¹ Ah, inta jemila , ya habiba tai, inta jemila. Eyun taki min juwa tarha taki zi itneen hamm. Shaar taki zi mujmua ta aqhnam al bi nezil min Jebel ta Gilaad. ² Asnan taki zi mujmua ta khurfan al haligu suof tumon wa umon bi tala min mahal ta qhasiil. Ayi wahid indu temaniya, wa mafi wahid woduru. ³ Shafaif taki zi khite min Ghurmuzi; kasma taki hilu. khudud taki zi rumana bi beinu min terha taki. ⁴ Ragabto taki zi amara ta Daud al abinu min saf ta hujaar, hliegu fogu alfi daragat, kulu daragat ta asakier. ⁵ Sudur al itniin taki de zi al jena ta ghazall, temaniya ta ghazell, al bi akulu beina Suwsan. ⁶ Gubal nahar ma nefes wa duluma jere, ana bi ruwa le jebel al mur wa tall ta luban. ⁷ Inti jemila fi kulu ahwal, ya habiba tai wa mafi eab fi inti. ⁸ Keli jaa ma ana min Lubnan, ya arusa tai. Taal ma ana min Lubnan; taal min ras ta Amana, min ras ta Senir wa Harmon, min juwa ta ausud, min jebal al fugu beat ta fuhud. ⁹ Inti serigu gelba tai, ya ukut tai, ya arusa tai; inti serigu gelba tai, be nazara wahid bes, bes be juwahara wahid min siilsila taki. ¹⁰ Ma ajmal hub taki, ya ukut tai, arusa tai! Hub taki afdalketir min khamra, wa riha ta eatir taki min ai riha. ¹¹ Shafaif taki , ya arusa tai, bi naga asel; asel wa leben tehet lisan taki;riha ta gumash taki ze riha ta Lebnan. ¹² Ya ukut tai, arusa tai inti hadigha al mugful, ya hadigha al mukful, ya yanbu al mugful. ¹³ Furu taki yao bustan ta ashjar ta rumana be fawakih al ahsen, wa ashjar ta henna wa nardiin, ¹⁴ nardiin wa zafraan, ghasab ta zarira wa girfa maa kulu anuwaa ta luban, mur wa sabbar maa afdal anuwaa ta riha kulu. ¹⁵ Inti majra fi jinena, bier ta moyo al nedif, majari al bi kubu min Lebnan. ¹⁶ Gum, ya hawa ta shamal, taal ya hawa ta junub; afuku fi jinena tai de ashan eatir tou bi tala riha tou al hilu de bara, ashan habib tai bi jaa fi jinena tou wa akulu ahsen fawakih tou.