¹ Fi wokit dak, juzu min nas inak wori le huwo an Jelilieen al Pilatus lakbat dom tumon ma zebeha. ² Yesua juabu wa kelimu le humon, ''Itakum bi fekir inu jelileen del katiyin aktar min Jelileen tanin la anu humon tab fi sika? ³ La, Ana bi wori le itakum. Lakin iza intum ma tub, intum kulu bi mutu fi nefsu sika. ⁴ Wala del al tamantashar nas al fi Siloam al buruj waga fogo humon, intum bi fekir humon batalin min nas al fi Uruselim? ⁵ La, Ana kelim, Lakin iza intum ma tub, intum kulu bi mutu kaman.'' ⁶ Yesua wori misaal de, ''Zol tani indu sejera Tina zarao fi zira tuo wa huwo ja ayenu le samar al fogo lakin huwo ma ligo. ⁷ Al rajil kelim le jinena, 'Ayenu, Talata senawat Ana ja hawel ligo samar fi sejera tina wa ma ligo wale wahid. Gata huwo tihit. Lei bi sibu huwo karabu turab?' ⁸ Sidu jenena juabu wa kelim, 'Sibu huwo barao sena de Ana bi afura jambo tuo wa kutu samad fogo. ⁹ Iza huwo weledu samar sena al jayi, kwes; lakin kan ma fi, kat huwo tihit!'' ¹⁰ Yesua kan bi derisu fi wahid min al majami fi Sabbath. ¹¹ Mara kan fi inak indu tamantashar senawat ma roho al deif. Hiya kan munhani wa ma bi agder kun adeel le fok kulu. ¹² Zaman Yesua ayenu hiya, huwo nadi hiya wa kelim, ''Mara, inti hur min deif taki.'' ¹³ Huwo wodi eden tuo fogo hiya, wa tuwale hiya kan biga adeel wa hiya mejido Allah. ¹⁴ Lakin rais ta majmma kan zalan la anu Yesua aliju fi yom Sabbit. Fa rais juwabu wa kelim le jumhuur, ''Inak fi sita ayam al huwo dururi le shokul. Tal wa aliju, maa fi yom Sabbit.'' ¹⁵ Rabuna juwabu huwo wa kelim, ''Nas al kadabin! Hal mafi wahid minakum bi fiku thor tuo aw himar min habil wa bi sugu ashan bi asorubu moyo fi Sabbit? ¹⁶ Fa nefsu biniya ta Abraham, Ibilis robutu le muda tamantashar senawat, ma bi fiku fi yom Sabbit ¹⁷ Ze ma huwo kelimu hajat del, kulu del al aridu hueo kan bi fadiya, lakin al jumhuur kulu kan bi afra le kulu hajat al mumejid huwo amulu. ¹⁸ Bad dak Yesua kelim, Malakuut ta Allah ze sunu, wa sunu Ana bi karinu ma huwo? ¹⁹ Huwo ze haba ta khar dal al insan shilu wa jada fi jenena, wa huwo raba biga sjera kebir, wa tiyuur ta sama abinu biyuut tumon fi furu tuo.'' ²⁰ Tani huwo kelim, ''Ma sunu ana bi karinu malakuut ta Allah ²¹ Huwo ze kamira al mara shilu wa lakabatu ma talata kilo ta degig lahadi huwo bi waza kulu degig.'' ²² Yala yesua safir min medina wa beled derisu wa bi sala sika tuo le Uruselim. ²³ zol tani kelim le huwo, ''Rabuna, nas besit bes yau bi kalisu?'' Fa huwo kelimu le humon, ²⁴ ''Nadil ashan ita bi dakalu min bab al deyiik, la anu, Ana kelim le inta, ketir der dakalu, lakin ma bi agder dakalu. ²⁵ Kan beit gum fok wa gufulu bab, yala inta bi wogif bara wa dugu bab wa kelim, 'Rabuna, Rabuna, kede anina dakalu.' Huwo bi juabu wa kelim le inta, 'Ana ma arufu inat aw inta ja min wen.' ²⁶ Yala inta bi kelim, 'Ana akulu wa asorubu fi gidam taki wa inta fekir fi sika tanina.' ²⁷ Lakin huwo juwabu, Ana kelim le inta, Ana ma bi arufu inta in wen. Wasa bara min ana, intum nas al bi amulu sharr!' ²⁸ Inak bi kun kore wa adii sunun wokit intum bi ayenu Abraham, Ishak, Yakub, wa kulu anbia al fi malakuut ta Allah, lakin jadao intum bara. ²⁹ Humon bi ja min shirik, garib, shamal,wa junub wa bi geni fi tarabeza fi malakuut ta Allah. ³⁰ Kede arufu del al humon agala ahmiya bi kun awel, wa del al aksar ahmiya bi kun akir.'' ³¹ bad min Firiseen ja wa kelim le huwo, ''Ruwa wa geni ini la anu hirodus azu katulu inta.'' ³² Yesua kelim, ''Ruwa wa wori le saalab de, 'Ayenu, Ana turuju bara shayateen wa bi amulu ilaj alela wa bukora, wa yom nimira talata Ana bi wosulu le hadaf tai. ³³ Fi aye hala, huwo muhim le ana ashan bi istemir alela,bukora, wa yom al tani ze ma huwo ma kwes ashan bi katulu nebi bara min Uruselim. ³⁴ Uruselim, Uruselim, munu katulu anbia wa rejimu del al rasulu le intum. Kef dayiman Ana indu niya ashan bi limu iyal takum fi teriga al gidada bi limu beida tihit jina tou, lakin ita ma indu niya de. ³⁵ Ayenu, beit taki sibu karabu. Ana kelim le ita, ita ma bi ayenu ana lahadi ita bi kelim, 'Baraka le huwo al ja fi isim ta Rabuna''