¹ Samson ruwa fi mantika ta wa hinak huwo ainu mara wahid min banat ta phalastinin. ² Zaman huwo rejaa Huwo kelim le abu tuo wa uma tuo”Ana ainu mara fi Timnah wahid min banat ta phalastin. Keli intum jebu hiya le ana hasa ashan bi geni mara tai. ³ Abu wa uma tuo kelim le Huwo”Mafi biniya min bien banat ta ahal taki hini? Wele min wasat ta shaab ta nina? Hal inta gi ruwa shilu mara min phalistineen al ma tahiru deel? Samson kelim le abu tuo”Jibu biniya de le ana, ashan zaman ana ainu hiya, ana bi muksut shedid. ⁴ Lakin abu wa uma tuo kan ma arufu gal kalam de jaa min yahwah ashan huwo deeru amulu sura deed phalisteneen(hasan zaman dak nas phalestineen yau bi haimu Israel). ⁵ Biga Samson fi timnah maa abu wa uma tuo, wa homon ruwa fi shijerat ta karma fi timnah wa ainu hinak yau assed al sukeir ea gi jaa hajimu humon. ⁶ ruhu ta yahwah towali jaa fi huwo huwo seretu aseed de le itniin bes ze huwo gi gesimu ghanamayo al sukeir wa kan mafi haja fi ida tuo. Lakin huwo ma kelim le abu tuo aw uma tuo aan haja al huwo amulu ⁷ Huwo ruwa wa wonusu ma biniya de wa zaman huwo ainu hiya kan hiya giyafa shedid. Samson tala muksut ⁸ Baad ayamat shuiya huwo rejaa ashan bi jouzu hiya, Huwo rejaa fi nefsu mahal dak ashan bi ainu haikal ta aseed de wa ainu hinak mujmu ta duban aseel wa aseel fi juwa jesim ta asees al fadulu de ⁹ Huwo shile aseed de fi iden tuo wa Huwo ruwa wa huwo gi akulu fi zaman huwo gi douru. Zaman huwo jaa fi le abu wa tuo, huwo wodi le humon wa humon akulu lakin huwo ma wori le homon gali huwo shilu assed de min jowa gesim ta aseed al huwo kan sibu de ¹⁰ Abu ta Samson ruwa le mahal al kan biniya de gi geni fogo wa Samson amulu ihtifal hinak ashan de kan adaat ta shabab hinak ¹¹ Towali zaman al ahaal ta hiya ainu huwo, homon jebu teletiin min sabihata tomon ashan bi geni maa huwo. ¹² Samson kelim le homn”Keli ana haki le intum gisa, iza wahid min intum wori le ana ejaba al sah fi muda ta sabaa yom ta ihtifal, ana bi wodi hadiya teletin jalabiya min ketan wa ¹³ Lakin intum ma wori le ana ejaba al sah, biga intum yau bi wodi le ana teletiin gita ta gumasat. Humon kelim le huwo wori le nina gisa taki de ashan keli nina asuma ¹⁴ Huwo kelim le homon, “Kan tala min al gi katulu haja al gi akulu; kan tala min al gowi haja al hilu.” Lakin guof tuo ma ligu ejaba fi talata yom ¹⁵ Fi yom nimra arba homon le mara ta Samson, kabasu rajil taki ashan howwo bi wori le nina ejaba ta gisa de, kan inta ma amulu nina haragu inta ma biet ta abu taki kulu. Hal intum nadi nina hina ashan intum bi seregu nina?” ¹⁶ Mara ta Samson bada koregedam tuo hiya kelim”Inta gi akrahu ana, inta ma gi hiba ana inta wori gisa le shaab tai lakin inta ma wori le ana ejaba tuo?” Samson kelim le hiya,”Asuma ana iza ka nana ma wori le abu tai aw uma tai, ana bi wori le inta?” ¹⁷ Hiya koree le mudat sabaa yom al ihtifal tomon bi kalasu fogo. Fi yom al sabie Huwo wori le hiya al ejaba ashan hiya kan dagitu Huwo shedid. Hiya ruwa wori ejaba de le ahal ta shaab hiya ¹⁸ Gebili shimish bi waga fi yom al sabie de ruja ta medina kelim le huwo”Shunu yau ahta min al aseed? Shunu yau gowi min al aseed?” Samson kelim le homn, iza kan intum ma kurju ma bagara tai, intum kan ma bi legu ejaba le gisa tai de.” ¹⁹ Biga yahwah towali nezil ruhu tuo le Samson ma gowa. Samson le Ashkelon wa katulu teletin min ruja tomon. Huwo shilu gumashat tomon wa huwo shilu gumashat deel wa wodi le nas al ashrahu gishs de, huwo ruwa le biet ta abu tuo wa huwo kan zalan shedid ²⁰ Wa kan mara ta Samson wodi le sabi tuo al shedid