¹ A nagon Yesu aje yuŋwe i Bete-leme na Yudaya i diŋit na gwoŋdi Erode a mor nu, mete, a ŋutu lokoŋ ti swot lo ’yure poŋdi Yerusalema, ² a pije adi, Liya lupudi logon a yuŋwe a mor lo Yudayaki lo? Kogwon yi aje met kaserokoti lonyit ŋiun i swot lo ’yure, a yi kulo aje poŋdya i twoju na lepeŋ. ³ A na yiŋge mor Erode kine kulya nu, a nye wiwinyani wiwinya parik se ko ŋutu liŋ ti Yerusalema. ⁴ A nye luŋgi koanejin temejik liŋ ti ŋutu, se ko katodinök kase ti Saresi ti Mose i pirit na geleŋ a pije se adi, Masia ködyö yuŋwe ya? ⁵ A se waddi adi, Masia ködyö yuŋwe Beteleme na Yudaya; kogwon kune a ŋo nagon nebi lo wuŋö adi, ⁶ Ta ŋutu ti Beteleme na gwon i jur lo Yuda, ma ’di ködyö kötumit nasu a na ’dit i kiden na kasarak ti Yuda, ama kasaranit mo pupukun kaŋö konut logon mo yuggu ŋutu kwe Yisaraele. ⁷ A kirut Erode lupundye ŋutu lokoŋ kulo a lwön, a ’deke denuŋdya kase ’bura ko ŋilo kaserökoti pukun i nan diŋit gwak. ⁸ A nye sonyoddi se Beteleme yu kulya adi, Iti ta, ga ’yi ta ’bura kulya ti ŋilo lupudi, a ko ta a ryö lepeŋ jaki ta nan lore, anyen nan köti böŋö tu i twöju na lepeŋ. ⁹ A nagon se aje yiŋga kulya na jam mor kunu, a se iti tu, a kaseroköti logon se aje met i ŋiun i swöt lo ’yure lu iti kase ŋerot, tojo ko nye a pokin i gwo ’dan ki i pirit na gwoŋdi lupudi kata na. ¹⁰ A na meddi se kaserökoti lo nu, a se lyöŋi lyöŋön nyonyola parik; ¹¹ a se lupöni kadi, a meddi lupudi lo se ko Maria ŋote nanyit. A se dulakine kak ko komorsikan a twoji lepeŋ, a se ŋaji tukworien nase, a ’doggi lepeŋ ko ’dokesi nagon a dakap, ko bökur, ko mur. ¹² A ŋun tokujoŋdi se i rudwe adi ti se gwe ti yito ko Erode yu, nyena a se yitöni kase i jur tiri lele kiko. ¹³ A nagon ŋutu lokoŋ aje ŋiöro nu, a malaikatat lo MATAT puköki ko Yosepa i rudwe kulya adi, ŋine ŋien, joŋgi lo lupudi se ko ŋote nanyit, ko woki ta Ejipeto yu; si ’dani ta nyu tojo ko nan a takin ta, kogwon Erode ’dek ga ’yu lo lupudi anyen tatatu lepeŋ. ¹⁴ A Yosepa ŋine ŋien, a joŋgi lupudi se ko ŋote nanyit i tukwaje a ŋiörö tojo Ejipeto, ¹⁵ a nye si ’dani nyu tojo Erode a twan. Kine a pokin anyen kulya na jam MATAT ko nebi i kutuk köju kunu ködyö kokona, adi, Nan a luŋun ŋuro lio kaŋo Ejipeto yu.'' ¹⁶ A na meddi Erode adi ŋutu lokoŋ kulo aje dumba nye nu, a nye wore woran a tömönik, a nye soŋdi ŋutu i tatuja na ŋwajik lyan lio lo gwon Beteleme ko i mara kanyit lo gwon ko kiŋajin murek, kode logon a ko nyuŋ ’dur kilo, kenuŋdya kiŋajin kase suluja i diŋit na denuŋdye nye ko ŋutu lokoŋ adi se a met kaserököti i ŋiun nu. ¹⁷ Nyena kulya nagon nebi Yeremia koju a jam kunu aje kona adi, ¹⁸ Gworo lele a kuun Rama yu, gwigwien ko lulujö parik, Raele gwigwien ŋwajik kanyit, a nye tine ’bön suka kogwon se gwe ’bayin. ¹⁹ A i mukök nagon Erode aje twan nu, mete, a malaikatat lo MATAT puköki ko Yosepa i rudwe Ejipeto yu, ²⁰ kulya adi, Ŋine ŋien, joŋe lo lupudi se ko ŋote nanyit, ko yitöni ta bot i jur lo Yisaraele, kogwon ŋutu logon ga ’yu tatuja lo lupudi kulu aje twatwa. ²¹ Nyena a nye ŋine ŋien, a joŋgi lupudi se ko ŋote nanyit a yitöni bot i jur lo Yisaraele. ²² A na yiŋge nye adi Arkelau lo tumatyan i Yudaya ruddya Erode monye lonyit nu, a nye kujönöni kujönö tu nyu, a Ŋun ko tokujöŋdi lepeŋ i rudwe, a nye iti i jur lo Galilaya. ²³ a nye iti a si ’dani i köji na luiju a Najareta, anyen kulya na jam nebijin köju kunu ködyö kokona adi, Nye mo luou a ŋuto lo Najareta.