¹ Israel geni fi shittim, wa rijal bada sharmit nufu sum ma nasawin ta Moab, ² Le Moabitiin hum rahibu nas ashan gedim zebiha le aliha hagum. Kida al nas bi akulu wa dengir tehet le alliha ta Moabiin ³ Al rijal ta Israel limu le abidu sanam ta Peor wa Yahwa tala zalan wa zil de gi wala diid Israel. ⁴ Yahwa kelim le Musa, “katulu kiadad ta shab del kulu wa haligu umon gidam ana wa ashan ana bi wodi ashan bi aiynu be narhar, ashan zalan tai bi tala bara min Israel” ⁵ Musa kelim le guda ta Israel kulu wahid min intum lazim kede katulu ai nas tou al ruwa limu fi abidu Baal ta Peor.” ⁶ Baad dak wahid min rijal ta awulad ta Israel ja jibu fi nas usra mara min Midianiin de hasil fi ena ta Musa wa kulu mujtama ta Israel, wokit umon gi kore fi Baab ta kema ijtima. ⁷ Wokit Phinehas weled Eleazar ibn Harun al gesis aiynu kida, huwo gum fok min nus mujtama wa shilu Harba fi yedan tou. ⁸ Huwo ruwa wara rojul Israeli fi kema wa atanu Harba fi gisim tomon kulu itnin. Rajil Israeli de wa mara de. Yala darbat al Allah rasulu le nas ta Israel de wogif. ⁹ Adad ta nas al mutu min darbat dak kan arba wa isriin alf. ¹⁰ Yahwa kelim le Musa wa gal ¹¹ Phinehas weled ta Eleazar weled Harun al gesis, geiru zalan tai min nas ta Israel ashan huwo bi hib wa Malian ma nar tai fi wasad umon. Yala ana ma bi demir nas Israel fi gira tai. ¹² Ashan kida Yahwa kelimu, “shuf, ana bi wodi le Phinehas amina tai ta salam. ¹³ Le umon wa iyal ta iyal baad huwo, bi kun amina ta geni shokol gesis lel abad leanu huwo jadi le ana, Allah tou. Huwo gadim zebiha min ajil Israeliin.” ¹⁴ Hasa al isim ta rajil Israeli al katulu ma mara midiani de Zimri weled ta salu al kaid min Judud ta usra fi wasad shamaun. ¹⁵ Al isim ta mara Midiani al katulu de Isim tahia kozbi biniya ta Zur, al ras ta Gebila wa Judud ta baab al fi Midian. ¹⁶ Kida Yahwa wonusu le Musa wa gal, ¹⁷ It amal ma Midianiin ze adu wa hajimu umon, ¹⁸ umon it amal makum ze adu be akazib tomon. umon sibu intum ruwa fi shar fi kalam to Peor wa fi kalam ta ukut tomon Kozbi, biniya ta kaid fi Midian, al katulu fi yom ta darbat fi muskila ta Peor