¹ Ama nebijin ‘buronok ‘dok koju a pukun ko ŋutu ti yisaraele kiden, gwoso nagon katodinok ‘buronok molu gwon kasu kiden na. kilo katodinok ‘buronok molu sukindo ŋo nagon a koresi i totindo nase, ma’di rerenye matat logon kere gworundo se lo, a molu jakindi ‘borik korit nagon ‘dukin ‘de’de kijek. ² A ŋutu jore molu kepoddi koko i gwiliŋit lose lo yu na kwe’de lo kon se aka lo, a kilo lo to’diri molu jamani arabat kogwon ŋo na kon se kune. ³ A se molu lukundi gurut kasu ko todinesi ‘burono kogwon goma nase. Ama putet logon koju ‘beron a ‘duŋoki i koko lo momondu koko. Katukaranit lose ti doro. ⁴ Ŋu a ko kolokin malaikajin logon kere toronda kulo, ama a gubaddi se kak yu i pirit riŋit, a ‘de’deleji koko i mude a rereka, momondu lor ‘duŋet lo putet. ⁵ A nye gwe a ko kolokin kak koju ‘beron nu, na jondi nye bar i kak na ŋutu logon a twoju ŋun kilo, ama a nye lwoggi Noa katokuonit lo leti lo rigwo se ko kulye ŋutu buryo. ⁶ A ŋun ke ‘duŋokin kojino ti sodama ko gomora i koroasut, a nyokundi se kak a kurok, a tindi se a miret i ŋutu logon a twoju ŋun logon molu po kase i mikok kilo. ⁷ Ama a nye lwoggi loto logon a ŋuto lo rigwo, logon dedelya parik ko konesi ti yu na kuwe na kon ŋutu lorok aka kune. ⁸ Kogwon yilo ŋuto lo rigwo si’da ko koko i pirit na geleŋ lepeŋ memet ko yiyiŋ ŋo na kona kune konesi kase nagon korju saret kune totomi toili loyit lo rigwo perok liŋ. ⁹ Matat deden ko nye lwokun ŋutu lo twoju nye kulo ada kase i moriesi. Lepeŋ deden ‘de’ya ŋutu lorok i pirit ririŋet tojo ko lor ‘duŋet lo putet. ¹⁰ Kegga se logon woworo i ‘dekesi kase narok tin a mugun, logon a kalak a ‘bon sara kilo. Kilo katodinok ‘buronok a kaŋajin, konda gwoso na mindi se na, a ko’ye kojen momoroju teŋ na malaikajin lo bubula. ¹¹ Ama malaikajin logon lwolwoŋ kilo katodinok ‘buronok i riŋit ko i kido kulo a ko joŋga se i putet ko matat i komoŋ ko momoroju. ¹² Kilo ŋutu gwon gwoso kijakwa nagon a denda kulya, nagon kita gwoso i ‘dekesi kase, nagon a yuŋwe anyen loloka ko tatatua. Kilo ŋutu momoroju ŋo nagon se ‘bak ko kurun kune, a se molu tatuani tatua gwoso kijakwa. ¹³ Koko ropaki ŋoŋga kogwon se a toŋoŋga kulye ŋutu. Koko nyanyar to’betan ko yawa i tuparan-koko gwon gwoso lut nagon ‘yodda ta akere kor ta na nyesi se ko ta i pirit na geleŋ na, a se nyare nyar momolugga ta. ¹⁴ Kuwen kase a jore ko lubbo a konye bulo ko’yu toron. Koko togiraddu ŋutu lomunyak i konda na toron. Toilyet kase a diniki goma gurut, a ŋun kere lom koko; ¹⁵ Koko ke ko’yu kiko lo rigwo a kere giran, a kepoddi kiko lo Balam ŋiro lo Beor logon nyanyar ropaki i konda na toron. ¹⁶ Ama a nye ke yuyuko kogwon toron nayit, kogwon kaine nagona jambu na jambi jambu ko gworo lo ŋutu, a teŋgi yilu nebi i konda na ŋo na mamala. ¹⁷ Kilo ŋutu gwon kidiya logon ‘bak pioŋ, koko gwon gwoso luruot logon wukoji ko kobuŋok duma. Pirit nagon a mude adi ‘dii a wuloki koko. ¹⁸ Koko jajambu kulyaesi lobut logon a ŋo kana i lulukunda na ŋutu logon pete pujo i gwiliŋit lo tupaganon kilo, a tetendi ‘dekesi narok ti mugun se ko konesi ti yu na kuwe a meyi. ¹⁹ A se rukokindi koko i gwon a lui, ama se ko ‘borik a ‘dupi ti ŋo na korju ŋutu, kogwon ŋuto a’dupiet lo ŋo nagon a te’ya lepeŋ na. ²⁰ Kogwon ko ŋutu ke rwoddu i tolupesi tin a kogwon denda nase na matat likaŋ kalwokonit yesu kristo, ama ko kine tolupesi ‘dok ke mok se, a kere te se, a kulya kase worani a naeok bia parik lwolwoŋ ti kokwe kunu. ²¹ Kodo a na’but kase ko se kwoŋ a ko den kiko lo leti lo rigwo, lwolwoŋ nagon se ke den lo kiko i koyu na saresi loke logon kere tiki se kulo a kukutoro bot. ²² Ŋo na jama i tolupet kune a pokin kase ki a gwak adi, ‘Dioŋ a yito kayit I jaat, dok adi, wuri nagon kerekwo na ‘dok a yito I gwugwuluŋgo na mugun i wo’do’do.