¹ A nagon woŋon aje ’baka nu, a Paulo luŋgi ŋutu kajujumuk kulo, a togo ’yi se ko kulyaesi, a rome roman, a kirut a nye ŋiörö ŋiörö tu Makedonia. ² A lepeŋ wöröji ’e kilu jurön totŋgoloddu kayupök ko kulyaesi jore, a kirut lepeŋ ’dure i jur lo Giriki, ³ a si ’dani nyu yapala musala. A nye teteŋdi tu Suria ko ki ’bo, ama a nagon nye aje den adi Yudayaki teteŋdya mwön ko nye nu, a lepeŋ yeyeji yitöri lo Makedonia. ⁴ Nyena a Sopatero ŋuto lo Beroia ŋuro lo Ŋuro, ko Aristaruko se ko Seku ŋilo logon a ŋutu ti Tesalonike; ko Gayo ŋuto lo Derbe, ko Timoteo, ko Tukiko se ko Torepimo logon a ŋutu ti Asia kulo nyömöddi lepeŋ. ⁵ a kilo ŋutu iti ŋerot a tu möŋdi yi Turoa. ⁶ A i mukök na rorwe lo Ambata nagon ’bak Kape, a yi kö ’yi Pilipoi, a iti ko ki ’bo a yi ’dure Turoa ko lepeŋat yu i mukök na perok mukanat, a yi iŋge si ’da nyu perok buryo. ⁷ A i lor lo Sabata lo Yudayaki i kotumalu nanyit kotyaŋ, a yi momori i pirit na geleŋ i pipiŋdya na ambata, a Paulo jambi ko ŋutu, a lepeŋ jamaddi a ’döri tojo tukwaje kiden, kogwon lepeŋ yeyeju ŋiörö ko ’bure. ⁸ A lombojin jore gwe i koŋilore na kadi nagon yi a momorakiŋdye kata nu. ⁹ A lele titinti karin kanyit a Eutuko si ’dani i kuluŋit, a nagon Paulo jamaddu a ’döri nu, a Eutuko lure lur tojo lepeŋ a doto adi mwön, a ’duruu i kadi tomusala na gwon ki tojo kak. A lepeŋat ’dumuŋdye nye ki a twan. ¹⁰ Ama a Paulo luluru kak a gubakiŋdye mugun ko lepeŋ loki, a kalabbi lepeŋ, a kulyani adi, An ta ko delya ta, lepeŋ nyuŋ jörun. ¹¹ A Paulo yitöni ki i koŋilore, a pipiŋdye ambata a se nyesi nyesu, a nagon nye aje jambu ko se tojo ko waran na kak nu, a nye ŋiörö ŋiörö. ¹² A lepeŋat joŋgi ŋilu ŋuro mede jörun a se iŋge lyöŋön parik. ¹³ A yi iti ŋerot i pirit na gwoŋdi ki ’bo nu, a yi kije lukata a iti tojo Aso, yeyeju adi Paulo ŋona kija i ki ’bo lukata nyu. Paulo a teteŋdya sona kogwon lepeŋ a yeyeju adi nye ’dek tu ko mok. ¹⁴ A yi ryeji lepeŋ Aso, a nye kije i ki ’bo a yi iti tojo Mitulene. ¹⁵ Ko ’bure a yi ŋine yu, a iti ko ki ’bo a ’dure nyona komorga Kio, Ko ’bure nanyit a yi monoji Samo yu. Kotumalu nanyit a yi ’dure Mileto. ¹⁶ Kogwon Paulo a yeyeju lwöpöddu Epeso ko ki ’bo gwo, anyen nye ködyö gwon ti karakin Asia, kogwon ’demeja tu Yerusalema anyen ’dur nyu i lor lo Pentekosta ko bubulö. ¹⁷ Na gwoŋdi Paulo Mileto yu nu, a lepeŋ soŋdi lore Epeso luŋurikin temejik ti kanisa, ¹⁸ A lepeŋat ko ’dure kanyit ni, a nye kulyani ko lepeŋat adi, Ta ko ’börik deden ko nan a si ’da ada kasu kiden diŋitan liŋ, suluja i lor lo kokwe lo tanyakiŋdye nan moköt i jur lo Asia lu. ¹⁹ Ta a den ko nan a kitakiŋdya Matat likaŋ ko tokoyokan liŋ se ko