¹ Musa limu kulu mujatma ta Israel wa kelimu le huwomon, ''Del yau hajat al Yahwa amiru itakum ashan bi amulu. ² Fi sit ayam shokul bi amulu, lakin le itakum, saba yom bi kun yom mukadas Sabbath ta raha al kamil le Yahwa. Aye zol al bi amulu shokul fi yom de bi wodi le mutu. ³ Itakum ma bi wala nar fi aye min bet takum fi yom Sabbath.'' ⁴ Musa wonusu le kulu mujatamae ta Israel, kelimu, ''De yau haja al Yahwa amiru. ⁵ Shilu zebeha le Yahwa, itakum kulu al indu nia min gelba. Jibu zebeha le Yahwa---dahab, fida, bronze, ⁶ azraq, arjwani, qrmuzi kashab wa katan; shar ta galamayat, ⁷ jilid ta koruf masbugh ahmar wa quta ta jilid; kashab ta sant; ⁸ zeit le haikal koruf, baharat ta zeit ta mesha wa riha ta bakuur, ⁹ hajar eaqiq wa bad huhar al kerima bi kutu le alrrada wa alssadra. ¹⁰ Kulu zol al mahir fi nus takum keda ja wa amulu kulu haja al Yahwa amiru ¹¹ al taboot ma kaima tou, kuta tou, almashabik, haykal, alhanat, amud, wa asas; ¹² kaman al taboot ma amida, al kaffara wa sitara le ta dusu. ¹³ Huwomon jibu al tarabeza ma amida tou, kulu adawat tou, wa al rigif ta wujud; ¹⁴ al manara le daw, ma mulhaqat tou , lamba tou, wa al zeit ta lamba; ¹⁵ al bakuur ta mazbaha ma amida tou, zeit ta mesha wa al riha ta bakuur; halaga ta baba ta taboot; ¹⁶ al mazbaha le haragu zebeha ma hajiz bronze wa amida tou wa adawat; wa hawd kebir ma asas tou. ¹⁷ Huwomon jibu al halaga le medan beit ma amud tou wa asas, wa al sitara le medan ta bab; ¹⁸ wa alssafahat ta kaima, sawa ma alhibal tou. ¹⁹ Huwmon jibu jalabia al nayim le kidama fi mahal al mukadas, al jalabia al mukadas le Haron al gesis wa iyal tou, ashan huwmon bi kadimu ze gusos.'' ²⁰ Yalla bi ga kulu gabayiel ta Israel sibu wa ruwa beid min wujud ta Musa. ²¹ Kulu zol al gelba tou dugu wa de al roho kutu huwo indi nia kede ja wa jibu zebeha le Yahwa le buniyaan ta kaima, leanu kulu muwad ta kidma fogo, wa le malabis al mukadas. ²² Huwomon ja, sawa rijal wa nusuwan, kulu del al indu nia. Huwomon jibu dababis, khawatim ta adana, wa zakarafa, kulu shekil ta majwahrat.Huwomon kulu gedimu zebeha ta dahab ze zebeha le Yahwa. ²³ Kulu zolal indu azraq, arjwani, aw kashab qrmuzi, malabi al kwes, shar ta galamaya, jilid ta koruf masbugh al ahmar aw jilid al kwes al jibu min huwomon. ²⁴ Kulu zol al bi amulu zebeha ta fida aw bronze jibu huwo ze zebeha le Yahwa, wa kulu zol alindu kashab al sant le aye shokul al huwo jibu fogo. ²⁵ Kulu mara al indu mahara ta keyata ma edan tou wa jibu haja al huwo keitu ---azraq, arjwani, aw suuf qrmuzi, aw malabis al kwes. ²⁶ Kulu nusuwan al gelba toumon dugu wa al indu mahara ta keyata sharta galamayat. ²⁷ Al qada jibu hajar aqiq wa hijar al kerim ashan bi kutu fi alrrada wa alssadra; ²⁸ Huwomon jibu baharat wa zeit, wa bakuur. ²⁹ Al Israelien jibu zebeha al hur le Yahwa; kulu rajil wa mara al gelba tou dugu kan bi nia jibu mawad le shokul ta Yahwa al amiru huwomon mao bi wasat ta Musa ashan kede amulu. ³⁰ Musa kelimu le Israelien, Ayenu, Yahwa nadi ma isim fogo Bezalel jena ta Uri jena ta Hur, min gabila ta Yahudiya. ³¹ Huwo mala Bezalel ma roho tou, ashan bi wodi le huwo hikma, fihim, wa marifa, fi shikil ta kulu shokul ta edna, ³² ashan bi amulu fann wa shokul ta dahab, fida, wa bronze; ³³ kaman ashan bi gata hujar wa naqsh al huhar___ashan bi amulu kulu shikil ta fann ta shokul ta eda ³⁴ Huwo kutu fi gelba tou ashan bi derisu, huwo wa Oholiab jena ta Ahisamak, min gabila ta Dan. ³⁵ Huwo mala huwomon ma mahara ashan bi amulu kulu shikil ta shokul ashan bi amulu ta edan, ze naqsh, ze keyata fi azraq, arjwani, qrmuzi wa malabis al kwes, wa ze alnnasajun. Huwomon alharfiiyn fi kuluanwa ta shokul, wa huwomon fanniin