¹ julin kwe lo nyanyar, na tianana a leta nio tomurek na wurokin nan ta na. i kine letajin murek nana ke wurjo i toyiyikindo na ta yeyeesi na rigwo, ² 2 anyen ta kodo yeyeju kulya na jam nebijin loke koju kunu, ko anyen yeyeju saresi ti matat likaŋ kalwokonit, logo luyokie lo sunyuki ta kilo lo jonda. ³ a kuwe dene ta den adi i perok ‘dutesi kakwekweniak logon konda gwoso i ‘dekesi kase kulo molu opo, a se molu kwekweninw ko ta. ⁴ a molu do’doji adi, nye a milyeju adi nye molu yiyite. ko nye a po? kogwon suluja i lor logon merenyjin kaŋ a twatwa lu, ŋo liŋ yoŋon gwoso na gwoggi se i suluwa na gwiya na kak nu. ⁵ kulo ŋutu a ‘bon yiyiundo adi koju ‘beron ŋun a kulya, a ‘diko se kak gwedenye kaŋo i kiden na pioŋ ko i pioŋ kata. ⁶ a nye ‘dok kulyani kulya, a kak na yinu diŋit muluani mulua ko pioŋ a’dok ke koro. ⁷ yilo kulyaet lo geleŋ lo a ’de’ya ‘diko ko kak anyen mondu ‘yura ko kimaŋ i lor ‘duŋet lo putet na tukaraki ŋutu logon a twoju ŋun kilo. ⁸ Julin kwe lo nyanyara, ta kodo a boŋo na ŋo geleŋ adi lor geleŋ gwon ko matat likaŋ gwoso kiŋajin alip geleŋ, ‘dok kiŋajin alip geleŋ gwon gwoso lor geleŋ. ⁹ matat a karakin i kulya na ruk lepeŋ kune, gwoso na yeyeji kulye ŋutu adi lepeŋ a karakin na, ama nye a yatakin ta parik a ko’ye mindi adi ti lele ŋutu ko’ben kokoro, ama lepeŋ mimindi ŋutu liŋ kodo yi lopuggo na toilyet. ¹⁰ Ama lor lo matat molu popo gwoso kalanit, a ‘diko molu likioro likiioro adi wur, a toro’ba kayit molu luksokoni lusoko ko yuloŋ na kimaŋ, a na kak se ko ŋo nag won i lukata nayit kune liŋ molu ‘yurani ‘yura. ¹¹ A ko kine ŋo liŋ molu lusoko tina, ta kodo gwon a kulon ŋutu i gwiliŋ kasu? ta kodo gwon a ŋutu loke lo twoju ŋun. ¹² Na momondi ta po na lor lo ŋun ko na rurumbi ta ‘durokin na yilu lor nu. yu lor molu tin ‘diko i lilikara ko kimaŋ, a toro’bo kayit molu luluookoni lulu soko ko yuloŋ na kimaŋ. ¹³ Ama yi mondu ‘diko ludukotyo se ko kak ludukotyo nagon leti lo rigwo si’da kata, gwoso na rukokindi ŋun yin a. ¹⁴ Nyenagon julin kwe lo nyanyara, na momondi ta kine ŋo i pokin nu, tisakindi ta ‘borik anyen lepeŋ boŋo pujo tag won taliŋ ‘bak ‘yottet kode korit kayit i komoŋ. ¹⁵ Yeyene ta yeye adi yatakinda na matat likaŋ tindu yi kwake anyen yi lwolwoko, gwoso nagon paulo luŋaser likaŋ lo nyanyara a wurokindi ta i koŋon nagon kere tiki lepeŋ na. ¹⁶ Lepeŋ a wurjo kine kulya i letajin kayit liŋ-kunie kulya kata kayit i letajin nagon a nago i kurwe, a ŋutu lu’boŋ ko a lokolokak tukoloŋgi tokoret na kine kulya gwoso na tukeoloŋgi se kunie kulya ti ŋun na wuro kune. nyena koko jakinda ‘borik korit. ¹⁷ Nyenagon ta julin kwe lo nyanyara, ta kere den kine kulya a kokwe. nyena kunyar ta, ko’ben ta lulukaji ko giresi ti ŋutu logon a ‘debba saresi kilo, anyen tag won a ‘dororo kaŋo i gwo’dan nasu go. ¹⁸ Ama yeŋe ta i ‘durjo i ‘busan na nyarju ko i denda na matat likaŋ kalwokonit yesu kristo. a bullet gwe ko lepeŋ tianana ko ŋupi ŋupi, amin.