¹ Yahwa wonusu le Musa wa gal ² Kede inta integim le iyal ta Israel, min Midianiin le hajat al umon amulu le Israelin. Baad amulu kida, inta bi mutu wa be dum le nas taki". ³ Yala Musa kelim le shab. Huwo kelim, ''Wodi takun silah le baad min nas takum ta harib, ashan umon bi ruwa shakila ma Midianiin wa bi integim intigam le Yahwa. ⁴ Ai gebila fi Israel lazim bi rasulu al fi Askeri le harib.'' ⁵ Yala Musa rasulu alaf ta rujal ta Israel, jibu alif min kulu gebila fi Israel, itnashar alf rujal musalahin le harib ⁶ Yala Musa rasulu umon fi harib, alif min kulu gebila, sawa ma Fenihas jena ta Aleazar al Kahin, be baad hajat min makan al mukadas wa trumbeta kan fi iden tou. ⁷ Umon shakila ma Midianiin, ze ma Yahwa kelim le Musa. Umon katulu ai rajil. ⁸ Umon katulu muluk ta Midian ma bagi meitin tomon: Awi, wa Ragim, wa Sor, wa Hor, wa Rabi, kamsa muluk ta Midian. Umon kaman katulu Balaam jena ta Beor, be sef. ⁹ Jesh ta Israel shilu nusuwan ta Midianiin, iyal tomon, wa kulu bagarat, wa ganamayat tomon, wa buda tomon kulu. Wa amlak tomon. ¹⁰ Umon aragu mudun tomon kulu al umon gi geni fogo wa kemat tomon kulu. ¹¹ Umon shilu nas al umon gobudu wa nahab, nas wa haiwanat. ¹² Umon jibu nas al umon gobudu de le Musa, wa Eleazar al khahin, wa le mujtama ta shaab Israel. Umon jibu hajat de le kem fi ard ta Moab, safa ta Urdon gerib wa Ariha. ¹³ Musa, wa Eleazar al khahin, ma kulu mugedimin ta mujtama ruwa istagbalu umon bara ta kem. ¹⁴ Lakin Musa kan zalan min nas al mosulin min jesh, ruasa ta alaf wa ruasa miyat, al ja min harib. ¹⁵ Musa kelim le umon, ''Itakum sibu nuswan kulu haiin? ¹⁶ Nusuwan de sibu shaab ta Israel amulu katiya gidam Yahwa be hasab nesiha ta Balaam, fi gediya ta Peor, zaman darbat de waza fi nus fi mujtama ta Yahwa. ¹⁷ Hasa kede, katulu ai rajil al fi nus iyal sukerin wa katulu ai mara al gabul kida nam ma rajil. ¹⁸ Lakin hafisu le nefsa taki banat fata al lisa ma nam ma rijal. ¹⁹ intum kulu al katulu ai zol au lemesu zol al katulu, lazim kede geni bara min kem le saba yom. Fi yom nimra talata wa yom nimra saba intum lazim bi nedifu nefus takum wa nas al itakum asmuku. ²⁰ Intum lazim bi nedifu ai gumash wa ai haja amulu min jilid wa min shaar ganamaya, wa ai haja amulu min kashab.'' ²¹ Eleazar al khahin kelim le jesh al ja min harib, ''De ganun al Yahwa wodi le Musa. ²² Dahab, Fida, wa nihas, wa hadid, wa gesdir, wa rasas, ²³ ai haja al nar ma gi haragu, inta intum lazim bi mururu be nar, wa bi tala nedif. Baad kida inta bi tahiru hajat de moyo ta kasil. Ai haja al ma bi dakalu fi nar inta bi nedifu be moyo. ²⁴ Intum lazim bi kasulu gumashat takum fi yom nimara saba, wa intum bikun nedif. Baad kida intum bi agder dakalu fi kem ta Israel.'' ²⁵ Yahwa wonusu le Musa wa kelim, ²⁶ ''Inta wa Eleazar al khahin wa ruasa ta mujtama ta usura ta judud kede idu mumtalakat al jesh gobudu, rijal wa haiwanat. ²⁷ Gesimu mumtalakat de le itnin. Gesimu takum beina asakir al ruwa fi harib wa le bagi mujtama. ²⁸ Kede wedi deriba le Rabana min asakir al ruwa fi harib. Deriba de kede kun wahid min ai kumsumiya, kan min nas, bagarat, Hamir, korufan, aw ganamayat. ²⁹ shilu nus ta dariba de wa wodi le Eleazar al khahin ashan bi gedimu toburuwat le Allah. ³⁰ Kaman min nas ta Israel's inta bi silu wahid min kulu khamsiin-min ai zol, abgar, humar, wa korufan- min haiwanat. Wodi del le Lawin al gi amulu kidma fi haikal tai. ³¹ fa Musa wa Eleazar gesis amulu ze Yahwa amiru Musa. ³² Hasa korufan al fadulu min al asakir nyakamu del kan 675,000, ³³ 72,000 bagarat, ³⁴ ,61,000 hamir, ³⁵ 32,000 nuswan al ma fi rajil lemesu umon. ³⁶ Nus al fadulu le asakir adad tomon kan 337,000 korufan, ³⁷ al nisba ta Yahwa kan 675. ³⁸ Bagarat kan 36,000 al nisba ta Yahwa min fogo kan 72. ³⁹ Hamir kan 30,000 wa nisba ta Yahwa kan 61. ⁴⁰ Wa nas kan sitashar alf nuswan wa nisba ta Yahwa kan itnin wa teletin. ⁴¹ Musa shilu zaka al kan bi ruwa gedimu toburuwat le Yahwa. Huwo wodi le Eleazar al khahin ze Yahwa wori le Musa. ⁴² Wa le shab ta Israel nus al Musa shilu min asakir al ruwa fi harib ⁴³ wa ta mujtama kan 337,500 koruf, ⁴⁴ 36,000 teran, ⁴⁵ 30,500 hamir, ⁴⁶ wa sitashar alf nusuwan. ⁴⁷ Nus min shab ta Israel, Musa shilu wahid min kulu kamsin, min nas wa haiwanat. Huwo wodi le Lawin al bi hafisu haikal ta Yahwa, ze ma Yahwa wori le huwo kede amulu. ⁴⁸ Yala ruwasa ta jesh, ruwasa ta alaf wa ruwasa ta miyat, ja le Musa. ⁴⁹ Umon kelim le huwo, ''Kadamin taki idu asakir al tehet musuliya ta nina, wa wele wahid nagis. ⁵⁰ Nina jibu tegdim ta Yahwa, ai zol jibu haja al Huwo ligo, afash min dahab, hujul, khibeshat, kawatim, wa salasil ,wa halak, le kafara le nufus ta nina gidam ta Yahwa.'' ⁵¹ Musa wa Eleazar al khahin akudu hajat de min umon dahab ma kulu afashat al sanau. ⁵² Wa kulu dahab al umon gedimu le Yahwa min ruwasa ta jesh de kan 16,750 shakil. ⁵³ Yala rujal ta harib, ai zol nyakamu ganima le nefsa tou. ⁵⁴ Musa wa Eleazar al khahin shilu dahab de min ruwasa ta alaf wa ruwasa ta miyat. Umon shilu fi kema ta ijtima ze zikra le .shab Israel gidam ta Yahwa