1 Weled tai, kutu balak le hikma tai; kede adana taki asuma kwes le ilim tai, 2 yala inta bi alimu an tasaruf wa kasuma taki bi hafisu marafa. 3 Safa ta mara ta zina bi kubu aasel wa kasuma tou naim min zet, 4 lakin fi nihaya hiya bikun ze marara ze dud ta kasab, bi gata ze kasab senin. 5 Kura tou bi ruwa le mut; katuwat tou bi rua fi sika le Sheol. 6 Hiya ma bi fekir sika ta haya. Katuwat ta kura tou woduru; hiya ma arufu mahal al hiya bi ruwa fogo. 7 Hasa weled tai, asuma le ana; mata agilibu bara min asuma kalam ta kasuma tai. 8 Kede sika taki kun beid min hiya wa mata ja gerib ma bab ta bet tou. 9 Be teriga dak inta ma bi wodi fursa ta ihtiram taki le nas tanin au sinin ta haya taki le zol al kaab; 10 nas al ghuraba ma bi aid be mali taki; Hajat al inta istakalu mabi ruwa le bet ta ghuraba. 11 Fi nihaya ta haya taki inta bi nengneng kan laham wa jisim taki bi gisiru. Inta bi kelim, 12 'Ana karahu towjihad wa geliba tai aba teshi! 13 Ana ma bi asuma ustaz tai au kutu adana tai le towjihad. 14 Gerib bi demiru ana ta kulu kulu fi nus ta jumhur, beinu nas al limu." 15 Asrubu moya min fantas taki wa asrubu moya al bi jere min biir taki. 16 Hal manba taki bi defig fi ai mahal wa nahar taki bi defig fi midan. 17 Kede umon kun le nefsa taki bes wa ma le ghuraba am ma inta. 18 Kede batna taki kun mubarik wa kede inta kun farhan bi mara ta shababia taki, 19 fa hiya ghazala mahbub wa jemil. Kede sudur tou mala inta kulu wokit; kede muhaba tou istemir samamu inta. 20 Le inta, weled tai, sibu mara ta zina asar be inta; le inta bi amsuk sudur ta mara al ma indu aklak? 21 Yahwa bi ainu hajat kulu al insan bi amulu wa bi sufu sikat al huwo bi douru fogo. 22 Zol al sherir bi amsuku be katiya tou; habil ta katiya tou bi robutu huwo shedid. 23 Huwo bi mutu leanu huwo ma indu towjihad; Shilu huwo beit.be sokol belit tou