¹ Amsal ta Suliman weled ta Daud, melik ta Israel. ² Amsal de be derisu hikma wa towjihat, ashan bi deris kilamat ta hikma, ³ ashan intum bi akudu tojihad ashan intum bi ish be amulu kalam al sah, adil wa neziha. ⁴ Amsal del kaman bi wodi hikma le nas deifin, wa ashan bi wodi marafa wa fihim le shabab. ⁵ Keli nas ta hikma asuma wa zidu taalim tomon, wa nas al fahimin ligo towjihat, ⁶ ashan bi fahimu amsal, kilmat al bi kelimu, wa kilmat ta nas ta hikma wa lakz. ⁷ Kafu ta Yahwa yau bidaya ta marafa- nas al belitin bi alisu hikma wa tojihad. ⁸ Weled tai, asuma towjihat ta abu taki wa mata alisu gawanin ta uma taki; ⁹ umon bikun be neima al giyafa fi ras taki wa silsila al bi haligu fi ragabta taki. ¹⁰ Weled tai, kan nas al katiyiin deir juru inta fi katiya tomon, mata ruwa wara umon. ¹¹ Kan umon kelimu, "taal ma nina, kede nina dusuwa istene le dom, kede nina dusu wa hajimu nas al abrar bidun sabab; ¹² Kede nina abula umon hai, ze Sheol bi shilu del al indum saha, wa bi kutu umon ze del al bi waga fi hufura, ¹³ Nina biligo kulu noo bita hajat al indum keima; Nina bi mala biyut ta nina be hajat al nina sherigu min nas tanin; ¹⁴ jada gura taki ma nina, wa nina kulu be indu wahid bag sawa"- ¹⁵ wele tai, mata douru ma umon fi sika dak; mata sibu kura taki lemesu mahal umon douru fogo; ¹⁶ kura tomon bi jere le shar wa umon bi alagu ashan bi kubu dom. ¹⁷ Fa huwo ma indu faida ashan bi shetetu shabaka fi uyun ta ai ter. ¹⁸ Umon bi dusu nefsa tomon fi dom tomon- Umon bi kutu kamin fi haya tomon. ¹⁹ Yala de yau sika ta ai zol al bi ligo maksab be guwa; maksab al ma sah bi shilu haya ta del al bi lesegu fi haya dak. ²⁰ Hikma bi kore shedid fi sika, hiya bi arfa shot tou fi mahal al fadi; ²¹ fi ras ta sikat al indu izaaj hiya bi kore, fi dukul ta buaba ta medina hiya bi wonusu, ²² Lahadi miten, intum nas al deifin, intum bi hibu ashan geni deifin? lahadi miten, intum nas al mutahamin, intum bi hibu ashan ta kun mutahamin, wa lahadu miten, intum nas al belitin, intum bi karahu ilim ²³ Kutu balkum fi teshi tai; Ana bi dofugu afkar tai le intum; Ana bi kutu kilmat tai bikun maruf le intum. ²⁴ Ana nadi, wa intum aba ashan asuma; Ana midu iden tai, lakin mafi zol al bi kutu bal. ²⁵ Lakin intum alisu towjihad tai kulu wa ma kutu bal le teshi tai. ²⁶ Ana bi ataku fi karisa takum, Ana bi hadid intum zaman kan kalam batal ja- ²⁷ zaman hajat batal ja ze hawa wa karisa nedifu intum ze hawa tegil, zaman karaba wa azab ja le intum. ²⁸ Baad dak umon bi nadi ana, wa Ana ma bi juwabu; umon bi fakit amal ashan nadi ana, lakin umon ma bi ligo ana. ²⁹ Leanu umon bi karahu marafa wa aba azilu makhafa ta Yahwa, ³⁰ umon aba tabau towjihad tai, wa umon karahu teshi tai kulu. ³¹ Umon bi akulu samar ta sikat tomon, wa be 1samar ta moshuru tomon umon bi tala sabanin. ³² Fa nas al deifin bi katulu zaman kan umon raja wara, wa adam ahmia ta nas belitin bi demiru umon. ³³ Lakin ai zol al bi asuma le ana bi ish ".fi aman wa akudu raha aman bidun kof min karisa