¹ ŋina a kenet na merenyejin ti Yesu Kristo, ŋuro lo Dawidi, ŋuro lo Abarayama. ² Abarayama yuŋuŋdye Yisaka, a Yisaka yuŋuŋdye Yakobo, a Yakobo yuŋuŋdye Yuda se ko luŋasirik kanyit, ³ a Yuda yuŋuŋdye Perese, se ko Jerak (ŋote nase a Tamara), a Perese yuŋuŋdye Keseron, a Keseron yuŋuŋdye Ram, ⁴ a Ram yuŋuŋdye Aminadaba, a Aminadaba yuŋuŋdye Nasona, a Nasona yuŋuŋdye Salamona, ⁵ a Salamona yuŋuŋdye Boaja (Raba a ŋote Boaja), a Boaja yuŋuŋdye Obede (Ruta a ŋote Obede), a Obede yuŋuŋdye Yisai, ⁶ a Yisai yuŋuŋdye mor Dawidi. ⁷ a Solomona yuŋuŋdye Rabama, a Rabama yuŋuŋdye Abiya, a Abiya yuŋuŋdye Asa, ⁸ a Asa yuŋuŋdye Yosapata, a Yosapata yuŋuŋdye Yorama, a Yorama yuŋuŋdye Ujiya, ⁹ a Ujiya yuŋuŋdye Yotama, a Yotama yuŋuŋdye Akaja, a Akaja yuŋuŋdye Kijikiya, ¹⁰ a Kijikiya yuŋuŋdye Manase, a Manase yuŋuŋdye Amon, a Amon yuŋuŋdye Yosia, ¹¹ a Yosia yuŋuŋdye Yekonia se ko luŋasirik kanyit, i diŋit na toyuojine se i jur lo Babela nu. ¹² A i mukok na toyuoji nase tojo Babela, a Yekonia yuŋuŋdye Salatiele, a Salatiele yuŋuŋdye Jerubabela, ¹³ a Jerubabela yuŋuŋdye Abiuda, a Abiuda yuŋuŋdye Eliakim, a Eliakim yuŋuŋdye Ajor, ¹⁴ a Ajor yuŋuŋdye Sadok, a Sadok yuŋuŋdye Akim, a Akim yuŋuŋdye Eliyuda, ¹⁵ a Eliyuda yuŋuŋdye Elejara, a Elejara yuŋuŋdye Matan, a Matan yuŋuŋdye Yakobo, ¹⁶ a Yakobo yuŋuŋdye Yosepa lalet lo Maria, a Maria yuŋuŋdye Yesu logon a luŋu a Masia lo. ¹⁷ Nyena nyakwariat lio suluja ko Abarayama tojo ko Dawidi a nyakwariat puök wot iŋwan, koti suluja ko Dawidi tojo ko toyuoji nase tojo Babela gwe a nyakwariat puök wot iŋwan, koti suluja i toyuöji nase tojo Babela nu tojo i diŋit na Masia gwe a nyakwariat puök wot iŋwan. ¹⁸ Nyena a yuŋwe na Yesu Kristo gwe sona. Maria ŋote nanyit aje torukökin i toyem ko Yosepa, ama i ŋerot nagon se a ko nyuŋ törumbo nu, a kulya kanyit iŋge dena adi nye gwon ko pele na Mulökötyo Loke. ¹⁹ A Yosepa lalet lonyit gwe a ŋuto lo rigwo, a tine ’bon toyujo kwe na Maria ko ŋutu liŋ i komor, a lepeŋ ’deke yaŋdu nye a Iwon. ²⁰ a na yeyeji lepeŋ kine kulya nu, mete, a malaikatat lo matat puköki ko lepeŋ i rudwe kulya adi, Yosepa ŋuro lo Dawidi, ko kujono i joŋga na Maria a nakwan inot, kogwon ŋilo ŋo logon a topikaki lepeŋ lo a lo Mulökötyo Loke. ²¹ A nye mo ta ’duuŋdye ŋuro lulalet, a do mo gwije lepeŋ a Yesu, kogwon lepeŋ mo Iwolwok ŋutu kanyit i toronjin kase. ²² Kine ŋo liŋ a pokin anyen kulya na jam matat ko nebi i kutuk köju kunu ködyö kokona, adi, ²³ Mete, ’diet mo gwon ko pele a mo ta ’duuŋdye ŋuro lulalet, a se mo gwije lepeŋ a Imanuele (Imanuele nyönyökö adi, ŋun gwon ko yiŋ.)'' ²⁴ A Yosepa ko purwene i doto, a nye iŋge koŋdya gwoso nagon malaikatat lo MATAT aje sarakiŋdye lepeŋ nu, a nye joŋgi Maria a nakwan nanyit, ²⁵ ama a nye gwe a ko dotori lepeŋ tojo nye a ta ’duuŋdyo ŋuro lonyit; a nye gwije lupudi lo a Yesu.