¹ Iyal ta Israel amulu shar fi gedam ta rabuna, howo wodi le homon le nas midian le muda ta saba sena, ² Guwad ta midian asuru Israel ashan kalam tan as midian, iyal ta Israel amulu le homon beyut fi juwa, jebel wa tehet kahaf, wa fi mahalat ta hujar al guwi, ³ . Fi zaman dak iza kan iyal ta Israelites zara hajat tomon, midianiin wa amalekiin wan nas min serik bi hajimu iyal ta Israel, ⁴ Humon bi dugu khema tomon fi ard ta Israel wa bi demiru mahasil tomon fi kulu mahal lahadi fi gaza. Humon masibu akil fi Israel, wa la khorufan, wele abgar, wa la hamir ⁵ Wa iza kan humon gi ja, humon gi ja kulu ma haiwanaat, wa khemat tomon, humon gi sa ze jar jarat, wa inta ma bi agdier ashan bi edu adad ta tomon wa ta haiwanaat tomon humon gi dakalu fi beled ashan bi karabu ⁶ Midianiin de tabu Israel shedid, lahadi iyal ta Israel kore le rabuna. ⁷ Zaman iyal ta Israel kore le rabuna ashan kalam tan as midian, ⁸ Rabuna wodi nebi le iyal ta Israel, nebi kelim le humon de yau kalam al yahwah rabuna ta Israel gi kelim ana tala intum min Egypt, ana tala intum abudiya, ⁹ Ana ankizu intum min iden ta Egyptian wa min kulu iden tan as al gi tabu intum, ana turudu humon min gedam takum wa ana wodi le intum ard tomon, ¹⁰ Ana kelim le intum inu ana yahwah rabuna takum, ana wodi le intum talimat ashan keli intum ma abidu rabunat ta amoriniin, al intum gi geni fi ard tomon, lakin intum ma ihtarmu asuma sut tai, ¹¹ Biga malaika ta rabuna jaw a geni tehet shejera ta bulut fi ophrah, al ta joash(Al Abiezriti) wa fi zaman dak Gideon jena ta joash gi nedifu geme fir as hajer wa howo kan gi dusu nefsa min midianiin, ¹² Malaika ta rabuna zahar le howo wa kelim le howo, rabuna ma inta ya zol ta harib al guwi ¹³ Gideon kelim le howo, oh ya said, iza kan rabuna ma nina, lee teb hajat del kulu hasal le nina? Wenu kulu amalil tuo al ajib al abuhat ta nina kelim le nina, zaman al humon gi kelim musu rabuna yahu tala nina min Egypt? Lakin hasa rabuna aba nina wa howo wodi nina fi iden tan as midian, ¹⁴ Rabuna ainu le howo wa kelim, ruwa ma guwa al inta indu de wa kalisu Israel min iden ta midian, hal de ma ana yahu rasulu inta? ¹⁵ Gideon kelim le howo, min fadlak ya rab, ana bi kalisu Israel kef? Kede ainu usura tai yahu akir leben fi beit ta abu tai, ¹⁶ Rabuna kelim le howo ana bi kun ma inta wa inta abi intesir le jesh ta midianiin kulu bes humon bi geni le inta ze wahid zol, ¹⁷ Gideon kelim le howo, iza kan inta farahan/muksut min ana, teb wori le ana alama al inu de inta yau gi wonusu le ana, ¹⁸ Min fadlak ma ta ruwa min hini lahadi ka nana jibu le inta hadiya wa gedimu le inta, rabuna kelim ana bi isteeni lahadi inta bi rija, ¹⁹ Gideon ruwa wa jahis ganamayo sukeir wa degig wa amulu fetir howo kutu laham fi gufa wa howo kutu shurba fi goruma wa jiba le howo fi tehet shejera bolut wa gedimu hajat del, ²⁰ Malaika ta rabuna kelimu le howo, shilu laham de wa fetir wa kutu humon fir as hajer, wa kubu shurba fir as tomon, biga Gideon amulu ze ma malaika