ŋolitan ko möriesi na pokin köyö kogwon Yudayaki ga ’yu mwön ko nan kune, ²⁰ Ta köti a den adi nan a ko ’de ’ya kunie kulya nagon bubulö parakiŋdya ta. Nan a tokujö a iŋge todinikin ta köke ŋutu memet, ko kasu i midijik. ²¹ Nan a kukuju Yudayaki se ko ŋutu ti kulye jurön adi ti se löpukuŋdye ko Ŋun ni a yubbe Matat likaŋ Yesu. ²² Nyena mete ta, soŋinana nan lo iti Yerusalema, Mulökötyo Loke a rerek nan, a nan tine den ŋo nagon mo pokin köyö yu kunu. ²³ Tuŋ nan deden adi Mulökötyo Loke a tokurukiŋdyö nan i köjinö liŋ adi kadi rereket se ko sasanyesi mömöŋdu nan. ²⁴ Nan ti yeyeju ru nio gwoso nene ŋo nagon nan ködyö titi na, ama tuŋ nan ’de ’dekan tutuŋgö wökön nio na opere, anyen tutuŋökiŋdyö kita nagon Matat Yesu a tikin nan na, anyen tökoŋu Loŋe Lo ’but lo ’busan na nyaŋu na Ŋun. ²⁵ Nyena soŋinana mete ta, nan a den adi ta liŋ logon nan a tu kasu ŋini i tokujö na kulya ti Tumatyan na Ŋun kilo ta mo ti meddya komor nio köti kwöŋ. ²⁶ Nyena nan tokurukiŋdyö ta i lo lor adi nan gwon a loke ’bak rima ti lele ŋuto, ²⁷ kogwon nan a ko ’de ’ya tukökiŋdyö ta yeyeesi liŋ ti Ŋun. ²⁸ Tiji ta ’börik, köti tiji ta teŋ na yidin ’bukuluŋ nagon Mulökötyo Loke a tiŋdu ta a kamemetak kase na, anyen ta yuggu kanisa na Matat, nagon nye a ryekin mugun ko rima kanyit na. ²⁹ Kogwon nan deden adi i mukök nagon nan aje tu nu, a lujin kaŋajin mo poŋdi kasu kiden, a mo tine pitökin teŋ na yidin. ³⁰ a ŋutu kulye mo ŋine ŋien kasu kiden logon mo jambu kulya tulyaŋesi a mo jiköddi ŋutu ti Yesu kajujumuk anyen kepoddu se. ³¹ Nyenagon gwe ta ko konyen ŋa, ko yeyene ta yeye adi nan a joŋga kiŋajin musala a ko jaran tuparan ko tukwaje i kukuju na ta liŋ geleŋ geleŋ ko ŋolitan. ³² Nyena soŋinana nan tiŋdu ta ko Ŋun i könin ko i kulyaet lo ’busan na nyaŋu nanyit. Lepeŋ ko riŋit i gweyuŋdya na ta ki, ko i tiŋdu na ta ŋo na ’but ti mede nanyit na Ŋun, nagon ta se ko ŋutu liŋ logon a gelwe a ŋutu kanyit kilo mo wuwu kune. ³³ Nan a ko be ’ya pödö kode dakaŋ ti lele ŋuto kode boŋgwat kanyit. ³⁴ Ta ko ’börik deden adi nan ko kulo könisi kwe a kitauŋdya ŋo liŋ nagon nan se ko ŋutu logon gwon ko nan kulo ’de ’deggi kune. ³⁵ Nan a kwekiŋdya ta miret i ŋo liŋ adi yi ködyö kikita anyen parakiŋdya ŋutu lomunyak, ko i yeyeju na kulya nagon Matat Yesu a jam kune adi, Ka ’dokak a kalyöŋök lwölwöŋ kawuyuk. ³⁶ A nagon Paulo aje tutuŋgö jambu nu, a nye rugwuŋökine kak ko se liŋ i pirit na geleŋ a kwakwaddi kwakwaddu. ³⁷ A se liŋ gwine gwien parik, a kalabbi lepeŋ ko ’bi ’biyet, ³⁸ dedelya parik kegga ko kulyaet logon nye a kulyari adi se mo köti ti met komor nanyit kwöŋ. A kirut se nyömökindye lepeŋ tojo i ki ’bo.