¹ Yala ruwasa ta aba ja min usura ta Gilead jena ta Makir (al kan jena ta Manassa), al min usura ta iyal ta Yusif, umon ja wa wonusu gidam ta Musa wa ruwasa al kan mugedimin ta usar t aba ta shab Israel. ² Umon kelim, ''Yahwa weri le inta, ya said ta nina, kede gesim ard de le shab Israel be gura. Yahwa kan wori le inta kede wodi nisba ta Zelophehad aku ta nina le banat tou. ³ Lakin kan banat tou jouzu min gebila tani min shab Israel, baad dak nisba tomon bi shilu min gebila ta nina. Wa bi ziddu le nisba ta gebila al jouzu umon fogo. Bi shilu min nesib ta gura ta nina. ⁴ Wa kan zaman ta Yubil ta shab Israel ja, bi ziddu nesib tomon le nesib ta gebila al jouzu umon fogo, wa nesib tomon bi shilu min nesib ta aba ta nina. ⁵ Musa wodi awamir le shab ta Israel, hasab kalam ta Yahwa. Huwo kelimu, ''Kalam al gebila ta iyal ta Yusif kelim de sah. ⁶ De haja al Yahwa kelim be kusus ta banat ta Zelophehad. Huwo kelim, 'Kede jouzu umon bi nas al umon bi aiynu kwes le umon, Lakin kede bes kun min gebila ta abuhat tomon. ⁷ Mafi mumtalakat ta shab min Israel bi geiru min gebila le gebila. Lakin ai zol min shab Israel lazim bi iltezim be nesib ta abuhat tou. ⁸ Ai biniya min shab Israel al indu mumtalakat fi gebila tou lazim kede zouju be wahid min ashira al tabi abuhat tou. de ashan ai zol shab israel biligo miras tou min abuhat tou. ⁹ Kede ma hawilu nesib min gebila le gebila. Ai wahid min gabail ta Israel kede hafisu miras tou.'' ¹⁰ Banat ta Zelophephad amulu nefsa kalam al Yahwa kelim le Musa. ¹¹ Mahlah, wa Tirzah, wa Hoglah, wa Milkah, wa Noah, banat Zelophehad, jouzu umon be iyal amam tomon, iyal ta Manasseh. ¹² Jouzu umon be iyal ta Manasseh iyal ta Yusif. Be teriga miras tomon fadulu fi gebila ta abu tomon. ¹³ De yau wasaya wa gawanin al Yahwa wodi le shab Israel .be wasat ta Musa, fi Arabat Moab safa ta Ordon fi Ariha