit a duma adi nye a Ŋuro lo Ŋun, kogwon toŋiyu nanyit i twan. ⁵ Nan a wuju ’busan ko a ruköki i gwon a luyökie kogwon kulya kanyit lo, anyen nan joŋdya ŋutu ti juron liŋ i yubbo ko i twoju kogwon karin kanyit. ⁶ Koti anyen joŋdya ta, kogwon Yesu Kristo a luŋ ta a ta gwe a ŋutu kanyit. ⁷ Nyena nan roman ko ta liŋ logon gwon Sura ŋini kilo, logon Ŋun nyanyar a iŋge luŋ a ŋutu kanyit kilo adi, Ti ’busan ko taliŋ na po ko Ŋun Baba likaŋ na po ko Matat Yesu Kristo na gwe ko ta. ⁸ A kokwe nan a tiŋdu Ŋun liŋ tinate ’diŋdya karin ti Yesu Kristo kogwon kulya kasu, kogwon ŋutu ti kak ’bukuluŋ aje yiŋ kulya ti yupet nasu. ⁹ Ŋun logon nan kitakiŋdya lepeŋ ko töili liŋ liŋ i tokujö na Loŋe Lo ’but lo ŋuro lonyit lo, lepeŋ deden adi nan ti Taran i ’diŋdya na ta i kwakwasesi kwe. ¹⁰ Nan kwakwaddu i diŋitan liŋ i pija na Ŋun adi, ko ködyö lepeŋ de ’dekan, a ti nan ryeji komor na ’but anyen nan tu i ’yö ’yu na ta. ¹¹ Kogwon nan ko pusök i meddya na ta, anyen nan jakiŋdya ta ’doket na po ko Mulökötyo Loke i togo ’yu na ta; ¹² iŋkoi, anyen yi gwon i togo ’yu na ’börik, kweja adi yupet nasu togo ’yu nan a nio togo ’yi ta. ¹³ Luŋasirik, nan ’de ’dekan ta deden adi daŋin Jore nan a yeyeju tu i ’yo ’yu na ta, anyen kita nio böŋö gwon ko ’bulit kasu kiden, gwoso nagon kita nio kata ko ’bulit ko kulye Lwaka kiden na, ama tojo ko na diŋit nene ŋo kata nagon teŋgu nan i tu. ¹⁴ Kogwon nan agu tokukiŋdyö Loŋe Lo ’but i Giriki ko i ŋutu logon ’bayin a Giriki, kweja adi tokukiŋdyö i ŋutu logon a todinö se ko i ŋutu logon a ko todinö. ¹⁵ Nyenagon nan kata ko pusök i tokukiŋdyö na ta Loŋe Lö ’but Sura Ŋini köti.Loŋe Lo ’but gwon ko riŋit ¹⁶ Kogwon kwe nio ti yu i kulya ti Loŋe Lo ’but; kogwon Loŋe Lo ’but a riŋit na Ŋun lwökit na ŋutu liŋ Ib yubbö kulo, a kokwe a lwökit na Yudayaki a gwe a na ŋutu logon a ti kulye jurön kbti. ¹⁷ Kogwon Loŋe Lo ’but kweja kiko logon Ŋun tiŋdu ŋutu gwon rigwo ada kanyit i komor; ŋina ŋo suluja i yupet tojo ko ŋerot liŋ a yupet, gwoso i kulya ti Ŋun na wuwurö adi, ŋuto lögon Ŋun a tin gwon rigwo kanyit i komor kogwon yupet lo mo gwon jörun. ¹⁸ Kogwon ŋun ki yu a kwekiŋdya woran nanyit i riŋga na lawesi nagon lawerikin Ŋun se ko konesi narok ti ŋutu. Kilo ŋutu konesi kase narok teŋggu kulya ’diri i dena kulo. ¹⁹ Ŋun a woran ko se kogwon ŋo nagon ŋutu bubulö deŋdya i kulya ti ŋun kune a kweki se