¹ Huwo nadi al etnashar sawa wa wodi le humon guwa wa sultan ashan i turuju bara kulu shayateen wa bi aliju ayanaat. ² Huwo rasulu humon bara ashan bi beshiru al malakuut ta Allah wa aliju al ayan. ³ Huwo kelimu le humon, ''ma ta shilu fi safar taki__wele asaya,ele shenta,wele reqif, wele gurush, wa gumsh ziyada. ⁴ Aye bet al intum dakalu fogo, geni takum inak lahadi intum ruwa. ⁵ Aye bet al intum dakalu ma rahibu intum sibu bet de, nedifu takum gubar ta kura takum ka shuhuda le humon.'' ⁶ Bad dak humon futu wa ruwa min bilad, bi beshiru al injil wa ilaju fi kulu makan. ⁷ Hasa Herudus al rais asuma kan, an kulu al ge hasil wa huwo kan kafu, la anu kan juzu min nas kelimu inu Youhana gum min al mutu, ⁸ wa tanin kelimu inu Elia zahir, wa lisa tanin kelimu inu wahid min anbia al ta zaman gum. ⁹ Herudus kelimu, .'Ana gata ras ta Youhan. De munu al ana bi asuma hajat an huwo?'' Wa huwo hawil ashan bi ayenu huwo ¹⁰ Zaman rusul rija, humon kelimu le huwo kulu hajat humon amulu. Yala huwo shilu humon ma huwo, wa humon ruwa beid le medina isim tuo Bethsaida. ¹¹ Lakin zaman jumhuur asuma keda humon ruwa wara tuo. Huwo rahibu humon wa wonusu le humon an malakuut ta Allah, wa huwo aliju del al muhtaj ilaj. ¹² Hasa yom kan ja biga le nihya, wa al etnashar ja le huwo wa kelimu, ''Rasulu al jumhuur del kede ruwa le hawile beled ashan bi ligo mahal nuum wa akil, la anu mahal de gaba, ¹³ ''Lakin huwo kelimu le humon, ''Intum wodi takum le humon haja ashan humon bi akulu. ''Humon kelimu, ''Anina ma endu aktar min kamsa reqif wa etnin samaga__wa illa anina bi ruwa wa ishteri akil le nas del kulu. '' ¹⁴ (Fi inak kamsa alf rajil.) Huwo kelim le talamiz tuo, ''Kede humon geni tihit fi mujmu kamsiin kamsiin.'' ¹⁵ Fa humon amulu de, wa kutu nas geni tihit. ¹⁶ Shilu kamsa reqif wa etnin samaga, huwo ayenu fok le sama, huwo bariko humon wa kasuru suker suker, wa huwo wodi le talamiz ashan gesimu le jumhuur. ¹⁷ Humon kulu akulu wa shabanin, wa kan al fadolo limu fok etnashar gufa al kasuru sukeriin. ¹⁸ Huwo hasil wokit Yesua kan bi seli ma nefsa tuo, talamiz kan ma huwo. Huwo asalu humon, kelimu, ''jumhuur de bi kelimu ana munu?'' ¹⁹ Humon juabu, ''Youhana al mamadan. Lakin tanin kelimu Elia, wa tanin kelimu inu wahd min anbiya ta zaman gum,'' ²⁰ Bad dak huwo kelim le humon, '' Lakin intakum bi kelimu ana munu?'' Butrous, juabu ''Al Mesih ta Allah. ²¹ Lakin huwo anziru humon shidid ashan ma bi wori le aye zol, ²² gali ''jena ta insan bi tabu ma hajat ketir wa bi abawu ma shiyuuk wa rais ta abunat al mosul wa kataba wa huwo bi katulu wa fi yom nimira talata bi gum.'' ²³ Bad dak hwo kelimu le humon kulu, ''Aye zol der ja le wara ana, huwo lazm bi anguru nefsa tuo wa arfa selib tuo kulu yom wa ja wara ana. ²⁴ Al bi hafizu haya tuo huwo bi fagidu, lakin al bi fagidu haya tuo ashan ana bi hafizu. ²⁵ Sunu yau kwes le zol kan rebehu dunia kulu, wa fagidu haya tuo? ²⁶ Aye zol al indu fadia le ana wa le kelimat tai, Ibni al insan bi indu fadia wokit huwo ja fi mejid tuo wa mejid al ta abu wa al malaykat al kudusiin. ²⁷ Lakin ana kelim le intum al hagiga, fi juzu tanin wagifin ini humon ma bi jeribu mutu gubaal humon ayenu malakuut ta Allah.'' ²⁸ Hasa biga tamania yom bad Yesua kelimu kelimat del , huwo shilu ma huwo Butruos wa Youhana wa Yakub wa ruwa fok le jebel le sala. ²⁹ Ze ma kan bi seli, wosa tuo kan geiru, wa gumash tuo tala abiyat. ³⁰ etnin rijal kan bi wonusu ma huwo, Musa wa Elia, ³¹ humon zahir fi mejid, wonus ma huwo an ruwa tuo, al huwo kan der kalasu fi Uruselim. ³² Hasa Butruos wa del al kan ma huwo humon kan bi num, lakin zaman humon gum, humon ayenu mejid tuo wa etnin rijal al kan wogif ma huwo. ³³ Ze ma humon bi ruwa min Yesua, Butruos kelimu le huwo, ''Saeed, huwo kwes le anina ashan bi kun ini. Kede anina sala talata rakuba, wahid le inta, wahid le Musa, wa wahid le Elia.''