¹ Wokit Balaam aiynu gal Yahwa moksut ashan Bariku Israel, huwo ma ruwa, ze ta kulu yom, ashan istakdim sihiri. Ze huwo aiynu le beriya. ² Balaam arufa uyun wa aiynu Israel fi mukaimat, ai wahid fi gebila, wa roho ta Rabuna ja fi huwo. ³ Huwo istakbil nubuwa wa kelim, De karar min Balaam weled ta Beor, wa nas all uyun tomon wasi fata. ⁴ Huwo wonusu wa asuma kalam ta Allah. Huwo aiynu ruya min Rabuna, gubal huwo ma dengir tehet ma uyun tou fata. ⁵ Jamala ta mukeimat taki kef , Yacub, mahal all inta gi esh, Israel! ⁶ Ze waadi hawuli umon setetu bara, ze mahaljarat fi taraf bahar, ze zuhur zarau ma Yahwa, ze khushub arz fi taraf moyo. ⁷ Moya bi jere min jeradil tomon, wa tirab tomon bi endu moyo ketir. Melik tomon bigun aasim fotu Agag, wa momulaka tomon be ehtaramu. ⁸ Allah bi jibu huwo bara min Masir. Huwo bi endu guwa ze tor al wahas. Huwo bi akulu al umam al bi shakil diidu. Huwo bi kasuru udam tomon heta heta. Huwo bi durubu umon be nishabat tou. ⁹ Huwo bi num tehet ze ased, ze lobuwa. Munu yau bi galgalu? Keli ai wahid al bi bariku huwo kun Mubarak; keli ai wahid al bi laanu kun moloun. ¹⁰ Balak tala zalan kaalis diid Balaam wa dugu yeden tou sawa ma zalan. Balak kelim le Balaam, “ana nadi inta ashan laanu adu tai, lakin aiynu, inta bariku umon talata maraat ¹¹ Yala sibu ana hasa wa ruwa beit. Ana kelim ana bi wodik hadiya, lakin Yahwa ma sibu inta bi ligo ai hadiya” ¹² Yala Balaam juwabu le Balak, “ana kelim le murasulat al inta rasulu le ana, ¹³ Mahma kan balak wodi le ana kasri tou Malian ma fida wa dahab, ana ma bi ruwa bara min kalam ta Yahwa wa kan haja batal wala al kwes, wala ai haja al kulu ana deiru amulu. Ana bi kelim bes shunu al Yahwa wori le ana ashan kelimu! Ana ma kelim de le umon? ¹⁴ Yala hasa, shuf, ana bi ruwa wara le nas tai. Lakin awel keli ana arshidu inta an haja al nas de bi amulu le nas taki fi ayam gidam. ¹⁵ Balaam bada ma nubuwa de. Huwo kelim "Balaam weled ta Beor kelemu, kalam ta zol al uyun tou moftu. ¹⁶ De yau nubuwa min zol al asuma kalamat min Allah, al endu marafa min Allah al fok, al indu ilim min Allah al aali, al bi aiynu ruya min Allah, al bi dengir tehet ma uyun fati. ¹⁷ Ana aiynu huwo, lakin huwo ma hini hasa. Ana aiynu huwo, lakin huwo ma gerib. Al nijma bi ja bara min Yacub, wa ras bi gum min Israel. Huwo bi gofulu kiadad ta Moab wa demiru kulu iyal ta iyal ta Seth. ¹⁸ Yala Edom bikun mumtakat ta Israel, Wa Seir bikun mumtalak tomon, adu al Israel, al Israel bi amsik be guwa. ¹⁹ Bara min Yacub melik bija al bi endu sulta, Wa huwo bi demiru al aishin fi medina tomon. ²⁰ Yala Balaam aiynu le Amalek wa bada nubuwa tou. Huwo kelim, " Al Amalek kan azam umam, lakin akiir nihaya tou bekun damar. ²¹ Yala Balaam ainu le Kenites wa bada nubuwa. Huwo kelim, "mahal al intum aishin fogo gowi wa osh takum fi hajar. ²² Mahmakan intum Kenites bi aruku intum ma nar wokit Assyiriin be silu kum ze asir al harib". ²³ Yala Balaam bada ma nubuwa tou al akhir. Huwo kelim, "woe! munu bi ish kan Allah amulu de? ²⁴ sufun bi ja min tarab Bahar ta Kittim, umon bi hajimu Assyiriin wa shetar le Eber, lakin umon, kaman, bi .entehi fi damar. ²⁵ Yala Balaam gum for wa ruwa. Huwo rija le beit tou, wa Balak kaman ruwa bara