köke; iŋkoi, Ŋun ko mugun nanyit a kwekin se köke. ²⁰ Kogwon suluja i diŋit na gweji Ŋun kak nu tojo ko na diŋit, ŋo kanyit nagon ti meta kune, kweja adi riŋit nanyit na yeŋ nyin se ko gwon nanyit a Ŋun, ŋutu memet i ŋo na gwe nye i kak kune. Nyena a se tine bulö renyaddu ’börik kaŋo adi se a ko den. ²¹ Ma ’di nagon se deden Ŋun, ama se ti bu ’ya lepeŋ adi nye a Ŋun kode tiŋdu lepeŋ puresi, a yeyeesi kase kölumbö gwe a mötwöt, a töilyet kase logon ti kurun kulya kulo iŋge tomuswe. ²² Lepeŋat bu ’ya ’börik adi se a lokoŋ kölumbö a se koŋdi ’börik a lu ’böŋ, ²³ a Iöpuŋge kwakwasa na Ŋun lo minyo lo yeŋ nyin a kwakwaddi nyomuejin ti gweya na ŋutu logon mugunya ’bu ’buron, ko ti kwen, ko ti kijakwa se ko ti ŋo lo gwoŋtu kak. ²⁴ Ko ŋina kwe a ŋun iŋge pakin lepeŋat i koŋdya na po kase lut nagon toilyet kase ’de ’deggi kune, a lepeŋat koŋdi ŋo nagon toyujö kusik i koŋu na mugunya kase a ’borik. ²⁵ Kogwon lepeŋat Iöpuggo kulya ’diri ti Ŋun a ’burönö, a se twöji a kwakwaddi ŋo nagon Ŋun lo gweja kune lwölwöŋ nye Ŋun Kagweyanit logon ködyo pupura ŋupi ŋupi lo! Amin. ²⁶ Ko ŋina kwe a Ŋun iŋge pakin se i koŋdya na ’dekesi ti mugun nagon joŋdya yu na kusik; a ŋutu wate kitari gweya nase na tuwatyan ko ’börik i kiko logon ŋutu wate ködyo ti jukin koŋdya; ²⁷ a ŋutu lyan köti kö ’yi doto ko ŋutu wate, a gwe ko pusök a duma ko ’börik. Kweja adi ŋutu lyan koŋdya ŋo nagon toyujö kusik i tutukarut ko ’börik, a wuji kase i mugunya ropet nagon tetemakiŋdya konesi kase narok. ²⁸ Nyena kogwon lepeŋat yeyeju adi ’bulit ’bayin i deŋdya na Ŋun, a Ŋun pakiŋdye se i yeyeesi nagon ’bak ’bulit anyen se koŋdya ŋo nagon se ködyö ti jukin koŋdya kune. ²⁹ Lepeŋat a Jore ko gweyajin liŋ ti kulya narok, ko toron, ko goma, se ko töilyet lurwök. Lepeŋat a jore ko be ’ya, ko tatuja. ko mörö, ko mululugga, se ko töilyet lo pötwör. Lepeŋat a kayekak ti kulya, ³⁰ ko a kajamak ti kulya ’buröno ko ’börik, lepeŋat a kamanak ti Ŋun, ko a kabowak, ko a ka ’du ’duŋak, ko a kabulak ti ’börik. Lepeŋat ga ’yu kikoliŋ ludukö ti kulya narok, lepeŋat lalaun kayuŋwok kase, ³¹ lepeŋat ’bak töilyet denesi ti kulya na ’but ko narok, lepeŋat ti ’debba milye lose, lepeŋat ti nyaŋu kode won konyen. ³² Ma ’di nagon lepeŋat deden saret lo Ŋun adi ko ŋuto logon a koŋdya ŋo gwoso kine lo, lepeŋ jujukin tatua, a se yeoe koŋdya a nyaŋi ŋutu logon koŋdya se kulo.