(Huwo ma arufo sunu kan huwo bi kelim.) ³⁴ Ze huwo kan bi wonusu, sihab ja wa kati humon, wa humon kan kafo ze humon dakalu fi sihab. ³⁵ Sout tala bara min al sihab, kelim, ''De yau jen tai, al wahid al iktaru; asuma, le huwo.'' ³⁶ Zaman sout wonusu, Yesua kan bi ga barwo. Humon askut wa ma kelimu del al inak aye haja al humon aynu. ³⁷ Fi yom tani, zaman humon nezil min jebel, nas ketir limu ma huwo. ³⁸ rajil min al jumhuur kore, kelimu, ''Moalim, Ana bi asalu inta ayenu le jena tai la anu huwo jena tai al wahid. ³⁹ Inta ayenu roho shilu masulia tuo wa huwo bi kore bes faja; bi juru juru huwo biga buzak bi tala min kasma tuo. huwo ma bi sibu huwo wa bi jarhu huwo batal. ⁴⁰ Ana asalu talamiz taki ashan bi turuju bara, lakin humon ma agder.'' ⁴¹ Yesua juabu wa kelim, ''Intum al ger mominin wa jiel al meilu, zaman godoor sunu ana bi kun ma intum wa ana bi tabe ma intum? Jibu jena taki ini. ⁴² ''Zaman weled kan jayi, al shitan jada huwo tihit wa hizu huwo ma juru juru. Lakin Yesua intehir roho al waskan wa aliju al weled, wa rija huwo wara ta abu tuo. ⁴³ Bad dak humon kulu kan istagarab min kebir ta Allah. Zaman humon kulu kan mustagarabin min hajat kulu al kan huwo bi amulu, huwo kelim le talamiz, ⁴⁴ ''Kede kelimat dakalu fi juwa adana takum: Al ibni al insan bi kabasu fi eden ta rijal.'' ⁴⁵ Lakin humon ma fahimu asuma wonusa de. huwo kan dusu min humon, ashan humon ma bi arufo mana tuo, wa hata alan humon kan kayifiin ashan bi asalu wonusa de, ⁴⁶ Fa munakashat bada fi bein tumon ann yatu min humon bikun kebir. ⁴⁷ Lakin Yesus, arufo, fikira ta gelba tomon, huwo shilu jena soker wa kutu fi jambu tauo ⁴⁸ wa kelm le humon, ''Al bi rahibu jena fi isim tai, huwo rahibo ana; wa al bi rahibo ana rahibo al rasulu ana, La anu al soker fi nus takum kulu huwo yau kebir.'' ⁴⁹ Yuhana juabu, ''Mo alim, anina ayenu zol tani bi turuju aruwa shirir ma guwa fi isim taki wa anina abusu huwo, la anu humon tabe le nina. Yesua juwabu ⁵⁰ ma takum abusu huwo, ''la anu al ma ded intum huwo ma intum.'' ⁵¹ Wokit ayam biga gerib le ashan bi shilu fok, huwo kutu wusa tuo le ruwa le Uruselim. ⁵² Huwo rasulu marasulat gidam, wa humon ruwa wa dakalu fi beled ta Samiria al saleh ashan bi jahizu hajat kulu le huwo. ⁵³ Lakin nas al inak ma rahibo huwo la anu huwo kutu wusa tuo le uwa le Uruselim. ⁵⁴ Zaman talamiz Yakub wa Yuhana ayenu keda, humon kelimu ''Rabuna, ita der anina kede amiru nar kede ja tihit min sama wa demiru humon?'' ⁵⁵ Lakin huwo agelibu wa wobiko humon, ⁵⁶ wa humon ruwa le beled tani ⁵⁷ v 57 Ze ma humon kan bi ruwa fi sika, zol tani kelim le huwo, ''Ana bi ruwa wara ita fi ae mahal ita bi ruwa. ⁵⁸ ''Yesua juwabu le huwo, ''Sa alib indo hufura, wa tiyuur fi sama indo biyuut, lakin Jena ta Insan ma indo mahal bi fogo ras tuo.'' ⁵⁹ Bad dak huwo kelimu le tani, ''tal wara ana. ''Lakin huwo kelim, ''Rabuna, awel sibu ana ruwa dofonu abu tai.'' ⁶⁰ Lakin huwo kelim le huwo, '' sibu al meiteen dofonu meit tomon. Lakin ze ma le inta ruwa wa alinu malakuut ta Allah.'' ⁶¹ Fa zol tani kelimu, ''Ana bi ruwa wara inta, Rabuna, lakin awel kede ana selimu del al fi bet tai.'' ⁶² Yesua juwabu le huwo, ''Mafi bi kutu eda tuo fi molodo wa ayenu wara bi amfa fi malakuut ta Allah.''