¹ Kuta ta gelba tabi le zol, min Yahweh bija juwab min lisan tou. ² kulu sika ta zol nedif fi ena tou, lakin Yahweh bi wozinu roho. ³ Stelim shokol taki le Yahweh wa kuta taki bi najah. ⁴ Yahweh bi amulu kulu haja la hadaf tou, hata al ashrar fi yom ta mushkila. ⁵ Yahweh bi kerehu ai zol al indu gelba takiyan, lakin kun mutakid min de, umon ma bi rua bila ikaap. ⁶ Be amana ta ahad wa sikha katiyat beriru wa be makafa ta Yahweh nas gelibu min shar. ⁷ wokit sika ta zol bi afrau Yahweh, huwo bi amulu hata adaa ta zol de fi salam mau. ⁸ Aksen al besit ma shunu al saa min bidal dakil al kebir be adam adala. ⁹ Fi geliba tou zol bi katit bara sika tou, lakin Yahweh bi kudu katuwat tou. ¹⁰ Karar al dakil fi lisan ta melik, kasma tou mabi tebiu adala. ¹¹ Mizan al hagiga bija min Yahweh ; kulu wozin al fi shanta yau shokol tou. ¹² Wokit muluk amulu hajat sherir, de haja al batal, leanu kursi asisu be amulu shunu al saa. ¹³ Melik bikun mosut be kasma al bi kelim shunu saa wa hu hibu zol al bi kelim resmi. ¹⁴ Zalan ta melik yau mutu ta kadam lakin rajil al hakim bi kafifu zalan tou. ¹⁵ Fi nur ta wusa ta melik huwo haya wa muhaba tou ze sihap al bi jibu matara. ¹⁶ Huwo kwes godur shunu ashan ligo hikma bidal dahab. ashan ligo fihim aksan min fida.. ¹⁷ Sika al kwes al zol bi tala bara min shar; wahid al bi hafisu haya tou bi hafisu sika tou. ¹⁸ Dala bija gabli damar wa ena ta roho ta hagara gabli waga. ¹⁹ Huwo aksen kun hadi fi nus nas masakin min gesimu fadalat ma ashrar. ²⁰ Ai wahid al jahilu shunu al umon derisu bi ligo shunu al kwes, wa del al wasik fi Yahweh bi bariku. ²¹ Wahid al hakim fi gelba bi nadi mumaiz wa hilu ta wanasa bi adilu gudra le dirasa. ²² Fihim yau nafura ta haya le del al indu, lakin towjihat ta belitiin huwo yau balada. ²³ Gelba ta zol hakim bi wodi al fi dakilu fi kasma tou wa zidu taasir fi kasmu. ²⁴ Kelimat ta farah ze asel–hilu le roho wa ilaj le udam. ²⁵ Fi sika ze saa le rajil, lakin nihaya tou mutu. ²⁶ Niya ta umal fi shokol le huwo; jiyan tou bi asalu huwo fi. ²⁷ Zol albila kalam bi hafura kusara wa kelimat tou ze nar al bi wala. ²⁸ Zol ta fitna bi gowum mushkila wa ta waswasa bi shetetu asdika al gerib. ²⁹ Rajil ta unf bi kizib le jeran tou wa bi gedimu huwo tehet fi sika alma kwes. ³⁰ Wahid al bi dugu ena bi katit fi haja batal; del al bi gofulu kasma bi jibu shar le nihaya. ³¹ Shar al abiad de yau taj ta mejid ; bi ligo be wasat meisha al saa. ³² Huwo aksen ashan kun bera fi zalan min bidal bi kun takian wa wahid albi hukumu roho tou aguwa min zol al bi gobudu medina. ³³ Has bi dugu fi rukuba; lakin karar huwo min Yahweh.