kelim le huwo, ²¹ Biga malaika ta rabuna medu taraf ta asaya al fi iden towo de. Yala howo lemesu laham de wa fetir wa nar gum tala min hajer de, wa akulu laham wa fetir de, biga malaika ta rabuna ruwa, min gedam ta Gideon ²² Gideon biga fahimu inu de kan malaika ta rabuna, Gideon kelim ah ya said al rabi ana ainu malaika ta rabuna usa ma usa, ²³ Rabuna kelim le howo, salam keli bi kun ma inta ma ta kafu, inta ma bi mutu ²⁴ Biga Gideon abinu mazbaha hinak le rabuna, wa howo kutu isim tuo”Rabuna Salam” mazbaha de fi lahadi yom ta alela fi ophrar al min usra ta abiezer, ²⁵ Fi bilel dak rabuna kelim le howo, silu bagara ta abu taki w bagara al nimra itniin al indu shaba sena, wa kasuru tehet mazbaha baal al ta abu taki, wa gata bara al asheraah al fogo de. ²⁶ Abinu mazbaha le yahwah rabuna takum fir as ta mahal ta dusu badu de wa sala bi teriga al kwes. Gedimu bagara al nimra itniin de ze zebiha al mahruk, istakdimu kasab min asherah al inta gata tehet de, ²⁷ Biga Gideon silu asara rujal min khudam tuo wa amulu ze ma rabuna kelimu le howo, lakin ashan howo kan gi kafu nas ta beit ta abu tuo wan as ta medina, howo istakal sukul de ma bilel, ²⁸ Yala zaman nas ta medina gum fi saba homon ainu mazbaha ta baal kasuru tehet wa asherah al kan fogo de gatawu tehet, wa gedimu bagara al nimra itniin le mazbaha al abinu de, ²⁹ Biga rujal al ta medina gum kelim le baad tomon, de munu yah amulu kalam de? Zaman homon gi wonusu fi baad tomon wa gi fetisu le juwab, homon kelim, mafi zol de Gideon jena ta joash yau amulu kalam de, ³⁰ Biga rujal al fi medina kelimu le joash, tala jena taki de bara hini ashan bi katulu, leanu howo kasuru mazbaha asherah al kan fogo, ³¹ Joash kelim le nas kulu al gi aridu howo, hal intum gi shakil min ajili baal? Hal intum bi kalisu howo? Ai zol al gi shakil min ajili baal, keli katulu howo defa nefsa tou, fi zaman al kasuru mazbaha tuo tehet, ³² Biga ashan keda fi yom dak, homon nadi baal yahu shakil ma howo, ashan howo kasuru mazbaha ta baal. ³⁴ Lakin Gideon kan maliyan ma roh ta rabuna, Gideon afuku buruji, howo gi nadi usura ta abiezer, ashan bi ja wara howo, ³⁵ Huwo rasulu marasula fi kulu Manasseh, wa nadi homon Kaman ashan bi ruwa wara tuo, wa howo Kaman rasulu kabaara le asher, zebulun, wa Naphtali, wa homon ruwa ashan bi kun ma howo, ³⁶ Gideon kelim le rabuna, iza kan inta deiru ana ashan bi kalisu Israel, ze ma inta kelimu, ³⁷ Ana gi kutu suf ta jelid fir as hajer ta atanu degik, iza kan mahal al belu fi suf ta jelid abis fi turab, biga ana bi kalisu Israel, ze ma inta kelimu, ³⁸ De yau haja al hasil- biga Gideon gum fi sabah, howo asuru suf de ma baad, lahadi moya mala fogo, ³⁹ Yala Gideon kelimu le rabuna, mata zalan min ana, keli ana wonusu le inta wahid, tani mara, min fadlak asuma le ana ashan ana bi istakdam suf de tani mara, dur de keli inta nashfu suf ta jelid de, wa ma mahalat kulu keli bilu, ⁴⁰ Rabuna amulu haja al howo asalu fi bilel dak. Jedid ta suf de nashif wa turab kan kulu bilu