^{1 2} Nadi le inta Haron aku taki wa ital tou Nadab, Abihu, Eleazar, wa Ithamar---min nus ta Israelien ashan huwomon bi kadimu ana ze abuna ² inta kede sala le Haron, aku taki, jalabia al kasisu le ana. jalabia del bi kun le ihteram tou wa shokul kebir. ³ Inta lazim bi kelimu le kulu nas munu yau negit fi geliba, del al malawo ma roho ta hikma, ashan huwomon bi sala le Haron jalabia ashan bi kasisu huwo ashan bi kadimu ana ze abuna tai. ^{4 5} Al jalabia al huwomon bi sala huwo al ssadra wa rida wajba gamis muharam wa imama wa hizam. Huwomon bi sala jalabiat del al kasisu le ana. Huwomon bi kun le aku taki Haroon wa iyal tou ashan huwomon bi kadimu ana ze abuna. Huwomon bi shilu dahab, al asmajoni wa al arujuwan a kurmuz, wa al buz. ⁶ Huomon bi sala gumash min dahab asmajoni arujuwan wa kurmuz wa suuf al ahmar, wa kitan mabrum. de bi kun shokul ta zol negit. ⁷ huwo bi kun indo etini kitfa mulasak le huwo fi zawaya tou al etnin. ⁸ Huwo nayim wa mahbuk rubat ta sulba bi kun ze gumash; huwo bi salawo min wahid min gita ta gumash, al salawo min kitan mabrum al huwo dahab, azrak, aujuwani, wa loon al kurmuzi. ⁹ Ita bi shilu etnin min hajer eaqiq yamani wa naqsh fogo isim ta iyal ta Israel. ¹⁰ Sita min asma toumon bi kun fi hajer, wa sita asma bi kun fi hajer tani, fi nizam ta melad. ¹¹ Ma shokul ta naqsh al hajer, ze naqsh al khatim, ita bi hafura etnin hujaar de ma isim ta iyal ta Israel. ¹² Ita bi kutu hujar del fi nizam ta dahab. Ita bi kutu etnin fi khatif ta gita ta gumash, al hajeri ashan bi kun zikira le Yahwa ta iyal ta Israel. Haroon bi shilu asma toumon gedam Yahwa fi khatif tou ze zikira le huwo. ¹³ Ita bi dubitu al daha ¹⁴ wa etnin salasil madaffir in dahab al nedif ze habil, wa ita limu salasil le dubit. ¹⁵ Ita bi sala al sadra le amulu karar, amulu shokul ta zol al negit, shekil tou ze gumash. sala min dahab, al azrak, arujuwani, wa al suuf al kurmuzi wa malabis al tamam. ¹⁶ huwo bi kun muraba. Ita bi gofulu al ssadra maratein. huwo bi kun wahid masafa tuwil wa wahid masafa wasei. ¹⁷ Ita bi kutu fogo arba sufuf ta hujar al gali. al saf al awil bi kun indo ahmar dakin, topaz (al haher al kerim) wa aleaqiq. ¹⁸ Al ssufuf al tani indo zamarrid, yaqut wa almas. ¹⁹ Al ssufuf al talit bi kun yaqut wa hajer kerim. ²⁰ Al ssufuf al rabe bi kun indo peryl wa aleaqiq al yamani wa yashabb, Huwomon bi kutu ze nezam ta dahab. ²¹ Al hujar bi salawo hasab asma ta iyal ta Israel. Huwomon bimkun ze naqsh fi khatam, kulu isim bi kun le gabayil al etnashar. ²² Ita bi sala fi alssadra ssalasil ze habil, madaffir shokul ta dahab al nedif. ²³ Ita bi sala khatim min dahab le alssadra wa bi limu lma etnin al akir al ta ssadra. ²⁴ Ita bi limu dahab al etnin le ssalasil le etnin zawaya al ta ssadra. ²⁵ Ita bi limu bagi etnin salasi ta madaffir le etnin dubit. bad dak ita bi limu del le kutuf qata ta gumash al fi gidam tou. ²⁶ Ita bi sala etnin katim min dahab, wa ita bi kutu huwomon fi etin zawia al tni al ta ssadra, fi nihaya al gerib ma tija al bi dakil. ²⁷ Ita bi sala etnin katim ta dahab, wa ita bi limu huwmon ma tihit ta etnin qata ta kutuf ta gumash al gedam, gerib ma darz fok mahbuk al nayim gash ta gumasg. ²⁸ Huwomon bi rubutu lassadra ma katim tou fi gumash ta katim ma habil azrak, ashan bi limu bes fok ta hizam al muhbuk. De ashan al ssadra ma bi shilu min gumash. ²⁹ Zaman Haron ruwa le mahal al mukadas, huwo bi shilu asma ta iyal ta Israel fi geliba tou fi lassadra le amulu karar, ze zikra al mustemir gedam ta Yahwa. ³⁰ Ita bi kutu al ssadra Urim wa al Thummim le shilu karar, ashan huwomon bi kun fok le geliba ta Haron zaman kan huwo ruwa gedam ta Yahwa. ze de Haron dayiman bi shilu asma le amulu karar le iyal ta Israel fogo geliba tou gedam ta Yahwa. ³¹ Ita bi sala ,habil ta gumash min qamash al azrak . ³² huwo bi kun indo fatha le ras fi nus. al fatha bi kun indo muhbuk fi nihaya tou ashan huwo ma bi sharatu. De bi kun shokul ta khayaat. ³³ Fi tihit hadab, ita bi sala al rrmman min azrak, arujuwani, wa ghazal kurmuzi hawali tou. jaras min dahab bi kun bein huwomon. ³⁴ hinak bi kun jaras min dahab wa alrrmman, al jaras min dahab wa keda fi hawili hadan ta malabis. ³⁵ al malabis bi kun fi Haron kan huwo bi kadimu, ashan suot tou bi asumawo kan huwo ruwa le mahal al mukadas gedan ta Yahwa wa kan huwo tala. De ashan huwo ma bi mutu. ³⁶ Ita bi sala sahan ta dahab wa hafura fogo, ze al bi hafurao fi katim, ''Mukadas le Yahwa. ³⁷ ''Ita bi limu sahan de ma habil al azrak fi gedam ta eamama. ³⁸ Huwo bi kun fi wosa ta Haron; huwo dayiman beinu galat al bi limu ma zabiha ta hadaya al mukadas al Israelien kasisu le Yahwa. Al eamama bi kun dayiman fi wosa ashan Yahwa bi gabilu hadaya toumon. ³⁹ Ita bi sala al coat ma kitan al nayim, wa ita bi sala eamama min kitan al nayim. ita kaman bi sala washah, skoul ta turz. ⁴⁰ Leanu iya ta Haron lazim bi sala coat, washah, wa eiqal le ihteram toumon wa le dala. ⁴¹ Ita bi libisu Haron aku taki, wa iyal tou ma huwo. Ita bi masa, huwomon, wa kasisu huwmon le ana, ashan huwomon bi kadimu ana ze abuna. ⁴² Ita sala le huwon kitan libaas ashan huwomon bi kati ma shokul ariyan ta gesim, al bi kati huwomon min sulba le rukuba. ⁴³ Haron wa iyal tou lazim bi libisu jalabia del zaman al kan huwomon dakalu fi kaima ta ijtema aw kan huwomon ja le mazbaha ashan bi kadimu fi mahal al mukadas. Huwomon lazim bi amulu de ashan huwomon ma bi kun galtanin wa ila huwomon bi mutu. De ganuun al sabit le Haron wa iyal ta iya al bad huwo.